العشق المنتظر

الفصل السابع عشر....

العشق المنتظر (الفصل السابع عشر):
*******************************
وقفنا لحد ما المرشد مشى يا صحباتي ومريم قالت إنها كويسه وأنه السبب كان تفاجؤها بموجه عاليه مش بسبب هشام وهنشوف دلوقتي مفاجأه حلوة يلا بينا يا صحابي للبارت الجديد😉❤
********************************
هشام :مقلتلهوش ليه اني السبب
مريم:أول حاجه قلتلك مش انا السبب ده بسبب خوفي وثاني حاجه كان هيروحنا وأنا بصراحه مش عاوزة اروح دلوقتي لسه بدري على المتعه
ولعبت بالرمل بحركه طفوليه عفويه
رهف:هههههههه مش قادرة هههههه هنقضي أيام حلوة هناا الله 💃💃😹
هشام:اه أخرجوا أنتوا رأفرحوا وسيبوني انا بقا
مريم:مين اللي قال أنك مش معانا انا وانت ورهف أسر وقرب:وأنا ايه وقعت من النص
مريم:هههه سوري انا ورهف واسر وهشام شله من أربع أفراد
هشام بفرحه واستغراب:انت قصدك ان انتي ....
مريم :اه قبلت صداقتك ......مدت ايدها .....أصدقاء؟
هشام ومد ايده:طبعا أصدقاء ..ومقربين كمان
مريم مؤكده :ومقربين كمان☺😹
قامت مريم وراحت على الميه وقفها هشام
هشام:انتي راحه فين انتي لسه تعبانه
مريم:لا بقيت كويسه وهقف قريبه من الشط وانتوا روحوا واتسلوا شويه معدش وقت كثير وهنرجع، المخيم بمواعيد
هشام:اكيد هتبقي كويسه يعني ؟
رهف:لو تعبانه هنمشي دلوقتي عادي
مريم:لا يلا روحوا انتوا بقا
آسر:ماشي يلا يا هشام عايزين ننزل الميه
هشام:يا عم اركن انت همك دايما على المصلحه
مريم:روح يا هشام انا هفضل هنا وهبقي كويسه يلا روحوا انتوا
هشام:اوك خدى بالك من نفسك
مريم :اوك يلا روحوا وانبسطوا
رهف:مش هنتأخر عليكي
مريم:اوك
وبعدين راحوا ومريم في الميه قريب من الشط
وهي بترجع لورا خبطت في حد تلف وتقول
مريم:اسفه ........
وقف الزمن بمريم لما شافت سيف باصصلها تلف مريم وشها بعيد عنه ،سيف يمسك وشها بايديه الاتنين يخليها تبصله
مريم وبعدت ايده:اوعى تفكر انت ملكاش إي حق في لمسي فااهم
سيف بعصبيه:اه انا ملييش حق وهو اللي له حق يلمسك عادي كدا
مريم وفهمت أنه بيتكلم على هشام:لحظه لحظه ده مش إي حد دا صديقي المقرب
سيف:هو صديق مقرب ؟ امال انا ابقى ايه ؟!
مريم:عايز تعرف انت ايه ؟ انت كابوس كابوس وأنا خلاص فوقت منه ونسيتك ونسيت الوجع كله والمعاناه
سيف :مواجع! انا سبب المواجع ! طب والحب اللي بينا يا مريم ؟!!! ........
مريم:حب حب حب انا مفيش في قلبي اتجاههك غير الكره ......الكره وبس
سيف:كره؟ اللي في قلبك اتجاهي هو الكره صح ؟ بس ليه يا ترى انا دايما اشوف في عينك دموع كل ما تبصيلي .........انتي لسه بتحبيني يا مريم ومش قادرة حتى تبصي في عيني من كتر كذبك انتي لسه بتحبيني يا مريم صح !
مريم:.......
سيف: جاوبي يا مريم لسه بتحبيني في قلبك حبك اتجاهي يا مريم ردي يا مريم ........ردي عليا بتحبيني ردي عليا بقااا
مريم بعياط وصوت عالي وصريخ
تقول: اااه ااااه انا لسه بحبك بحبك ومش قادرة انساك مش قادرة بتوجع كل يوم بسببك مبنمش طول الليل بسببك حبك دمرلي حياتي حطملي قلبي اااه انا فعلا لسه بحبك حبك عمره ما هيتنسي ولا هيطلع من قلبي بس........<اتنهدت>..... لو كنت فعلا بتحبني أرجوك أرجوك سبني بقا وبطل تطلع قدامي في كل مكان بطل تكسر فيا بطل تحطم في قلبي كل يوم أكثر من اللي قبله ريحني بقاااا
.........
