العشق المنتظر

الفصل التاسع عشر...

العشق المنتظر (الفصل التاسع عشر):
في ثاني يوم............
مريم واقفه تسرح شعرها يدخل عليها هشام تتصدم بخضه وتتصمر مكانها
هشام بتردد :انا اسف جيت في وقت مش مناسب
ولف وشه وكان ماشي مريم اخدت خمار طويل ولبسته غطت بيه شعرها
مريم:استني .......محصلش حاجه اتفضل
هشام:كنت جاي بس أسألك جهزتي للبحر!
مريم:اه طيب بس ايه اللي حصل يعني وصاحي بدري
هشام بابتسامه خفيفه :ملقتش المنبه ال5 فاتعودت على ال4 بس
مريم بهزار:اتعديت يعني
هشام:البركه في واحدة بقا كدا ربنا يسامحها
مريم:ماشي ياخويا هلف الترحه وهاجي
هشام:طيب هروح لأسر
مريم:تمام هخلص وهروح لرهف
هشام:تمام
***************************
وخرج هشام وراح الأول أوضه سيف وكان نايم صحاه
هشام:سيف يا سيف
سيف وفاق:نعم .......امممم ازيك يا هشام
هشام:بخير .......نايم ليه لدلوقتي قوم يلا عشان البحر
سيف وقعد بزعل وافتكر أول يوم في البحر ومريم واللي حصل وهشام قعد جنبه وايده على كتفه
سيف:مش عاوز يسطا روح انت
هشام:مالك يا صاحبي
سيف:مهموم يا هشاااام تعباااان ونفسيتي مش ولا بد
هشام بتنهيدة:ومين سمعك
سيف :مالك يا صاحبي
هشام:يا عم اركن بمشاكلك بقالك سنتين نفس الطبع مهموم وبتهون على غيرك متغيرتش
سيف بابتسامه:الحمد لله ....قولي بردوا مالك
هشام بتفكير:ساعات يا سيف مبتبقاش فاهم حاجه حواليك ومتلغبط وحاسس انك تايه وممكن تفكر حتى وانت نايم وتفضل دماغك شغاله ليل نهار
سيف: ربنا يهون عليك يا صاحبي
وسمعوا الأتنين صوت صفير المدرب بيعطيهم تنبيه عشان اللي نايم لسه يصحي
هشام:يلا قوم كدا مش هخليك في المعسكر لوحدك أتحرك معانا
سيف:صدقني ملييش نفس يا صاحبي
هشام:وده من ايه يسطا بس
سيف:زي ما قلت انت لما تبقى فجأه متلغبط ومش فاهم حاجه حواليك والدنيا ضاقت بيك ده إحساس فظيع
هشام:طيب قوملي كدا وفوق وتعالى على البحر شم هوا صدقني هتحس براحه أو على الأقل تصفي ذهنك وترتاح ولو شويه
سيف: ياريت بس لو تفهمني😔
هشام:هي مين دى ؟ اممممم قولي بقا ان الموضوع وراه مززه😉😂
سيف بيأس:أول حب في حياتي بعشقها بس ياريت بس هي تكلمني دي كرهاني يا هشام كرهااااني
هشام صعب عليه صاحبه وحضنه:اهدي يا صاحبي وأجمد اكيد كل المشاكل بينكوا هتتحل بس انشف كدا
سيف: احساس أنها مش طيقاني واجعني اوووي
هشام:هي مين طيب وايه حكايتكوا احكيلي يمكن اساعدك
سيف وبعد عن حضنه واتنهد:دي تبقي م.........
قطع كلامه دخول آسر عليهم
آسر :انتوا الاثنين هنا
سيف:ازيك يا آسر
هشام :انتوا تعرفوا بعض ؟!
