رغماً عني

3 part

ولقد رأههُ الناس مهموماً حزيناً مكسورا
فضنوا ان المرض يفتك بهَ فتكاً عظيما
فسألوهٌ ما حالك هذه اتعاني مرضاً خطيرا
فأجابهم وقد تساقطت من عينيه الدموع
(والله ما اخترت الفراق ولكن حكمت علي بذالك الايام)

ـــــــــــ بقلمي 

بنات سوو تاكات لصديقاتكم علمود يشوفون القصه ....*** تعليقاتكم الحلوه هم لا تنسوها 

نبدي ــــــــــــــ

/ هيه هاي تاليتهااا يا سوسن ( قصدها ام نور اسمها سوسن )هاي هيج تسوين ولج جان استحيتي يالماعندج ذرة مستحه زوجج ما نشف ترابه وانتي لفيتي على ابو بيتيييييي

وكفنه كولنه مصدومين من كلامها الغضب صعد براسي و الشياطين كامت توسوسلي

يا نور شيلي الطاوه واركعيها براسها ... شدتحجي هاييي

وقبل ما اجاوبها وعلى اثر صوتها العالي بأخير كلمه اجانه صوته المرعد وهوه يصيح عليها

بصوت هز اركان البيت // فخررررررييه 

صاح عمي مسلم بصوت هز اركان البيت وارعبنه  كولنه بس عمتي فخريه ولا اهتمت ولا كأنو صاح عليها فتحت طرف فوطتها ورجعت لفتها على راسها بعصبيه وهيه تجاوبه بغضب وصوت شبه عالي

ـ// ها ها شبيها فخريه شبيهاا .. هاي لان حجيت على هاي جاي ومحظرلي شياطينك وتصيح عليه علمودها هاا والله اذا اتزوجتها الا اهج بليله ضلمه وما تشوفلي اثر يا مسلم 

جاوبها وهوه يفور من الغضب وديحاول يتمالك نفسه كدامنه 

//  يا مره استهدي بالرحمن واعقلي شويه اني كتلج مجرد اقتراح هسه اني اتزوجتها صخمت شبيج اجيتي هداده على المره اتخبلتي تالي العمر ..

لا ارادياً من عنده ارتفع صوته بنهاية كلامه اجتي عمتي فخريه  تجاوبه بس  قاطعتها امي وهي تسأله بصوت حاد بس مو عالي 

// ابو مهاب فهمنه شنو السالفه ؟؟ زواجيش هذا ؟؟

جاوبتها عمتي فخريه بنتر // عيني يالمسعده تسوين نفسج ما تدرين؟؟؟ هاا... مو على اساس كمتي تحومين حوالي لحد ما اجه الرجال متخبل عليه على والله شكو على ابو اتزوجها واستر على بنوات اخويه ومرته ..

قاطعتهه امي وهيه توجه الكلام لعمي مسلم الي باين علي جان منتظر ردة فعل امي // هاي ما مرجيه منك ابو مهاب ليش ششفت عن بناتي لو عني 24 ساعه بالشارع لو شفت علينه شي مو زين علمود تستر علينه اني اخذت نصيبي من الزواج وغير هالنصيب ما اريد ولا راح اخذ ابقه على ذمة المرحوم لو حته وهوه جوه التراب 

التفتت على عمتي فخريه الي جانت تستهزئ بكلام امي بتعابير وجهه الدائري الداكن البشره وكالتلها امي // وانتي فخريه اني حاسبتج مثل اختي الجبيره وعيب عليج تجين تهدين عليه هيج وانتي ما سامعه الموضوع مني ولا وكدام بناتي بعد وعاذره موقفج لانو ادري بيها صعبه عليج زوجج يكولج اتزوج مرة اخ...