جاد الزمان على فراقنا
كيق سمحنا لتلك المسافات بأبعادنا عن بعض
هل للعودة طريقُ يسير فيه من
تحطمت أفئدتهم في مطبات الحنين
سائرون في دروب المنفى باحثون على
من انفنى من صفحات حياتنا
كهبات الريح وصالهم نعيمٌ عند وصوله
واحتراقٌ بعد غيابهم
بقلمي حفصه الهاشمي ....ــــــــــسووو تاكاتتتت
/ بعد عمج شنو قررتي على الكتلج علي بعد ما بيها رفض واني عمج صار 40 يوم على وفاة المرحوم واني اسوي هذا الشي لمصلحتج وانه عمج ...يعني ما تثقين بيه اذا ماعندج ثقه برا...
قاطعته قبل ما يكمل جاوبته بتلكئ
/// لا لا عمو ءء اقصد مثل ما تريد انشالله شوكت ما تجي تاخذني اروح وياك
هزلي براسه بأبتسامه مسح على راسي حسيته فرح حيل كام وباسني من راسي وهوه يكول بنبره تتغلغلها الفرح و السرورو
// عفيه يبعد عمج لعد انتظري مني خبر خلي موبايلج يمج من اتصل عليج تتحضري ماشي بنيتي
انشالله عمو
عافني وراح عمو مسلم من ايام الفاتحه مال بابا وهوه يفتح ويايه موضوع الورث مالتنه الي خلا بابا النه واني كد ما احاول جنت انهزم منه واتملص من الموضوع بس هوه لا يكل ولا يمل يدور يدور ويرجع على نفس الموضوع
اتذكر اول مره من اجاني ورا الفاتحه مال بابا باربع ايام جنت كاعده بالاستقبال وحدي و اختي ماما رزلتها علمود تقره لان جانت هامله نفسها اخذتلها رزاله معدله وراحت لغرفتها تقره وامي راحت تتوضى وتصلي العصر و ورا الصلاة متعودين عليها تبقه تدعي بس ورا وفاة بابا اخاف جانت تدعي ربع ساعه هسه صارت تدعي بالساعات و تستغفر وتهدي على روح الموتى ..و العزاز
سمعت صوت الباب يندك عرفته لو عمو لو مهاب لو بهاء
رحت فتحت الباب وصدوك طلعلي عمو مسلم سلمت علي و فوته بالاستقبال
جانت امي عدها عده فميصير تطلعله بقيت بس اني يمه بالاستقبال
رحت سويتله جاي وجبتله نفاضه ومي واجيت كعدت يمه
ضل يحجي ويايه بمواضيع عاديه بعدها فاتحني بموضوع الورث مالة بابا وهوه يكول بنبره جديه
// بنيتي نور تعرفين ابوج شكد جان يحبكم وهوه عايش جان يبيع الاله و العلي ولا يشوفكم محتاجين عدل يابه
جاوبته وهزيتله راسي بالموافقه رجع كمل
//اي فعلمود هاي ماجان هين علي يسلم امانته لربه وهوه ما مطمن عليكم لذلك خلالكم ورث الج و لاختج و لامج بس ما تكدرون تتصرفون بيها هسه الا توقعين على كم ورقه بما انو انتي الاخت الجبيره و البنت الجبيره اله حته تكدرون تتصرفون بيها على راحتكم
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
