#رغماً عني
حفصه الهاشمي ....
ــــــــــــ
تصادمتُ في أزقةُ عشقكَ يا مالكي
وإنني أغدو في متاهات الوصال عمياءةً
باحثةٌ عن زمرديةَ عينيكَ بين رفات العُشاق المتحطمون
فتحطمتُ في جولةُ بحثي بسبب أنانيتكَ
أودُ الهروب ألاختفاء من صَدَفة عشقكَ
إنها تبثُ في جوارحي طعناتٌ كثيره
لا أقوى على تحملها فيلجمُني فؤادي المتيمُ
بكلمات كاذبة تصبرني في
دوامةُ هُيامكُ السرمدي ..
بقلمي ...
ــــــــــــــــ
ياسه ....
بعد الصار ويه بهاء ومهاب البيت انكلب بس بجي امي 24 ساعه تنوح وتبجي على بهاء مع العلم مهاب كاللها بس كم يوم واطلعه
بس قلب الأم ما يتحمل صحيح امي لسانها سليط بس قلبها حنون تكوم وتكعد وهيه تتوسل بمهاب علمود يطلعه
وتكول هسه شنو ياكل شيشرب نام مرتاح كعد سوه ما سوه
خابصه الدنيا علموده وكل هذا بكون وعمه سوسن وبناتها ما نزلوا من لسانها 24 ساعه تغلط عليهم بأنواع الفشار والمسبات
ـــــــ
واني سويتلي زعله ويه زيد لان ما كالي على بهاء والحلوه هوه يخابرني وصايرلي المرسال بيناتهم
وهوه يعرف كولش زين بهاء مخبل ومن اطك عنده الفيوزات يخبصها خبص
صارله كم يوم يخابر اني ما اجاوب عليه لو اغلق التيلفون وهوه يرسل رسائل على اساس معصب هههه
بس عادي خلي يتعلم هوه الخطأ منه ومن بهاء هم مو بس على بهاء وحته مهاب كاله انته جان لازم تكولي من هوه جان يمك او حته تنطيني خبر تعرفه متهور مو تكعد انته ويا وتجيبله اخبارها
وهوه بقه يتعذر منه ويكوله حلفني ما اكوللكم ...
ــــ
جنت كاعده بالغرفه ودادرس لان هاي الفتره والصار خلاني اهمل دراستي واني منا طبيه وما اريد بس نجاح اريد معدل عالي هم
جنت لابسه تراكسود صيفي ورافعه شعري كعكه بأهمال ومثبتتها بالقلم وعبالك مفجوره بيها عبوه وشكلي صاير وحش مو ياسه
سمعت صوت امي من جوه وهيه تصيحني نزلت عليها صاحتني من الاستقبال وهيه تكولي / هنا يما ياسه تعالي
أنت تقرأ
رغماً عني
Misterio / Suspensoقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
