العشق المنتظر

الفصل السادس والعشرين....

العشق المنتظر(الفصل ال26):
***************************
وقفنا لحد ما هشام مسك ايد مريم وحاول يمنعها تخرج من أوضه الدكتور النفسي ورهف كانت بتقنعها بالكلام بس مرة رفضت تماما وخرجت وسابتهم وقرب الدكتور......
****************************
رهف وهشام كانوا لسه هيمشوا بس وقفهم الدكتور
الدكتور:لحظه لو سمحتوا
هشام بأمل:نعم يا دكتور .......تقدر تعرفنا حالتها من غير ما تكشف عليها؟
الدكتور:من اللي قلته وحسب كلامك ورد فعلها حاليا قدامي اقدر اقولكوا ده مش بسبب حريق ولا النار اللي مسكت في هدومها وفيه سبب تاني وقوي كمان يعني مثلا سمعت خبر صادم أو عرفت حاجه صدمتها أو حصل معاها حاجه تعبت أعصابها وانصدمت منها جامد (طبعا خليكوا فاكرين أنه سيف اتخلي عن مريم وسابها لأحمد)
وياريت تخلوها تعيط أو تصرخ وتخرج إللي جواها في أسرع وقت لأن لو فضلت كاتمه في حاله زي دي هيسبب ضرر كبير جدا ومضمنش ليكوا الأعراض وكمان ممكن أنها.....
رهف:ممكن كمان ايه ؟ مريم هتبقي كويسه؟....
هشام:اهدي يا رهف اتفضل كمل يا دكتور
هشام:اعتقد سمعتوا بشكل عام ان لو المريض في أوقات تخص علاجه النفسي لو مخرجش اللي جواه أو فضل في صدمه أو متكلمش ولا اتعامل مع حد حياته مهددة بالموت؟ حاله الانسه فيما يشابه الأعراض دي
رهف:أكيد بتهزر صح ؟ مريم هتبقي كويسه يا هشام مريم هتبقي كويسه صح ؟
هشام:اهدي كل حاجه هتبقي تمام بس اهدي
يدخل أسر بعد ما استفسر عن مكان تواجدهم وشاف مريم وهي خارجه
أسر:مالكوا يا جماعه  مريم خرجت ليه وكانت باين متضايقه........رهف مالك؟
رهف اترمت في حضنه تعيط كمان،هو في الأول اتصدم بس بعدين ضمها له وهو باصص لهشام بقلق
رهف:أسر الدكتور بيقول أنه مريم .......أن مريم هتموت....بس هو اكيد غلطان ده حتى مش كشف عليها
أسر:طب اهدي شويه كل حاجه هتبقي تمام اهدي بس
يطبطب عليها أسر وبعد ما تهدي تلاحظ أنها في حضنه تبعد بسرعه وهي باصه في الأرض وهو يبعد ايده عنها .......وهشام واقف مع الدكتور بيكمل كلامهم
هشام:يعني ممكن لو سمحت تكتبلها على حاجه تساعدها أنها تهدي
هشام:شكرا يا دكتور تعبناك معانا
الدكتور:لا تعب ولا حاجه ده واجبي
ويخرجوا بس قبل ما هشام يبعد
الدكتور:بس خلى بالك.........مش لازم تعرف أن اللي بتاخده ده مهدئ ده ممكن يخليها تنفعل أكثر
هشام بص للدكتور ولرشته العلاج وحس بضيق من اللي هيعمله ده وازاي هيخليها تاخده
ولما يخرجوا يركبوا العربيه وأسر يسوق وهشام سرحان بينما رهف بتحاول تهدي وقلبها موجوع على صاحبتها ولما يوصلوا يلاقوا مريم مجهزة الأكل في الاوضه على الأرض وقاعدة ايدها على خدتها
أسر:ايه ده ؟
مريم:أنتوا جيتوا أخيرا كنت هناك جنب الأكل وهيبرد يلا عشان نتغدي ولا ايه ....رهف يلا تعالى اقعدي