بعدها سابته وخرجت برا الميه بس وهي خارجه بصيت في اتجاه الشمس ووشها وعنيها كلهم دموع تدوخ ومتقدرش تصلب طولها فتقع بس دراع هشام مسكتها بسرعه
هشام: مريم ! مريم فوقي ايه اللي حصلك فجأه ........كابتن لو سمحت احنا لازم نرجع المخيم هي تعبانه جدا
المرشد نادي على الطلاب وسيف ياخد باله ويطلع ووراه الطلاب ويقع قدام مريم بخضه ولهفه كبيرة ويبعد عنها هشام ويرفع رأسها بدراعه وده صدم هشام وعصبه
سيف:هي مالها ايه اللي حصل
هشام: شكل في حاجه ضيقتها عشان كدا داخت بس للدرجه دي هي حتى مش قادرة تفتح عينها
سيف لنفسه:غبي انت واحد غبي يا سيف نسيت موضوع مهم اوى زى ده دلوقتي فعلا بقيت السبب في وجعها اه يا ربي أشفي مريم اشفي حبيبتي أرجوك متخليش المرض ياذيها يااااارب
سيف شال مريم وقام وهشام بصله ووقف بسرعه هشام:متزعليش لو سمحت بس مريم مبتحبش حد يلمسها انا صديقها المقرب وهي هتتقبل ده شويه عنك
سيف بلا مبالاه لهشام:لا متشغلش بالك انا عارفها كويس وهي كمان تعرفني
وسابه ومشى وهشام اتنرفز وراح وراه هو وأسر ورهف ورجعوا المخيم والطلاب وراهم ( *بنت المحظوظه اثنين بيتشاكلوا عليها هيييييييييح بقااا😍😹😂*)
رجعوا المخيم وطلع سيف حطها على سريرها
وطبعا هشام كان وراه على طول ورهف وأسر ووراهم دخل المرشد
المرشد :اجيب دكتور ولا حاجه ؟
هشام:.....
سيف قاطعه: لا ملهوش لزوم بس ترتاح ولما تقوم دماغها هتكون وجعاها تاخد حبايه صداع وبعدين هترتاح وتبقى تمام
المرشد :تمام ألف سلامه على الدكتورة وبص لرهف أنها البنت اللي فيهم تاخد بالها وهي فهمت وهزت رأسها بابتسامه
خرج وهشام بص لسيف فيه حاجه غريبه في الشخص ده وفي نفس الوقت على باله مليون سؤال بخصوص معرفته بمريم
هشام:خلاص يا دكتور شكرا تعبناك معانا روح انت ارتاح وغير هدوم
سيف :لا تعب ولا حاجه بس انا هفضل مع مريم لحد ما تفوق وانتوا التلاته روحوا غيروا عشان متبردوش
رهف: يلا يا هشام هو معاه حق راجعين على طول يا سيف
سيف:ماشي براحتكوا وأنا جنبها لو عشان لو فاقت
خرج هشام من الاوضه عينه راحه بين سيف ومريم ومتضايق ورهف خرجت هي وأسر وبعد دقايق فاقت مريم تلاقي سيف جنبها وماسك ايديها ولما شافها سندها عشان تقعد
سيف:مريم انتي كويسه ؟ خدى الحبايه دي
وبعدين خدت الحبايه وبصت لايده وهو لاحظ وساب ايدها على طول وهي لفت وشها جهه الثانيه ومش بصاله
سيف:مريم !
مريم:..............
سيف :مريم انت اسف انتي بتقولي اني سبب مشاكلك صح ؟ ...........فعلا معاكي حق انا هو سبب مشاكلك ووجعك كمان بسببي عشان كدا انا بوعدك اني مش هتدخل في حياتك ثاني ولا هضايقك خالص وآخر حاجه عاوزة اقولهالك م.......
غمض عينه بوجع وهي بصيتله :مبروك يا عروسه
وقام من غير ما يفتح عينه ولا يبصلها سابها وخرج رفعت ايدها عشان تناديله بس سكتت ونزلتها ثاني
.........هشام شاف سيف لما مشى من جنبه بعصبيه وزعل كبير جرى على أوضه مريم .........مريم في أوضتها منهارة وندمانه بس بتقول لنفسها إن ده افضل للكل
******************************
هشام دخل على مريم لقاها ماسكه كتاب وبتذاكر وعنيها فيه حتى ملاحظتش دخوله قرب عندها وقعد على الكرسي قدامها وهي مبتعملش أي رده فعلا بس عنيها في الكتاب
هشام:مريم هو ايه اللي حصل ! سيف خرج متضايق من عندك هو فيه حاجه ؟ انت تعرفيه قبل كدا ؟ انتوا اتخانقتوا ولا ايه ؟
مريم: ..........
