#رغما عني
حفصه الهاشمي.......
ـــــــــــــــــــــ
لا ابوح للهوى سري
اخاف ان يغار عليَ الهوى فيعصف بروحي الالمُ
لا أُجيدُ التضاهر بالفرح وقلبي ملئتهُ أَلأحزان
إرتعدت أَوصالي بالخوف من الماضي
ورسمت اثارُها على حاضري
...تركتني حبيسةُ ألاحلام ...
وَ أَقفلت عليهَ أَبواب الرحمه
بقلمي .........
ـــــــــــــــــــــــــــــ
وهيه لازمته من فانيلته وتصيح
بنيتي رااااحت ...سحرر راحت تلاحكوها فدووه راح تمووت
تصيح وتهزه من فانيلته بقوه مهزوزه
بدون ما يحجي شي عافها بهاء وطلع ركض بطرك الفانيله
رجع مهاب اخذ سويج السياره وشغلها ركبت ويا عمتي سوسن وهيه مستمره تبجي
نريد نعرف الموضوع شنو ماكو هذاك طلع طاير ومهاب وعمتي طلعوا بلمح البصر
رجع علاء لبس بلوزته وطلع
صاحتني امي وهيه كاعده على الكرسي وتلبس بجوريبها
///خايببه ياسسه انسطرتي تعالي جيبيلي عباتي خلي اشوف البنيه شصارلها تحرككي
رحت بسرعه جبتلها عبايتها واني اتوسل بيها اريد اروح وياها بس هيه قافله متقبل
طلعت هيه وبابا وراحوا لبيت عمه
بقيت كاعده وحدي اريد اعرف شبيها قتلني الخوف عليها
مسكينه سحر صغيره وشافت الي احنه ما شفنه الله يكون بعونها
كمت توضيت وصليت بقيت ادعيلها الله يحفضها ويساعدها على تخطي هايه المحنه
تيلفوناتهم كولها هنانه حته ما اكدر اخابر على شخص منهم واطمن عليها
بقيت كاعده ساعات .....
الى ان سمعت صوت الباب ينفتح ويه اذان الفجر
كمت ركض شفتها امي وعلاء
سألتهم بخوف عليها واني اشوف ملامحهم ما تبشر ...
///هاا يما شبيها سحر خوما صارلها شي شبيها؟.
عافتني امي بدون جواب وفاتت لغرفتها
مسح علاء على وجها سحب نفس بضيق وجاوبني
/// البنيه واكعه من بداية الدرج رايح ملعوب بيها طوبه مكسره وكاعده بالمستشفى ...
شهقت بخوف عليها وسألته بدموع ملت عيوني///شلون وكعت ؟؟ كعدت هسه هيه حجت وياكم
جاوبني وهوه يطلع بطل مي ويكعد على الكرسي/// اي كعدت بس تصيح راسي وراسي ..راسها خيطولهيا لان الوكعه صايره عليهِ خطيه والله الله يساعدها..
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