تشدها وتقعدها جنبها وهي بتبصلها
مريم:احنا تعبنا في الأكل ده هما حرين بقا لو مش عايزين ياكلوا ا............رهف مالك ؟ بتعيطي ليه ؟ ايه اللي حصلك؟
رهف تترمي في حضن مريم وتعيط جامد
مريم بخضه:يا بنتي مالك ؟ ايه اللي حصل فجأه؟ مالكوا في ايه ؟
كلهم ساكتين وأسر باصص للأرض وهشام مش بيبص لمريم
مريم:قولولي بقا ؟ حرام عليكوا قلقتوني ....بصوا لو ده مقلب عشان تضايقوني فبطلوا رخامه ........يا بنتي خلاااص كفايا يا رهف يا حبيبتي اهدي اهدي بس عمرى ما شفتك كدا
رهف:مريم ...انت......أن......ت....انت اا
هشام بسرعه:خلاص يا رهف.......يا مريم مفيش اهدي هي بس رهف قلقت لما انتى خرجتي من المستشفى بسرعه وزعلانه مننا .......صح يا شباب
أسر:اه صح ده كل الموضوع مفيش حاجه ثانيه
مريم بشك تبص لرهف وهشام يبص لرهف جامد بتحزير فتهز رأسها بايوا مؤكدة كلامهم
مريم:حرام عليكي خضيتيني انا كويسه مفيش حاجه
يبتسموا لبعض وهشام يتكلم عشان يغير الموضوع
هشام:احنا هنفضل في الجو العاطفي كدا كتير احنا جعانين ولا ايه يا أسر
أسر:اااه.....بقالنا5 ساعات عشان عداوة واحدة ده انا واقع من الجوع يا جدع
مريم:طب يلا اقعدوا
هشام:نقعد فين ؟!على الأرض؟! أكيد بتهزري مين ده اللي يقعد ياكل كدا
مريم:أنتوا ......ليه ؟ مش عاجبكوا؟ خلاص خليكوا كدا مش عشان يعني أنتوا مرفهيين في بيوتكوا هتتأمروا علينا احنا قعدنا وانتوا كمان .......يلا
هشام:يلا مين ؟ انا مش هقعد كدا هتشوف مكان تاني
أسر:انا طبعا مش هقعد زيكوا مستحيل
مريم:مفيش حاجه اسمها مستحيل أنتوا هتقعدوا ولو مش عاجبكوا روحوا كلوا أكل المطعم مستنيكوا يلا واقفين ليه هو احنا يعني نقعد كدا وانتوا يا شباب نحطكوا فوق روسنا مثلا
هشام:ما ده المفروض
مريم:نعممم....بطل عبط يلا واقعد خلصني ولا اقولك احنا هناكل متبقوش تسألوا على أكل بقا ليكوا
هشام:لا خلاص هقعد وامري لله
يقعد هشام والكل يبص لأسر اللي بيتفرج على منظرهم ومش مصدق ان هشام قعد فعلا
أسر:بتبصولي كدا ليه؟ انا مش هقعد مش عايز أكل
مريم:لا هتقعد وهتاكل ولا ايه يا رهف ما تقولي حاجه
رهف تبصله ببراءة وعيونها لسه أثر الدموع وشكلها مغري اووى وطفولي وتتكلم بنعومه
رهف: يلا يا أسر اقعد عشان خاطري
يبصلها ويفتكر لما حضنته في المستشفى وكسوفها وبعدين يحمحم بصوت واطي ويفضل يبرطم بكلام جواه ويبعد عينه عنها بسرعه ويقعد ومريم تبصلهم الاثنين وتبتسم ابتسامه خفيفه
مريم:هااا ايه رأيك يا هشام
يقلب هشام وشه بعدم رضا ومريم تتوتر
مريم:ايه ؟ وحش ؟ انا كنت عارفه اصلا انا فاش...
هشام قاطعها:هو انا قلت وحش بالعكس جميل اووى وعجبني
رهف:فعلا يا مريم تسلم ايدك يا قلبي
مريم بغرور مصطنع:انا كنت عارفه اصلا....
