رغماً عني

والأخير 29 part

#رغما_عني ..

حفصه الهاشمي ...

ـــــــــــــــــــــــــــــ

الضمير لو ينباع وينشري جان اشتريته من زمان لعامر وامه ....

بس للأسف ما ينباع ولا ينشري ....

قتل ..تعذيب ..اغتصاب...اختطاف ... 

كولهن يحدثن من الانسان الي ماعنده ضمير ولا مخافة الله ...

والشعب العراقي ..والعربي ايضا مو بس العراقي...

يسويهن كولهن وما يرفله جفن ( البعض )

لان قلبه اتجرد من الايمان .. وهذا يؤدي الى موت الضمير عنده ... لأن الاسلام عطف وامان .,, مو قتل وحرمان ....

ــــــــ

انصقعت واني اشوف أثار الحرق بزند ابني مرسومه بكل بشاعه تضهر عدم رحمة هذوله الاشخاص .. 

الجلد متغير لونه ومكرمش وصاير يخوف .. 

من خوفي لا ارادياً مني عطت بعلو صوتي ...

فات مهاب من باب الشارع الضاهر جان يوكف سيارته ...

وامي اجتي تركض شافت يزن شالته تبوس بي ...

وهوه يبجي الضاهر متأذي من الحرق الي بأيده ...سحبته من ايد امي على كيفي واني ارجف من خوفي عليهِ ومن الصدمه ايضاً 

/// شبيج نوري ... هاي ابنج واجاج بعد على شنو هالبجي امسحي دموعج ابويه انتي ...

التفتت عليهِ بخوف واني ارجف كتله /// مها ..مهااب شوووف شمسووين بي مهااااب ...

باوعلي مصدومه نزل نظراته لايد يزن الي أأشر عليها ...فتح عيونه بصدمه والغضب امتلكهن ...

سحبه مني وهوه يتفحص الحرك مالته ...

امي/// عزا العزاهمم ياا يمااا شمسووين بالولددد ... ولكم حاركي المايخافون الله ... يمااا مهااب اخذه للمستوصف شوفلهيا ...

شاله مهاب وطلع بسرعه للسياره ويزن بعد روحي ما يحجي ولا حجه ولا كلمه بس يبجي ... لبست عباية امي وطلعت ورا بسرعه ...

ركبت بصفه واني شايله يزن وابجي وحاضنته لصدري ...

وهوه ساكت ما يحجي بس يبجي ...

وصلنه للمستوصف قريب يمنه وصاحبه نعرفه هوايه ... اخذه مني مهاب والعصيه ماخذه منه الكثير ...

فحصه عمو نجدت ( ابو المستوصف) .. ونضفه اله وانطانه بعض الكريمات اله ورجعنه للبيت ..

وكل هذا مهاب بس يتحلف بيهم /// كواويد والله لاحركك يابو المطلقين ... ابننكك ..ابببك وتحركه يا سااقط ...