آسر:اه انا ورهف عارفين سيف
هشام:ياااارااااجل ازاي بقا😂
سيف:آسر معرفه سوشيال واتقابلنا صدفه كذا مرة ورهف عارفها من اعدادي أيام الدراسه
هشام:اممممم طب قوم يلا أجهز
آسر:اه جيت اقولكوا يلا
سيف:تمام خليكوا هنا هدخل أجهز واجي معاكوا
***************************
عند مريم صحت رهف ولبست ومريم بتستعجلها
رهف بزهق:خلاص ياما متبقيش رخمه كدا زي هشام دايما مستعجل
مريم:إحم ر.......هف
رهف لفت ليها بزهق :ايييه......أبو رزالتك انتي وهوووو.......
اتصدمت لما لقيت هشام واقف وراها
رهف بخضه:ايه !هشام ......أهلا يا .....هشام
هشام:بقا انا كلامي رخامه ورزل انا هوريكي
رهف بتوتر:لا لا انا مكنت.....
مريم:هههههههههه
رهف:مريم مقلتيش ليه أنه جه
هشام مسكها من شعرها وقعها على السرير وفضل يضرب فيها بالمخدة
رهف:ألحقوني هيموتني ياااامرياااام الحقيني يخربيتك هتخنق
هشام:كني بقا يا زفته لميتي علينا الناس
مريم:خلاص يا هشام سبها بقاااا
هشام وكان متعصب:لا هموتها
آسر دخل بسرعه واتخض من منظر رهف
رهف:آسر ألحقني هموت
آسر:ايه ايه فى ايه يا هشام .....احيه البت هتموت .......خلاص يابني سبها هتموت في ايدك
مريم:كل ده عشان كلمه مكبرها زيادة يا هشام
هشام:لا مكبرها ولا خرا بوظت مزاج أمي على الصبح وانا مخنوق خلقه
رهف:سبني بقا كحح كح ياااامرياااااااام
مريم:خلاص يا هشام ونبي بطل ضرب عشان خاطري وأبعد عنها واهدي
هشام بص في عنيها بوجع وخرج من الاوضه بسرعه
مريم:هشام استني
آسر :انا رايح وراه
رهف:سيبوه يغور كان هيموتني
مريم:كني بقا مهو لسانك الطويل هو السبب
رهف:لأ انتي السبب ياختي منبهتنيش ليه
مريم:هو دخل فجأه ملحقتش انبهك وقومي يلا اخلصي
رهف:طيب خلاص قايمه
وبعد ما خرجوا هشام ممشاش مع مريم ولا كلمها كان ماشي مع آسر وشب كمان اللي هو سيف بس مريم مشافتوش ولا ركزت وعرفت هو مين
ووصلوا البحر ونزلوا حتى مريم وهشام قعد على الرمل بيفكر في حلم انبارح وسرحان قربت مريم من الشط وقعدت ترش ميا برجليها عليه
هشام فاق بخضه:اييه.......مريم خلاص بطلي بقا
مريم:لا تعالى يلا معانا
هشام:لا لا مش عايز روحي بقى بطلي ده
مريم:لا مش هبطل هتيجي ولا نظامك ايه هههه قوم بقاااا
هشام:ما قلت مش عايز روحي بقا سيبيني
مريم:على اساس لما طلبت منك تسيبني سبتني
هشام:اووووف بقا
مريم فضلت ترش عليه وتضحك وتقرب برجليها تجري في الميه قدامه عشان تغرقه يقوم هشام يجري وراها ويلعبوا بالميه ويضحكوا وهي بترجع بضهرها هشام شاف موجه جايه من وراها بس ملحقش ينبهها راح عندها وحط ايده كتم بؤقها ومناخيرها وغاص بيها تحت الميه ومريم اتفاجأت بيه وبعد ما عدت الموجه رفعها بسرعه وهي زقته وبعد عنها
هشام:انتي كويسه حصلك حاجه
مريم :........
هشام:اسف.......