هشام:طب يلا كلي ولا هتتفرجي علينا
تبتسم ولسه بتقرب المعلقه من شفايفها ايدها بتلقائيه تقف لوحدها ومتقدرش تأكل وتسرح ثواني بعدين تسيب المعلقه بسرعه وتقوم تقف أنها هتخرج بس صوت رهف وخضتها يوقفها عند الباب
رهف:رايحه فين
مريم:راجعه على طول مش هتأخر كملوا أكل أنتوا وتخرج وهي بتجري بسرعه تخبط في سيف وقبل ما تقع يلف ايديه حواليها يلحقها قبل ما تقع على وشها ،ترفع مريم رأسها وتشوفه أنه اللي مسكتها بسرعه تنتش نفسها من بين ايديه وتبصله وبسرعه تمشي وهي رأسها لفوق وملامح الجمود واللامبالاة على وشها،سيف ابتسم بوجع لما شاف نظرتها أول ما لاقيته هو اللي مسكها ويروح اوضته وضحكه سخريه من نفسه .......وبعد ما يخلصوا أكل ويظبطوا مكانهم راح هشام عشان يجيب الفون بتاعه يبص على أوضه مريم من الستارة يلاقيها قاعدة على السرير وحاطه رأسها بين ايديها وسرحانه يروح يقعد جنبها بمسافه ويقرب ايده عشان ينبهها لوجوده بس يبعدها بسرعه ومريم تلاحظه ،وهو يبص في الأرض قدامهم على نقطه من الفراغ ويتكلم
هشام بهدوء: قوليلي بقا مالك
مريم وبصتله:مالي؟ ما انا كويسه اهو ! خصوصي اني كسبت عليك اللعبه ولا نسيت
هشام:لا يا مريم بتكلم بجد جاوبيني بصراحه ايه اللي حصل معاكي انتى وسيف
مريم وقفت بسرعه وبغضب
مريم:متجيبش سيرة البني آدم ده تاني
هشام:يعني هو اللي ضايقك؟ أكيد اتخانقتوا بس فيها ايه يعني تتخانقوا وتتصالحوا
مريم بانفعال:هشام قلت مفيش حاجه ممكن تقفل السيرة دي وتريحني
هشام:ما انتى عارفه جوابي لزمته ايه السؤال
مريم:طب ما لأني عارفه انك مش هتريحني هاديه.....بس عشان مكدبش عليك بلاش تسأل أحسن
هشام:وعشان انا عارف انك مبتكدبيش سألت وانا واثق انك معتبراني أخي وصديقك وتقريبا زي باباكي ولا انا غلطان
مريم:انت ليه بتضغط عليا بلاش مزاجي يبوظ
هشام:ما هو بايظ اصلا .....وا اه صح مرجعتيش للغدا ليه؟
مريم بتردد:لأن ....لأن .....لأن يا هشام...اه لأن كنت متغديه قبل ما تيجوا ولا نسيت انكوا فضلتوا كثير برا وراجعين بعد معاد الغدا
هشام:وانتي فكراني هصدقك.......انا لسه قايلك انك مبتعرفيش تكدبي فقولي
مريم:افهم من كلام أنه مفيش مفر
يهز رأسه ب(اه)تبصله مريم بعدين تبعد عنها خطوتين هي بتفكر هتقول ايه
هشام:متفكريش كثير يا مريم احكيلي انا خايف اوى عليكي
يلف أنه يقف قدامها ويواجهها بس يلاقيها بتعيط
هشام:مريم؟ بتعيطي؟ يلا احكي بقا
مريم تبصله وهي بتحاول تهدي
هشام:هتحكيلي صح ؟
تهز مريم رأسها ب(اه)وتحكي
مريم بعياط: انا مش عارفه هو ليه عمل كدا ومسحت دموعها تكمل
مريم:بس معدش يهمني خلاص انا مش هجري ورا حد انا خلاص محددة يوم نهايتي اوعى تفكر أن اللي قلته لأحمد ده مجرد تهديد انا فعلا هعمل كدا انا لازم اموت وهتبقي راحه ليا ولغيري بس انا عايزة طلب لما اموت متحولش تقول لأهلي حاجه هما الناس والحاجه الوحيدة اللي فضلالي بعد ما اموت ودلوقتي ومش عايزة اخسرهم هم كمان انا كسرت ثقتهم فيا يا هشام ومقدرتش احمي نفسي انا كرهت نفسي خلاص والله كرهت نفسي الناس بتعمل المستحيل عشان يطول عمرها وانا عاوزة اوصل بنفسي للموت انا ......انا .......انا ب..جد.....