هشام:ردي عليا يا بنتي ايه اللي حصلك فجأه وقعتي
مريم غمضت عنيها وقفلت الكتاب
مريم:هشام انا بجد تعبانه ونفسيتي زي الزفت ممكن تسيبني ارتاح شويه
هشام: بس انتي كدا مش بترتاحي بالعكس بتوجعي دماغك أكثر الصداع هيزيد عندك من كتر المذاكرة بعد ما وقعتي لازم راحه
مريم بصدمه: عرفت ازاي ان انا عندي صداع من بعد ما وقعت وأنه لازمني راحه في الحاله دي
هشام: سيف اللي قال عشان كدا سألتك انتوا تعرفوا بعض قبل كدا
مريم:لا نفيس حاجه انا دلوقتي هرتاح مش اكتر لو سمحت يا هشام انا خلاص قفلت الكتاب اهو بس سبني شويه ارتاح
هشام : بس مقلتيليش بردوا تعرفوا بعض ولا....
مريم: لا معرفوش ومش عاوزة أعرفه وهو عرف ازاي بقا ممكن بطبيعته في كليه طب عرف ده
هشام:تمام ارتاحي بس خدى دوش على الاقل عشان متاخديش دور برد ولا حاجه
مريم :اه صح انت معاك حق هقوم وانت ارتاح بقا
هشام :يلا قومي وروحي بعدين افطري قبل ما تنامي
مريم:اوك هروح وانت روح وهبقي اجي وراك
هشام :اوك هنستناكي في الكافيه
هو خرج وجاله اتصال بص للشاشه وابتسم ده صديق مقرب من السوشيال ميديا وبيرتاح معاه رد بسرعه ومريم قامت اخدت هدومها وراحت تجهز
**************************
هشام نازل وبيكلم صاحب السوشيال اللي بيحبوا بعض جدا وبيطمنوا على بعض بس خبط في شخص ووقع فونه هو كمان كان بيعمل مكالمه
.......هشام بص للشخص وكان سيف ورفع الفون على ودانه وكان متجاهل سيف وماشي وسيف وطي على الأرض ياخد فونه بس المفاجأة
هشام:ايوا يا ابني انت معايا
سيف ورفع الفون على ودانه:ايوا معاك
الصدمه ألجمتهم هم الاتنين 😹😹✌
ولفوا بسرعه بصوا لبعض ......
هشام بشك قرب الفون ثاني وقال ألو وسمع صوته عند فون سيف بصوا لبعض وضحكوا
ّ.........
هشام وضحك:وأنا بقول صوتك مألوف ليا ليه😹
سيف:يا محاسن الصدف أول لقاء ليا معاك يا سي هشام😹😹😹
حضنوا بعض بحب كبير وهشام نسي عدواته معاه من كام ساعه
بعد شويه كلام ولهفه وهزار
هشام :بس انت في كليه هندسه جيت هنا ازاي ده المخيم طالع تبع كليه الطب
سيف:هقولك يا سيدي ..........