مريم:انت ليه عملته كدا ايه التصرف السخيف ده
هشام:بصي وراكي وانتي تعرفي
مريم :ايه يعني
وبصت وراها وشافت الموجه مع أنها قريبه من الشط بس عاليه
مريم:اوه بس احنا ازاي دخلنا اوى كدا
هشام:كنا بنلعب ومحسناش بس انا بجد اسف على اللي حصل ملحقتش انبهك
مريم:انا اللي اسفه غلطت معاك وفهمتك غلط خالص انا مش عارفه أشكرك ولا اعتذر بصراحه
هشام:تشكرات واعتذارات  من مريم بجد كتير عليا
مريم:ماشي يا عم ال كثير عليه يلا نخرج ولا ايه رأيك نستني موجه ثانيه تغرقنا
هشام:ههههه هبله مش عارف انتي اللي شفتها أول مرة ازاي
مريم:تحب اثبتلك؟ الدبابيس كثير
هشام:لا شكرا ياختي
مريم:العفو يا اخويا
هشام بهدوء:مش كنت سبتك تغرقي أحسن اهو نرتاح
مريم وشدته أنهم يدخلوا:يلا تعالى واقف ليه
هشام وشدها خرجها:أنتي مضحيه بروحك كدا على طول
مريم:ايوووووواااااه
هشام:تكك اوه
مريم:لما يأويك
هشام:تشكرات
مريم:عفوات
وبعد ما خرجوا من البحر قعدوا جنب بعض على الشط مركزين مع الميه
مريم:بقولك ايه
هشام:ايه
مريم:انت زعلان ليه كدا وسرحان على طول
هشام:كأنك مش عارفه يعني
مريم:لا بصراحه عارفه بس هعطيك نصيحه ممكن متعملش بيها بس هقولهالك متقفش خليك زي الزمن عمره ما وقف لحد لأنه لو وقفت هتندم صدقني وعلى ما تفوق هيكون الزمن سبقك وساعتها ندمك مش هينفعك في حاجه
مريم بصوت واطي:متغلطش نفس غلطتي جرحك هيكبر ومش هيبقي له علاج
وبعدين ابتسمت وبصتله
مريم:فهمتني ولا لأ
هشام:..........
مريم:رد عليا سرحت تاااني
هشام:قصدك ايه بنفس غلطتي
مريم ووقفت:ولا م....واا........ولا حاجه بس فهمتني ولا لأ
هشام:سبحانك يارب طلعتي حكيمه كمان
مريم ضربته:أخرس حكيمه ييع ييييع
هشام:اشتمك مش عاجبك أمدح فيكي مش عاجب انا من وراكي هولع في نفسى بدري بدري
مريم:بدري مين بدري راح خلاص انت مش شايف نفسك بقيت في ال50
هشام:ايه
مريم:هنبعتك قريب تعاشر القمر
هشام:اممممم انتي بتردهالي عشان قلتلك شبهه يعني
مريم:امال مفكرني هنسي يعني
هشام:وانتي بتنسي حاجه ده الذنب بتركبيه في رقبه الواحد قدام 20 سنه
مريم:هشام عاوزة اكلمك في موضوع مهم
هشام:ايه التردد ده مريم انتي هديتي فجأه
مريم:هشام بطل استظراف بقول موضوع مهم
هشام:هههههه خلاص قولي سامعك
مريم:رهف
هشام:رهف!!
