دعينا ننسى ما مضى ونتقابل في زمرة الوصال الابدي
معشوقتي...
#رغمأً عني
حفصه الهاشمي
تأخرت عليكم ادري اسسفه
ــــــــــــــــــــــــــ
صفنت بيني وبين نفسي ورحت طلعت الكارت مال المحامي عامر
دخلت رقمه بتيلفوني وضغطت على اتصال ...توترت كولش واني اشوف يرن اصابيعي كامت ترجف من التوتر
اجاني صوته الهادئ هاادئئ كولش وهوه يسأل عن هوية المتصل
/// السلام عليكم منو ويايه ؟؟
جاوبته بتلبك وخجل مخلوط ببعض // ءء استاذ عامر ا اني نو
قبل ما اجاوبه اجاني صوته المتلهف // ست نور اي اي عرفتج دقايق نور
كال هيج وسد الخط انصدمت من حركته صفنت على التيلفون بأستغراب
ما هي الا اجزاء من الثواني ورجع خابرني عرفته على اساس ميريد يخلص رصيدي ههههه
فتحت الخط وخليته على اذني اجاني صوته الملهوف مشاعر بداخلي تخلي بس اسمي من بين شفايفه تخربط حالي
وارجع استغفرالله اكيد هسه هوه متزوج وعنده يزن فوكاها
// نور ويايه وينج ؟؟
جاوبته بأرتباك واني اطم نفسي بالمرايه ما اجتني الا هسه الصفنه
// ءء وياك وياك استاذ عامر
// شلونج يابه جنت انتظر اتصالج صراحةً كل يوم اكول هسه تخابر وهسه تخابر ليش تأخرتي ؟؟ خوما صاير وياكم شي
جاوبته بأرتباك واني احاول ابرر سبب اتصالي اله
// استاذ عامر لا تفهمني غلط اني خابرتك علمود استفسر منك بفد موضوع وما بنيتي شي وال
قاطعني بسرعه وحسيت بصوته تغيرت نبرته للحده بعض الشي
// لا نورر انتي شدتخبصين اني مو قصدي هيج بس حبيت اطمن عليج اقصد عليكم انتي والعائله كولي عيوني الج شتريدين
تسألين؟.
ارتبكت كولش فوكاها عيونه الحاملات شهد النحل يصيرون الي لا هووايه استغفرت الله وجاوبته بأرتباك
// استاذ عام
// عوفي الرسميات رحمه لابيج عامر و نور نور وعامر لا استاذ ولا غيره مفهوم يابه ..
ابتسمت لا ارادي واني اسمع اسمي ورا اسمه اخذتني الصفنات وحده ورا الثانيه تنتشلني من الواقع وتعصف بيه الى الاحلام الورديه
أنت تقرأ
رغماً عني
Mystery / Thrillerقصة لفتاة ترتدي لباس العناد وتجري خلف العشق الكاذب لتقع في مصيدة حبيبها الكاذبه وتمدت لها يد المساعده من ابن عمها فهل ستقبل بيد المساعده منه وتتحرر من كذب عشيقها ام تستمر في العناد كن منصفاً في حكمك يا بني ادم .. فالحكم بالعدل واجبً وأن كان نفورا...