وفضلوا يتكلموا شويه وقت .......... وعلى مسافه قليله منهم مريم نزلت وحست باحساس غريب بيجزبها تبص وراها ولسه هتلف جالها اتصال وردت وكملت مشي ثاني راحت على المطعم
*******************************
في المطعم متجمع أسر ورهف وهشام حوالين ترابيزة واحدة
رهف:امال مريم فين دلوقتي
هشام:قالت هتاخد دوش وجايه ......اهي جيت
مريم:هاي شباب عاملين ايه
هشام:مش احنا اللي وقعنا في مشاكل من شويه
مريم:يا عم الرايق الساعه12 الضهر اصتبح الناس لسه نايمه مش انا اللي بجيب المشاكل لنفسي يعني
هشام:مهو لولا حد كدا كان زماني نايم زي الناس دول
مريم:وأنا مالي هو انا اللي حاطه مواعيد المخيم
هشام:ومش انتي كمان اللي كبيتي فوقي أزازة الميه صح
مريم:اركن على جنب انت لولا منبهاتك كمان كان زماني نايمه
هشام:انا مفترى معليش بعيد عنك بقيت مجرم عالمي
مسكت مريم الموبايل وبتدخل رقم عندها عشان تتصل بيه
هشام:بتعملي ايه دلوقتي وقت مكالماتك ؟
مريم:مش انت قلت من شويه انك مجرم عالمي ؟ اكيد البوليس بيدور عليك وأنا هبلغ عنك وابقى بطله ويكافؤني
هشام:احيه انت بتبلغي عني اقفلي ده
وحاول يمد ايده ياخد الفون بس بعدت بسرعه وهي بتقفل الخط
مريم:يا مامي ده هياكلني خلاص قفلت
هشام:يا مامي !انا هولع فيكي انا جاي اغير جو ولا اتسجن
رهف:كنوا بقا الأكل له احترامه ايه لوك لوك بطلوا رغي
مريم:بت انتي متعمليش دور الاتقي عليا ثاني شكلك مسخرة ومش لايق عليكي اصلا الكلام ده
هشام:معاها حق ايه التخاريف دي
رهف:الأكل هيبرد اطفحي وانتي ساكته
هشام:ايوا كدا هي دي رهف اللي اعرفها
مريم:هتشتغل نفسك هي دي رهف اللي اعرفها بالتهزيق
هشام:انتي ليكي تفسير ثاني عنها
مريم:لا انت معاك حق الصراحه😹
رهف:ايه! معاك حق ! انتوا اتحالفتوا مع بعض عليا ولا ايه
أسر:شكل انا وانتي اتاخدنا في الرجلين
هشام:ههههههههه سيبوا البت تلحق تأكل هتموت وتمسك الكتاب لو مذاكرتش تتجلط
مريم:ههه ظريف
هشام:ما انا عارف نفسي الظرف حلو مش وحش بردوا
مريم:دمك خرا كرهتني في نفسي
هشام:اطفحي بقا وخليني انا كمان اطفح عدل
رهف ومريم:ههههههههههه
***************************
وبعد ما كلوا راحوا كل واحد بيعمل حاجه ومريم بتذاكر وهشام بيسمع اغاني بس من الهاند فري عشان مريم ميضايقهاش ، رهف وأسر بيتمشوا وجه الليل
*****************************
وبعد شويه رهف راحت لمريم في الاوضه لقتها بتذاكر شدت الكتاب من ايدها
مريم: ايه في ايه
رهف:غمضي عينك
مريم:ليه طيب
رهف:غمضيهم بس
مريم:هتعملي حاجه رخمه صح
رهف:لا والله يلا بقا
مريم غمضت عينيها ورهف طلعت حاجه من ورا ضهرها
رهف :فتحي
مريم وفتحت:واو شكلهم حلو اوى ده بتاعك ؟
رهف:بتاع مين ياختي !ده ليكي انتي
رهف وريت مريم سواريه احمر وشيك اوى
مريم:ليا ؟ بس ده مش من هدومي
رهف: يعني هو لو من هدومك هجيبه انا ليه ده جاي هديه وباسمك مخصوص
مريم بنظرات شك: هديه وباسمي ؟ بس مين اللي جايبه
رهف:متبصليش كدا مش انا ده هشام
مريم:هشام ؟ طب ليه ؟ مش فاهمه وماجبهوش ليه هو ؟
رهف:مرضيش وخاف لتحرجيه وتزعلي وهو بصراحه عاوزك تلبسيه واحنا خارجين النهاردة
مريم:بتهزري ؟ انتي مش شايفه ده ليكي مش ليا انا مججبه ولا نسيتي
رهف: لا مش نسيت ولا هو نسي جابلك بادي وترحه اهم
مريم:لا بردوا يا رهف مش هلبسه خديه
رهف: على العموم هو هنا اهو لو غيرتي رأيك اهو موجود اجهزي وانزلي
مريم واقفه محتاره وباصه للفستان ورهف سابتها وخرجت
ويعدي الوقت ورهف وأسر واقفين وهشام خلص ونزل وقف جنبهم
رهف: هي فين مريم يا هشام
هشام : مش عارف اكيد زمانها نازله دلوقتي
رهف: هروح اشوفها عشان طولت اوى
وتطلع السلالم وهشام رايح جاي بتوتر يا تري قبلت هديته ولا لأ
.
.
.
.
.
.
.
.
.
*مريم هتقبل الهديه ولا لأ
*ردة فعل هشام ايه
*يا تري كدا حكايه سيف خلصت وهيحل مكانه هشام ؟
*هشام وسيف ايه علاقتهم سوا بعد كدا
*رأيكوا متنسونيش
********************************
#غمازات👑♥💎