مريم:اه زمانها اتضايقت منك عشان اللي حصل الصبح
هشام:لا ولا تاخدي في بالك دي هبله وأنا عارفها كويس مزعلتش
مريم:عارفها كويس مين انت عارف انك كنت هتموتها
هشام:خلاص انا هتصرف
مريم:النهاردة
هشام:والنهاردة .....هاا حاجه ثانيه ولا أنزل الميه مزاجي اتظبط خلاص
مريم: لا يلا غور
هشام:غور........والنعمه حاسس انك مش مريم اللي انا شفتها أول يوم متأكدة ؟ انتي مريم ؟
مريم:لا تصدق خطفتها عشان اجي مكانها وأسمع استظراف
هشام:ههههه انا قايم
مريم:ما قلتلك غور مبتفهمش
هشام ومشى:احيه البت اتحولت
وبعد نص ساعه خرج ولقي مريم بتبني قلعه من الرمل
هشام:يا نونو اجيبلك عروسه
مريم:بايخ انت وكلامك بس مش بزمتك حلوة
هشام:الحق ولا ابن عمه
مريم: لا ابن عمه
هشام :ايه ؟ ابن عم مين
مريم بطفوليه:هشااااام
هشام:ههههه لا هقول الحق اللي هو جميله اووى بصراحه عملتها ازاي
مريم:مش عارفه
هشام:ايه؟ يعني مش انتي اللي عملاها ؟
مريم:لا انا بس اهو شويه كدا على شويه كدا واتعملت وبقت كدا
هشام وقعد:يعني ابوظها عادي
مريم:دا انا أطلع عينك
هشام:اهدي خلاص بهزر
مريم:بحسب! ......بصراحه عجبتني ومش عاوزة اسيبها الموج يهدها
هشام:خلاص هنيمهالك على السرير تدفي
مريم:خفيف الظل
هشام:ما هو كله منك يلا نمشي ولا ايه
مريم:يلا ......مع السلامه يا قلعتي الجميله
هشام:ده انتي مبتودعنيش بالطريقه الجميله دى
مريم:متحلمش المميزين بس
هشام:ايه ؟
مريم:بس تصدق أول مرة ابني بالرمل
هشام:أحلفي
مريم:بجد والله
ومشيوا في طريق المخيم
هشام:امال لو مهندسه ديكور هتعملي ايه
مريم:الله أكبر في عينك وغير كدا دكتورة مش مهندسه ديكور
هشام:اشمعنا كليه طب اللي اخترتيها
مريم:عشان يا سيدي ههههه انا والمستشفى أصدقاء
هشام:ازاي أصدقاء
مريم:انا كل يوم وجع بطني أو الضغط وده مشهور عندي والصداع وكدا يعني
هشام:الله يطمنك
وصلوا المخيم وراحوا كل واحد ياخد شور وبعد الغدا
مريم:انا طالعه اذاكر
رهف:وأنا مش عارفه اعمل ايه زهقانه
هشام:لا مش هتذاكري الساعه 3:30 صح
رهف:بتسأل ليه على الوقت دلوقتي
هشام:روحي اندهي لأسر وأنا هقولكوا روحي
رهف:طيب رايحه
وبعد ما جه آسر اتجمعوا في أوضه رهف وأسر سوا وفضلوا فيها
مريم:قلنا بقا ايه اللي يعطلني عن المذاكرة
هشام:هقولكوا احنا هنتسلي نلعب لعبه حلوة جهزنلها؟
مريم:لعبه ايه اللي محتلجه تجهيز
رهف:قول يلا يا هشام سمعاك
هشام:احنا هنلعب الصراحه ايه رأيكوا
مريم:لا لا الصراحه مش بحبها لعبه رخمه
هشام:لا مسليه ورهف وأسر موافقين وهيلعبوا صح يا شباب
رهف وأسر:موافقين يا هشام
مريم:لا خلاص العبوا انتوا بس انا لا
وقامت
هشام:اقعدي بس بلا بقا متزعلنيش وهخلي القوانين سهله والله بس اقعدي يا مريم
مريم وقعدت:خلاص هلعب القوانين ايه
هشام:بصي يا ستي ركزوا الجهه دي من الإزازة اللي يسأل ودي اللي هيتسأل وقبل ما نسأل سؤالنا بنقول الأول صراحه ولا أمر واللي هيتسأل يختار بينهم
آسر:اوك يلا احنا جاهزين
