#حفصه الهاشمي
#رغما عني
___________
نور.....
فرحت لمهاب كولش من سمعت من امي راح يخطب ...
طول عمره واكف ويايه وابد ما عافني لو حته اني جنت غلطانه بحقه يبقه واكف ويايه
ما انكر خفت من يتزوج ينسانه وبعد ميساعدنه ....
بس مهاب يختلف اكيد ميسوي هيج ...
من فتت بالشهر الخامس الى الشهر السادس اني مرايحه لاهلي امي دائما تجي يمي وسحر هم مرات اني اعزمهم
وعامر لو طالع لو بالشمال
كمت اضوج من هاي الحاله
يروح بين فتره وفتره للشمال وعلى والله امي علمود لا تشك بيه
اخر مره راح بيها جنت هستوني فايته بالسابع ودكتوره مرايحه من اخر مره رحت ويه مهاب
عصبت كولش عليهِ قبل ما يوصلني لاهلي
وكفنه يم الباب مال اهلي التفتت عليهِ بعصبيه وكتله
///عاامر هالمره اذا رحت وما لكيتلنه حل ترا والله اكول لأهلي زين ما ابقه اني هيج مو حاله هايه زوجي يوم يمي وعشره بالشمال هاي لو متزوج عليه جان احسن مو بلا؟ ؟
مسح لحيته بتوتر وباوع عليه بنظرات يأس
خذلني هوايه وبعدني متأمله بيهِ يسويلنه حل ...
جاوبني وهوه يسحب ايدي ويبوسها ///عمري انتي اصبري عليه شويه الله يخليج ترا والله راسي راح ينفجر من جهه امي ومن جهه انتي
سحبت ايدي من بين ايده بعصبيه وجاوبته قبل ما افتح الباب وانزل ///انته الفوتتنه بهذا الطريييق عاامر انته الورطتني مو كد الزواج والمسؤوليه ليش تزوجتني جان خليتني للي يعرف يصوني ويحافظ عليه مو مثل
قبل ما اكمل حسيت بحراره منبعثه من خدي الايمن
رفعت راسي وحطيت عيوني بعيونه بعصبيه وصدمه من تصرفه
هاي اول مره يمد ايده عليه ويضربني
وليش لان طالبت بحقي من حقي يضهرني للعلم مو يخفيني عن اهله وناسه وكأنو بايكله بوكه ...
باوعت عليهِ بصدمه وهوه ايضاً جان مصدوم من تصرفه ...مسح على وجها بتوتر وحاول يسحب ايدي
سحبت ايدي بسرعه وعصبيه فتحت الباب قبل لا اسده كتله بغصه واني اريد اشعله بالنار الي مشتعله بروحي حتى يحس بالي احسه ...
////ماا اريدد اشووف وجهكك عاامر بعدد
عفته وسديت الباب بقوه فتحت الباب وفتت
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
