حائرة ..ضائعه وكأني في مجرة كونية يملئها الظلام ,,
وانا اطوف في هذا الظلام ..كلما حاولت العثور على بصيص نور ..ارى السواد يحتضنني بكل جهة من حولي ...
ــــــــــــبقلمي
الكلمات بعد متكدر تشكل جمله للتعبير عن الحاله الي اني بيها ..
شلون يروح هيج .. الصبح جان موجود و بيناتنه ..عقلي يرفض التصديق و هالمره قلبي يوافقه الرأي
بابا الي امضى حياته وهوه يسعى لتحصين مستقبلنه امضى نص حياته وهوه يسعى بأي طريقه علمود يطمأن علينه ...شلون الانسان يختفي من هاي الدنيه بلمح البصر ..
اخذتني ذكريات عقلي لموقف ويا من جنت اتعاجز عن شغلي ودراستي ..جانت ماما تضل تصيح عليه روحيي اقري روحي سوي هيج واني انهزم بابا يضحك علينه ويصيحني لغرفته ..
جان ياخذني الحضنه الدافي ويمسح على راسي بأيده الي تتصدق بالحنان ويكول بنبره هاديه ،//
يا بنيتي احنه بهاي الدنيه ضيوف و مو مقيمين بيها من الواجب علينه نقضي حوائجنه الصالحه والي بيها خير للناس بسرعه ..وما نتهاون بيها لان الانسان ما يعرف شوكت تروح هاي الامانه لربها ...
احتضنت نفسي بزاوية الغرفه وذكرياتي ويا تتسرب لعقلي بفوضويه عارمه ..
ودموعي تحتضن جفوني الي ما شافت الراحه من يوم ما سمعت اذني الخبر ,,
من 3 ايام واني على نفس الحاله وحته ما ادري بالدنيه طشت رشت .. النسوان يروحون ويجون اسمع صوتهم و نحيبهم الي يقطع نياط كلبي ويزيد الالم لجوراحي
حته ما سمحو النه نشوفه قبل ما يحتضن التراب جسده دفنو وما سمحو لبناته الثنين يشوفوا.. ولا لزوجته الي تنتظره كل ليله علمود تكحل عيونها بشوفته ,,
صوت صراخ امي لهسه يرن بأذني اول ما سمعت بالخبر ..
اذكر جانت على سجادة الصلاة تصلي العشاء واني و اختي الصغيره سحر جنه كاعدين بالاستقبال ننتظر بابا الي راح للرمادي بسبب تجاره اله على الحدود وصاير بيناتهم اشكالات و طالبي هوه كالنه ما ابات الصبح اطلع وارجع انشالله قبل العشاء
واني و سحر رفضنه النوم .. جنه نباوع على التلفزيون بكل هدوء ..
دخل علينه بهدوء قاتل مو من عوايد الصياد القيت نظراتي علي ,, شعره مبعثر و باين علي التعب استغربت بداخلي فهوه شما صار ويا من تشوفه وكأنو ما بي شي بااارد و جامد ويدخل بكل شي وبكل الاشخاص ,,,
التقت عيوني بعيونه ردت اغير مسار نظراتي بس جذبتني بياض عيونه الي متحول للون الاحمر وكأنو جان ديبجي ..
تجاهلته بنظراتي والحيره اكلت تفكيري
.... شصار ويا وخلا بهاي الحاله .؟؟ هذا البااارد يبجيي ؟؟ لا لا ما معقو,,
قاطع صوت افماري الفضولي صوته الهادئ وهوه يسألني ,,, ،ـ/// نور وين عمتي .؟
باوعت علي بدون ما اجاوبه اخذتلي صفنه علي بهدوء ..
سحب نفس يتملل ورجع سألني بحده
// نوور مو احاجيج عمتي وينن..؟؟
وقبل ما اجاوبه فاتت علينه امي وهيه برداء الصلاة .. الابتسامه اخذت من وجهه عنوان ::// هلا هلا بيك ابني شلونك ,,
باوع عليها ونظرات الحزن ارتسمت على وجهه بث الشك و الحيره بقلوبنه جاوبها بعد ما تنهد بضيق // بخير بخير عمه ,,, سكت للحظات ورجع كمل كلامه وهوه منزل راسه ... بس عمتي ,..
باوعنه علي كلنه اني و امي و سحر انسابت بعض الدمعات من عيونه خلتنه بحالة استغراب .. معقوله ديبجي .؟؟ اي والله هاي دموع نزلت من عيونه بس ليش
داوبته امي بفزع .// شبيك ابني .. عمك وين مهاب ,,.؟
اكتفه بالصمت وهوه يطالعها بنظرات حسيتها نظرات شفقه كسرتلي كلبي ..
اردفت امي بفزع // مهااابب ولكك عمكك وينن احجي
سحب ايدها و باسها بصدق وهوه يتمتم بكلمات اوجعت قلوبنه و كسرت مجاذيف قاربنه الصغير بهاي الدنيه ...
البقاء لله عمه ...
ـــــــــــــــــــ
بناتت هاي بدايتهه وهنايه طلع بس دورين رأيسسين من الابطال والباقي بالبارتات الجايه
رأيكم بالاحداث والسرد لا تنسون تصويت و القصه حقيقيه وابطالها موجودين على ارض الواقع
بقلمي ،ــ// حفصه الهاشمي ,,....
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