وبدؤا لعب وهشام لف الازازة جيت عليه هو ومريم
هشام:من أولها كدا انتي
مريم:استر يارب
هشام:أمر ولا صراحه
مريم:هختار صراحه
هشام:قوليلي يا ستي هتجاوبي على السؤال مش هتزعلي
مريم :مجبورة للأسف وهحاول مزعلش
هشام:قوليلي أول سؤال ايه علاقتك بسيف
مريم:هجاوبك.....جار مجرد جار
هشام:بس ؟
مريم:سؤال واحد على ما أعتقد
هشام :خلاص
مريم لفت الازازة وجيت على آسر ومريم
مريم:طب اسأل ايه ؟ أمر ولا صراحه
آسر:صراحه
مريم:اسأل ايه
هشام:استفسار مثلا
مريم:لقيتها قولي اتعرفت على هشام ازاي
آسر:كنا زملا في اعدادي في لجنه الامتحان وبعدين قربنا شويه شويه وبقينا صحاب وانتي عارفه بقا الشباب بيتفاعلوا بسرعه
مريم:اه عارفه من واحد هنا
هشام:انا ؟
مريم:لا انا تصدق
رهف:خلصوني
يلف آسر الازازة وتيجي على رهف وهشام
هشام:محضر السؤال
مريم بتريقه:مثقف
هشام:رهف هو انتي لسه زعلانه مني من موضوع الصبح ؟
مريم:هي مش المفروض تختار أمر أو صراحه
هشام:لا انا اخترتلها صراحه
رهف:لا والله مش زعلانه ما انا عرفاك
هشام:مرسى يا رهف والله صديقه مش زي أي صديقه مش زي ناس
رهف:ههههههه
مريم:قصدك ايه يا أخ انت
هشام :مش قصدي يلا نكمل
تلف رهف وتيجي عليها هي ومريم
مريم:رهف حبيبتي انا صاحبتك متبقيش حقوده
وخليكي هاديه كدا
رهف:أمر ولا صراحه
مريم:صراحه
رهف:كل جوازة ووراها حاجه انتي اتجوزتي ازاي أو بمعني اصح ايه احساسك اتجاه خطيبك أحمد على ما أظن
مريم:ان.......مش هقدر ارد.......ولا اقولك هجاوب سالتيني بحس بإيه اتجاهه والمفروض جوابي يكون بصراحه جوابي هو الكره والاحتقار وبس
الشله بصدمه:ايييييه
هشام:ازاي يعني مش فاهم
مريم:ده مش دورك وهي سألت وأنا جاوبت دوري خلص
ولفت الازازة وجيت عليها هي وهشام
مريم:اووه شييت
هشام:شييت؟ .....بتلعني حظك ياختي
مريم:تصدق طلعت بتفهم
هشام:قولي أمر ولا صراحه
مريم:بما أنس مش هقدر اهرب من اسالتك الكثير هختار أمر
هشام:رخمه بس هفكر
رهف:هههههه هشام براحه على البت دي مرعوبه
آسر:هههههههه
مريم:لطيفه بس انا فعلا متوترة
هشام:لقيتها الأمر هو ..........
مريم:بطل لعب في أعصابي وقول ايه الأمر
هشام:انا هخليه حاجه خفيفه كدا عليكي اصلك هتموتي الأمر هو انك تطبخي للمخيم كله ماعدا المشرفين والدكاترة والمدرسين ليتسمموا ونروح في داهيه
رهف وأسر :ايييه
مريم:طبخ! لا طبعا انا مش بعرف اعمل حاجه غير الأمر يا هشام
هشام:هههههههه عايز اشوف مواهبك
مريم:يا هشام غير الأمر ونبي
هشام:ماشي مش هغيره اوى بس هتطبخي لينا احنا ال4 مش للمخيم كله ومش هتراجع عن الأمر ده
مريم:امممممم خلاص بس هطبخ ازاي ومحدش بيدخل المطبخ واساسا ايمتى
هشام:سيبي ده عليا وتطبخي بعد بكرا
مريم:ربنا على المفتري .....متفقين طبخ! انا ياربييي
تلف مريم الازازة وتيجي على آسر ورهف
آسر:اقول ايه
هشام:تعالى وأنا اقولك
رهف:استر يارب بتتفقوا عليا ليه
آسر:ماشي .......أمر ولا صراحه
رهف:صراحه
