رغماً عني

25 part

#رغما عني

حفصه الهاشمي

__________
على كولة سيف بطل قصة زمهرير الاوجاع يكوللها رحمه لهذاك الاب دحكيلي 

هسه اكوللكم رحمه لهذاك الاب صوتوا ولا تكهروني 😅☹️🔫

___________
  

أّعٌأّتّبِ طّيِّفِّهِ أّنِ لَمَ يِّزِّرنِيِّ 

لَعٌلَى طّيِّفِّهِ أّوِعٌى لَلَعٌتّأّبِ  

أّلَأّ يِّأّ طّيِّفِّهِ أّبِلَغٌهِ عٌنِيِّ بِأّنِ شٍوِقِيِّ 

أّفِّقِدِنِيِّ أّلَصٌوِأّبِ .......

_________

 باوعتله بقهر شلون يكدر يكول علي هيج ويقهرني 

صح كلامه زيد حبيبي مات بس على الاقل خلي يحترم  مشاعري قلبي الملجوم على زوجي الماتهنيت بي ....

ما هزته دموعي كمل كلامه بكل قسوه

////ياااسه تزوجي يعني تزوجي غير هالكلام ما عندي وانتي فوك راسج بنتين تزوجي وخلي ابن خالتج يشيل الحمل وياج باجر عكبه منو يصرف عليج هاا  تبقين معلعله ....تزوجي وجيبيلج ولد يراعي شيباتج باجر عكبه من تكبرين ....زيد وانطمر جوه التراب بعد شكو هالتمثيل .؟؟

عليت صوتي عليهِ لا ارادي مني واني اسمعه يحجي هيج على حبيبي والشايب مالتي 

////باااابااا والله مرة ثانيه اذا تحجي على زيد هيج احرك روحي ورب الكككعبه يابابا احرك روووحي ....انيي غيررر زييد ما اتزوج ما اتزوووج 

كعدت على الارض وانهارت قوايه كولها صرت ابجي واضرب على رجلي  بقوى مهزوزه

////ما اتزوووج غيررك زيييد   .....مااا اتزوووج والله لا تخاف حبيبي اني الك ....ما اسمحلهم يفرقوني عنك ماااااا

لزمني علاء من اكتافي وهوه يحضني ويهديني بالكلمات بس ما اسمع منه اي شي

كل فكري يم زيد

اخخخ حبيبي  .....معقوله اتزوج غيرك اني الا اذا تخبلت وداعة عيونك الحلوات  

علاء ////ياااابه عووف الموضوع هسه مال زواج هيه ما تشوف حالتها جبرتها وسلمت الجره خوما كل مره تسلم ..... عوفوها لا تلحوون علييها عاااد ....

جاوبه بابا بعصبيه /// اننجببب انته ولا تبقى تحشي براسها بهذا كلاامك وياااسه تزوج حسام يعني تزوجه غير هالكلام ما عندي ....

كمت وكفت على حيلي واني ابجي واباوعله بحقد ...

اي اباوعله بحقد ....حقدت عليهِ مادام يريد يفرقني عن زيد احقد علي واكرها هم

////انييي اتزوجت مره ما اسوييها مرة الثااانيه غيرر زييد ما اتزووج ...هالكد صرت ثقيله عليك وتريد تزوجني تخلص مني ومني بناتي ...؟!!!بسيطه ميحتاج اتزوج ....هذاك بيت زوجي موجود اروح اكعد بي اني وبناتي وازيح الهم من عندك .....