كم خاب ظني بمن اهديته ثقتي
فأجبرتني على هجرانه التُّهمُ
كم صرت جسرا لمن احببته فمشى
على ضلوعي وكم زلّت به قدم
فداس قلبي وكان القلب منزله
فما وفائي ل خلٍ ما له قيمُ ؟
ــــــــــــــــــــــــ
شكد احب تفاعلكم ويه الاحداث
من هسه اكوللكم بنات نور عدها هوايه اخطاء وتصرفات غلط هم ههههه فلا تنصدمون
( بداعة اصبعي الصغيروني المشكل صارله اسبوع سوو تاكاتتتت لاصدقائكم*))
#رغماً عني
حفصه الهاشمي ....
ـــــــــــ
فتت من يم الاستقبال وجان اسمع صوت عمي مسلم وهوه يحجي ويه مهاب
كلامه خله الصدمه تتغلغل بيه كمت اشك بأذاني اخاف بيها شي ومداسمع زين
مسلم // والله شبيك مهاب ابني العراق صاير وضعه مو زين وكل يوم لو خطف لو تفجير لو قتل اتزوجها واخذ الارض الباقيه ويه
هاي الي يمي ونجمعهن ونطلع بيهن للخارج نستقر و نأمن حياتنه
جاوبه مهاب ببرود / مو اخذت العشره دونم ما تكفيك هاي ؟؟
// لا مهاب هيه تكفي لو نبيعها بس تعرف بالخارج لازم واحد يدبر اموره من كل النواحي وهم ضمان النه اني جان خليتها توقع على
الارض الجبيره بس ما اكدر لان سحر وسوسن الهم حصه وما يصير تتنازل نور اليه الا يوافقون لان يعتبرون مثل الشركاء ........ها شكلت
وليدي اتزوجها فتره واذا ما عجبتك طلكها ونطلع .وعود يبقه عمك جراح يمهم ماعليهم شي..
فتحت عيوني بصدمه من كلام عمي سندي ما معقوله حطيت ايدي على حلكي اكتم شهكتي التطلع لا ارادي مني
سمعت صوت مهاب وهوه يجاوبه ببرود او استهزاء ما كدرت اميزها من الصدمه
/خير انشالله يعني انته هسه واث...
كال هيج اريده يكمل يحجي على ابو يمنعه يأنبه على خططه الي بلا رحمه وما يعقلهن العاقل
كاله هيج وقطع كلامه حسيت بخطوات تقترب من الباب ارتبكت كولش اكيد حس بيه هذولي شياطين مو بشر مو رب العالمين
يكول شيطان الجن و الانس هذولي شياطين الانس عايشيين بيناتنه
رجعت اخذت الخاولي وانطيت ظهري للباب و وكفت على المرايه مال المخاسل سويت نفسي دانشف ودنكت راسي انقباض
بصدري قوي دموعي واكفات بطرف جفوني تطلب الاذن منهن بالسقوط مو على الفلوس الراحن او الفلوس الي يريدون ياخذوهن
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