آسر:قوليلي انا بالنسبه ليكي ابقى ايه انا وهشام ومريم
رهف:ايه السؤال ده ........خلاص هقولك انت وهشام أصدقاء مقربين اوى اوى ويعتبر اخواتي وعوضتوني عن بابا الله يرحمه ومريم احلى اخت بحبها أكثر من أي حد اه تواصلنا قليل بس والله أختي وأكثر لما شفتكوا وبقينا شله مع بعض كدا اتجمعنا  بقيتوا عيلتي الثانيه وقريبين ليا أكثر من عيلتي الحقيقيه اصلا
مريم اتأثرت وحضنتها:وأنا بحبك أكثر بس ونبي متعيطيش بتبقي وحشه وانتي هاديه خليكي رهف المرحه والشعنونه
هشام:هي اه رخمه زيك
مريم:اناااا
هشام:بس انتوا ال4 غاليين عندي وأعز صحاب
رهف:مين الرابع ؟
هشام:صاحب سوشيال هبقي اعرفكوا عليه
آسر:ايه يا رهف قلبتي مريم ولا ايه
الكل:هههههههه
مريم: ايه ايه منك له بتتأمروا عليا ولا ايه يلا يا رهف نقوم
هشام:اهدي واترزعي منك ليها نخلص اللعبه
رهف:يلا يا مريم نخلصكوا من اللعبه دي
رهف تلف الازازة وتيجي على آسر ومريم
مريم:لما نشوف ابداعاته
هشام:آسر تعالى اقولك تقولها ايه
مريم:ايه ايه ده دوره رهف كدا كتير قولي لأسر ميوافقش
رهف:آسر متوافقش هشام دايما عاوز يضايق مريم على طول
آسر:لا هو صاحبي وعادي بنتشاور ودي لعبه
مريم:بجد كدا كتير غير كدا هيتحسب الدور لهشام
آسر:لا فيها ايه بيساعدني
هشام:البت هتفرقع
مريم:يا رخم اسكت بقى وانت يا آسر ملكاش عقل تفكر طب اسحب دورك
هشام:لا وهقوله تعالى يا آسر
وقاله وأسر بصله:متأكد ؟
هشام:ايوا
آسر:تمام يا صاحبي
مريم:ايه بالسهوله دي وافقت لا فيه حاجه غلط وأنا مش مطمنالكوا هقوم
هشام:رهف صاحبتك الجبانه خايفه وبتتهرب
مريم وقعدت بصيتله بتحدي
مريم:انا مش جبانه طب قعدت اهو وهجاوب بصراحه على إي سؤال آسر هختار صراحه يلا عندك ايه قول
رهف:مريم بلاش ده بيستفزك
مريم:عادي هيكون ايه سؤاله يعني ومن ايمتى وهو مش مستفز يلا يا آسر
آسر :بصي يا ستي بس ده تفكير هشام اشطاا ؟ انتي رديتي على سؤال رهف برد غريب اووى ولو مش فاكرة ساعه لما قلتى انك بتحسي بكره واحتقار ناحيه خطيبك أحمد ده احنا عاوزين تفسير ومتشوقين نعرف قصه حياتك وليه مخطوبه لواحد مش حباه
مريم كانت مصدومه وبصت في الارض وفضلت ساكته ودموعها نزلت
هشام:مريم زعلتي؟ انا اسف خلاص مش لازم تردي أنا بس........
مريم مسحت دموعها بسرعه وقاطعته
مريم:لا هرد عليكوا ..........انا حياتي كانت مليانه مشاكل كنت واحدة مكتئبه واتحدى دايما بتظاهر بالفرح قدام الناس وأنا بعيط طول وحدتي ومكنتش بحكي لحد لأن بطبعي كتومه وكنت بفهم كل حاجه بالتلميحات وكنت قويه ملاحظه وعقلي بيفهم حاجات أكبر منه وده كان عاملي عقدة وكنت دايما انام معيطه وده كان سببه........الحب ......الحب هو السبب من لما كان عندي 12 سنه ودي حالتي كل يوم اكتئاب ....
************************
وحكتلهم مريم عن اللي حصل معاها لما اتخطفت وجيت الليله المتشائمه دموعها نزلت وسكتت شويه
مريم:وبعد ما كنت خلاص هخرج لثاني مرة وقفني وقال ........
