#رغماً عني
حفصه الهاشمي ,,,
وانها لحظات يتضاعف فيها الندم فتنهكُ حرمة احزاني
فتجعل منه كالسيل الهائج في اعماق جوارحي
بقلمي ....
ــــــــــــــ
سمعت صوت ورايه مصدوم يصيح بأسمي
/// نوررر
اتبسمرت بمكاني حسيت بعد ما اكدر اوكف على رجليه من الهبطه وكل الي يدور ببالي
.. هاهيه رحتي بيها هالمره نور مراح يرحمج ابدد
اول ما سمعت الصوت شمرت التيلفون بقوه بالارض ردته يتكسر وما يبقاله اثر من الخوف الحاوطني اجتي ابالي ملاين من السيناريوهات
اني شسويت بنفسي وين وصلتها
اول ما التفتت ضربتني راجدي فرت راسي فر الضربه جانت بخدي بس الالم جان بقلبي
امي الي عمرها ما مدت ايدها عليه هسه تضربني ومن ورا ولد
حسيت كرامتي انهانت من هذا الراجدي مو لان ضربتني راجدي ...لا والله حسيتها انهانت لان سمحت لنفسي احجي ويه
شخص غريب وما اعرفه وتنازلت عن مبادئي واخلاقي لهذا الشي الي استمر ايام بس عقوبته اني متأكده راح تستمر لسنوات
نطقت بغضب عارم وهيه توجهلي سهام الغضب والخيبه من عيونها الي طول العمر نظرة الثقه والحنيه جانت بيهم
// المحاميي نوررر شلونن تخونينن ثقتيي بيج يا بنت بطنيي ؟؟عامرر ؟ولج قصرت وياج بشي اني... حسابج بالبيت امشي كدامي
شالت التيلفون من الارض وهوه ما صارله شي بس انفطرت الشاشه مالته وانطفه نهائياً بس لو اشغله يرجع يشتغل
اخذت جنطتي وامي صاحت لسحر باركتلهم امي وتعذرت منهم وطلعنه للطرمه كل هذا والعيون عليه
دموعي فضحتني ثقة امي بيه راحت ويه الارض ...
وكف مهاب بكل قلقل الدنيا على محيا وهوه يسألني بقلقل وخوف وامي جانت دتصيح سحر
// شبيج نوري خوما مريضه ليش دتبجين .؟؟ منو وياج خوما امي ضوجتج بشي
باوعت بعيونه كرهت نفسي وكرهت الساعه واليوم الي حجيت بي ويه عامر ويجوز الايام والي راح يصير راح يخليني اكرهن اكثر
حسيت بحنيه مهاب وخوفه عليه حسيته هوه الي راح ينجدني بس هذا مجرد احساس لو مهاب يعرف يذبحني وما يكرم جثتي بالجنازه اصلا
جاوبته امي بكل غضب وخيبة امل هيه تجاوبه واني اقره الشهاده على روحي الدنستها بهيج موضوع
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
