العشق المنتظر

الفصل الثالث عشر...

العشق المنتظر (الفصل الثالث عشر):

مريم مع سعده في المطبخ
مريم :مامتي عاوزة اقولك على حاجه
سعده:قولي يا مريم سمعاكي
مريم :رهف كانت بتكلمني وقالتلي أن فيه مخيم دراسي وعايزاني اروح معاها
سعده:ماشي بس انتي عاوزة تروحي ؟
مريم : بصراحه هو يعني عشان اغير جو وكدا
سعده :ماشي هو على الساعه كام
مريم : بكرا الساعه 7 ولمدة 8 أيام والباص قدام المدرسه القديمه
سعده: تمام قولي لباباكي لما ييجي
مريم :حاضر
مريم والعيله بيتعشوا وهي خايفه
سعده: مريم عاوزة تقولك على حاجه يا محمد
مريم :اه ايوا يا بابا ...........في مخيم دراسي وأنا حابه اروحه ممكن !
محمد:انتي داخله امتحانات يا مريم
مريم : مخيم دراسي يا بابا عشان يوفرولنا الجو المناسب واتجمع مع صحابي ونذاكر سوا وكدا
محمد: مكنش فيه حاجه زي كدا ولا عمري سمعت عن كدا
مريم : ايوا يا بابا أنا استفسرت عن الموضوع عن طريق الانترنت وده مشروع لو نجح هتقوم بيه كل السنين الدراسية على المستوى العالمي
محمد :اممممم............هو قد ايه مدته ؟
مريم :همشي بكرا يا بابا
محمد : أنا قصدي هيقعد قد ايه
مريم بتردد : س.........أسبوع يا بابا
محمد : مش شايفه أنهم كتير كدا
مريم :مش كتير ولا حاجه يا بابا كلها أسبوع
محمد:ماشي مش هو الساعه 7 روحي بقا الحقي تحضري حاجتك ونامي بدري عشان تصحى الصبح وتلحقي
مريم : حاضر .....شكرا يا بابا أنا رايحه اهو تصبحوا على خير
محمد وسعده: وانتي من أهل الجنه
راحت مريم أوضتها وبتجهز نفسها وحاجاتها
محمد : في رأيك خدت القرار الصح ؟
مريم : ايوا يا حبيبي بنتنا هتتجوز قريب لازم تتمتع بثقتها شويه وعشان تلاقي ذكرايات حلوة تاخدها معاها بيت جوزها
محمد: ربنا يسعدك يا بنتي
سعده بحب ورجاء:اللهم امين
مريم خلاص هتنام جالها مكالمه
مريم :الو يا بنتي انا رايحه معاكى
رهف: السلام عليكم ياختي
مريم: والله ! متقيه اووووي ايه اللي حصلك عليا انا الشويتين دول بردوا 😒😉
رهف:يا شيخه ده انتي رخمه وفصيله كنت بحاول أتقن الدور شويه
مريم :عليا انا ياختي😒
رهف : أنا أعرف .....أنا بكلمك ليه اصلا
مريم :عشان تعرفي إذا كنت رايحه معاكى ولا لأ
رهف: اه صح ....هاا طلع معاكى ايه
مريم:رايحه ....نتقابل فين ؟
رهف : هو ده الكلام 💃 .......بصي مش هنعرف نتقبل عشان انا ممكن ااخرك نتقابل في الباص
مريم :اشطاا تصبحي علي خير
رهف:غوري
مريم :يا رخمه روحي اتخمدي
رهف: مرسى على الشتيمه 😊 يلا باي زي نا اتفقنا
مريم : باي
تاني يوم الصبح مريم نازله و معاها شنطه هدومها وتقابل سيف بيتكلم في الفون تبصله باحتقار وتمشي ولما توصل الباص تشوف رهف بس تلاقي فيه حد جنبها فتقعد قصادها وبعد دقايق الباص يتحرك لكن ......... وقف الباص في محطه وفجأه الباص بقى فيه مجموعه من الشباب بشنط هدومهم وبينتشروا في الباص وفوق كل ده وده شب راح قعد جنبها وقفت مريم بسرعه بس الباص اتحرك وكان طبعا بعد عن بلدها ومش هتقدر تنزل وتبص لرهف بسرعه بغضب وتقعد
مريم في نفسها: ماشي يا رهف ان ما وريتك هعمل فيكي ايه
رهف في نفسها : روحتي فيها يا رهف مريم هتولع فيكي يلهوي
مريم : يا ربي بابا لو عرف هيزعل اوى ياريتني ما جيت أم السفريه دي
????: لو معرفش مش هيزعل
مريم : افندم
???? : بابا لو معرفش مش هيزعل منك
مريم : وأنت ايه دخلك اصلا
????: بطلي تفكري بصوت عالي وأنا مش هدخل ولا يلزمني اصلا
مريم بنرفزة: انت.....ااااه
مريم اتنهدت بخنقه وسكتت .....بعد ما وصلوا المخيم نزلوا كلهم ووقفوا طابور يسمعوا المرشد
????: أهلا بيكوا في المخيم الدراسي اتمنالكوا وقت سعيد ودلوقتي هتسمعوا التعليمات كويس أنتوا قدامكوا مبنيين المبنى ده بتاعكوا الثاني بقا محدش يروحه غير في حاله واحدة بس وهي أوقات الوجبات الاساسيه كل واحد هيقف عند اللوحه دي ويشوف اسمه ومين شريكه وممنوع التبديل ده حسب أرقام كل واحد وحسب التنسيق