وكلمت على حكايتها لحد قعدتهم دي ورهف بصالها ودموعها نازله شلال على صاحبتها، وهي منهارة من العياط ومن كتر ما عيطت مبقتش قادرة تاخد نفسها ولما خلصت مسحت دموعها
مريم:انتوا دلوقتي عرفتوا كل الحقيقه اللي عمر ما حد سمعها أو عرفها غيري حتى سيف ميعرفش الحقيقه كامله بس بعد ده كله اكيد محدش فيكوا هيكمل معايا صداقته بس انا بسبب كدا مكنتش عاوزة اقبل صداقتك يا هشام ومخدتش رهف صديقه اوى مع أنها قريبه لقلبي وربنا عالم بحبها ازاي اقنعت نفسي اخليكوا بس زملاء مش اكتر عشان مخسركوش واتجرحت قبل كدا ومش هتجرح ثاني انا من كتر وجعي معدش بيأثر فيا حاجه قلبي خلاص اتحطم ومش هيتصلح فيه حاجه ثاني انا اتعلقت بيكوا بجد وللأسف بعد ما عرفتوا كل حاجه بقيتوا بتستحقروني خلاص
مريم وعيطت:عرفت يا هشام ليه مش عاوزاك تتعلق بيا أو تحبني عرفت ليه مش عاوزاك تغلط نفس غلطتي عرفت سيف يبقى ليا ايه ؟ عرفت بكره خطيبي ليه حتى مش بطيق سيرته انا احتقاري له فوق الوصف انا .....انا لو عيلتي عرفت مش عارفه هيعملوا ايه خايفه اوى وهو بيهددني بعيلتي انا عيلتي كل حياتي مقدرتش اخسرهم انا بحبهم اووى ومستعدة أضحى بروحي كلها عشانهم انا بقيت كارهه نفسي وكارهه كل حاجه انا كرهت كل حاجه كل حاجه 😭😭🏃🏃
وطلعت تجري برا الاوضه وهي منهارة أكثر وأكثر من العياط هشام جه يقوم وراها رهف وقفته
رهف:لا يا هشام مش سهل عليها كل ده هي حكتلنا كثير اووى واكيد موجوعه ووجع الدنيا في قلبها
آسر:رهف معاها حق يا هشام هي بتعاتب نفسها اكيد مكنش لازم نسألها من الأول هي بتعتبرنا مقربين ليها عشان كدا حكتلنا يستحسن نسيبها عشان تهدي وبكرا هنروحلها
وأنت نام عندي النهاردة ورهف هتنام مكانك هناك من غير ما تحسس مريم بحركه في الاوضه
هشام:ماشي بكرا نتكلم
وبعد شويه مريم في أوضتها منهارة لدرجه أنها دايخه ومش قادرة تصلب طولها.ولا قادرة تفضل نايمه ولا تقعد أو تتحرك حطت مخدة على دماغها وفضلت تعيط أكثر وأكثر
مريم:ايه يارب انا بيحصل معايا كل ده اااااه ياربي الاختبارات دي كتير اووى والله تعبت معنتش قادرة مش هتحمل كسر ثاني من كتر الخسارة هيقف قلبيي ده هيقف انا تعبت من كتر الزعل والبعد خسرت كل حاجه الشر والعذاب كسب على الخير والعدل معدش له أي حاجه كل حاجه راحت هو كسب انا قبلت الهزيمه قبلت😭😭😭💔
*****************************
وييجي رابع يوم وتصحي مريم على صوت الفون وهي بتحاول ترفع رأسها دايخه ومش قادرة تصلب طولها والساعه كانت 6:15 تمسك الفون وترد
مريم:الو
***************************
يا تري خلاص مريم هتتقبل الهزيمه ومش هتعافر ثاني ؟
ياتري مين المتصل وعاوز ايه ؟
أحمد فين مختفى من زمان صح؟
سيف هيعمل ايه فى الحكايه دي هو كده خلاص استسلم؟
الشله هتبعد عن مريم ولا لأ؟
هشام هيفضل صاحب سيف ولا هيبعد؟
لو صحبيه هشام وسيف استمرت هيحكيله عن سر مريم وسبب اجبارها على الجوازة دي ولا لأ ؟
البارت ده كله حزن بقا معليش😹💜
رأيكوا♥♥✨
.
.
.
.
.
#غمازات👑♥💎