مريم : تنسيق واوضه واحدة بتهزر يا عم انت
????: يلا اتفضلوا وبالنجاح أن شاء الله
مريم راحت وشافت اسمها وكانت الصدمه أنها مع شب في أوضه واحدة والسبب أنهم نفس التنسيق مريم وبعدت عن اللوحه : نعم ياخويا مع شب يلهوي يلهوي مخيم خرا وربنا أنا عاوزة ارجع لماما رجعوني ونبي 😢😢😂
راحت مريم على أوضتها ورتبت حاجتها وكان عاجبها الاوضه جدا لأنها كانت بحوالي 3 أوض واسعه جدا وبلكونتها كبيرة ونسيمها تحفه والجو قدامها زرع ومنظر جميل
مريم :خلصت ......لسه حاجه واحدة بس
مريم وقفت وعلقت ملايه كبيرة اووى بعرض الاوضه كحاجز وخليت البلكونه من ناحيتها هيا ودخل شخص مجهول(????) واستغرب من الاوضه جدا وخصوصي الستارة اللي محطوطه دي وشال الستارة وعدي من وراها وهي مش شيفاه ضهرها له
????: لو سمحتي يا دكتورة حضرتك اللي حاطه ال ااا ......البتاعه دي
مريم :ايوا أنا
????:وليه كل ده طاب يا دكتورة
مريم ولفت:ااا...... انت😳
????: باستغراب أكثر: انتي ؟ .....انتي شريكتي في الاوضه
مريم : ايوا ودلوقتي اتفضل في مكانك واوعي تشيل الستارة دي نهائي
????: بس .......
مريم قاطعته: الجزء ده بتاعي والثاني بتاع حضرتك اوضتي هنا متلزمكش يبقى حضرتك متدخلهاش تمام؟!!
???? ببساطه:امممم تمام🚶
وبعد شويه الشب مشغل music ( اغاني)وكان بيذاكر ومريم كانت بتذاكر لكن فيه فرق هو بيحب الصخب عشان يعرف يذاكر وهي عاوزة هدوء عشان تقدر تذاكر
مريم بصوت عالي بسبيا:اقفل البتاع دع عاوزة اذاكر
????:..............بيغني
مريم:انت سامعني يا عم انت
قامت من مكانها وراحت لقيته مشغل الأغاني وحاطط هاند فري (سماعات) وبيسمع اغاني ثانيه وبيردد معاها حاولت تكلمه بس هو مش شايفها ولا سامعها راحت قفلت الموبايل وهو انتبه ليها
????:هاي عملتي ليه كدا ؟
مريم :طالما انت مش بتسمعها مشغلها على الفاضي ليه
????:دي حاجاتي أنا حر فيها ايه دخلك يا دكتورة
مريم: مش فاهمه الهاند فري ملهاش لازمه والأغاني دي ملهاش 60 لازمه شغلين ليه
????:هاي دي حاجاتي أنا حر فيها كلها
مريم طنشته وبتاخد حاجته كلها وماشيه
????: هاي هاي استنى دي حاجاتي وخداها وراحه على فين
مريم :انت مش نافع معاك الأدب حاجاتك دي مش هتاخدها لحد ما تمشي
????:عفوا ! أمشي فين دي اوضتي زي ما هي اوضتك رجعيلي حاجاتي
مريم :قدامك حاجه من الاتنين تاخد حاجاتك ويتعانوا مقفولين يا اما تخرج بيهم من هنا مش عاوزة ازعاج يا دكتور ورايا مذاكرة
????: على فكرة مش بمزاجك
مريم:خلاص مش هتاخدهم
????:نو نو خلاص هخرج بس هاتي حاجاتي دول حياتي بجد
مريم : اتفضل يلا اخرج
???? وشدهم منها:مش خارج ووريني هتعملي ايه مريم بغيظ:انت ..........كذاب أنا اللي خارجه وسيبهالك أشبع بيها
????: اوك يلا goodbye (باي)
مريم وعيطت وخرجت: مكنش لازم اصدقك اصلا كلكوا كدابين من النهاردة مش هكلم ولا ولد حتى شريكي في الاوضه ده مريم انتي غبيه بجد هتفضلي طول عمرك غبيه 😭😭💔
ييجي معاد الغدا ومريم ماشيه في طريقها للمطعم خبطت في شخص
الشب: أنا آسف اسف جدا
مريم :مفيش مشكل........انتاااااا😳😳😳
الشب: ازيك يا مريم عامله ايه
مريم بحقد: وأنت مالك وبتعمل ايه هنا حتى هنا جاي ورايا 😡😡😡

استوووووووب
ونكتفي لحد كدا اشتموني اشتموني أنا استاهل دايما عطياكوا تشويق عاوزين تولعوا فيا😂😂😂 طيب يا حبايب قلبي يلا اسئله بعد كل بارت😉
.
.
.
.
.
.
.
.
.
.
.
.
.
.
.
.
*يا تري مين اللي مريم خبطت فيه*
*اكيد متشوقين تعرفوا اسم شريك مريم في الاوضه *
*اممممم متأكدة انكوا مستغربين من حوار أوضه واحدة بين بنت وولد لا يا حبايبي ده موضوع عادي بجد ومش غريب وبيتعمل برا بتفاصيل كتير *
*اتمنى البارت يعجبكوا *
#غمازات👑♥💎