تقع مغمي عليها ويقعد هشام على الأرض يحاول يفوقها من غير ما يلمسها
هشام:مريم مريم فوقي
هشام بهدوء:لازم تفوق قبل ما حد يشوفها وكمان رهف مش لازم تشوفها في الحاله دي
يحاول يخليها تسند على السرير وأنه ميلمسهاش كثير على قد ما يقدر ويرش ميا على وشها وتبدأ بعد مدة تفوق بالبطئ
هشام:بقيتي أحسن دلوقتي ؟
مريم :أمم....بس حاسه بشويه تعب
هشام:طب خدي الحبايه دي
مريم :كبايه؟ دي بتاعه حساسيه؟
هشام:لأ دي دكتور كاتبهالك يلا خديها
مريم:إي دكتور بالظبط يا هشام ؟
هشام بتردد:الدكتور.....متخافيش،الدكتور الأول اللي ضمضلك الجرح
مريم:هو ضمضلي جرح في أيدي الدوا ده ايه دخله؟ جبته منين ؟
هشام بتفكير:لما كنت راجع جبت ليا حبوب صداع وافتكرت انك بتدوخي لما تكوني زعلانه جبتهولك للاحتياط
تاخد الحبايه وهي بصاله بشويه شك وتتسند عشان تقوم وهو يحاول يساعدها بس ترفض وهو يفتكر كلام الدكتور
*************************
فلاش باك
الدكتور:بس خد بالك اوعي تعرف انها بتاخد مهدئ
بااااك
************************
مريم تنام وهشام يخرج ويروح على أوضه سيف ويدخل على طول
سيف بخضه خفيفه من دخوله المفاجئ يبتسمله
سيف:هشام ؟ اتفضل فيه حاجه؟
هشام:عايز اتكلم معاك تشوف بخصوص مريم
سيف:تقدر تقعد........وبيتهيالي مفيش حاجه نتكلم فيها بخصوص مريم
هشام:لا فيه ......انا عايز اعرف انت ليه اتخليت عنها
سيف:بس انا متخلتش عنها يا هشام
هشام:لا اتخليت لما كانت مفكراك هتقف ضد أحمد وتحميها جيت انت وبكل بساطه سبتها
سيف:وانت مفكر أنه موضوع بسيط عليا
هشام:وطالما هو واجعك كدا ممنعتوش ليه
سيف:ومين انا عشان اتدخل بين اثنين ...... بيحبوا بعض (انت غبي ياااض صح😒)
هشام:انا مش مصدق!! انت ؟ انت اللي بتقول كدا وانت عارف كويس أنها بتحبك انت مش هو
سيف:اه انا عارف بس انت تعرف؟ تعرف أن انا سبب كل مشاكلها مرة عملت حادثه بسببي وبسبب كدبي عليها انا مش هخلف بوعدي واكرر غلطي تاني عشان مصالحي الشخصيه انا السبب في وجعها طول ما انا جنبها
هشام:طب وعرب انت أنها تعبانه أكثر وانت بعيد عنها ....دي نفسيتها تعبت عارف لأي درجه !
سيف:(مش مهتم)....
هشام:لدرجه أنها محتاجه ممارسه مع دكتور نفسي يا سيف
سيف:(بصله بصدمه)....
هشام:بص بقا مريم مش طبيعيه بعد فراقك انت مش مهتم صح .....وانا كمان ممكن اقولك كلام تاني واحرضك ضددها وأنك تفارقها عارف ليه ؟ عشان بحبها يا سيف
سيف:(عيونه احمرت واتصدم جامد وكور ايده لحد ما عروقه ظهرت وباصص لهشام بتفحص وكأنه بيقول ،انت لو مش صاحبي كنت دفنتك مكانك،)......
هشام:ايوا بحبها  بس مش زيك خدت كل السنين دي على ما حسيت اتجاهها بمشاعر انا من لما شفتها وانا معجب بيها وباسلوبها وبكلامها وصعب عليا فراقها بس عشان انا عارف انها عمرها ما هتحب غيرك وانت كمان بتحبها وتعرف لما اتخطفتوا
سيف:(سيف ارتاح شويه ورخيت اعصابه لما هشام اكدله أنه مش هياخد مريم منه وأنه شاف صدق في كلامه فعلا).... هي حكيتلك
هشام:ايوا عارف الموضوع وكمان عارف اللي انت متعرفوش
سيف:لحظه ايه اللي انا معرفوش
هشام:اللي متعرفوش أن مم.......
ييجي صوت من وراهم
????:اللي متعرفوش ....
يبصولها الاثنين وهي تقرب شويه منهم
هشام بخفوت:مريم لا
مريم:اللي متعرفوش اني بكرهك ....اه بكرهك ومش بطيقك ولا بطيق اشوفك أو حتى اسمع بس سيرتك........
هشام قاطعها:لا يا سيف هي متعصبه بس
مريم:لا انا مش متعصبه بالعكس انا رايقه للكلام واوي كمان .......انا مش بطيقك ولا بطيق سيرتك حتى اني بكرهك انا في يوم عطيتك حبي وانت سبتني واتخليت .......مفكر ايه؟ أني هزعل؟ أو هوقف حياتي عليك؟ تبقى غلطااان انا ياخي بشكر ربنا أتى عرفتك قبل ما افضل أتوجع في حياتي اني بحب حد غير جوزي والمرادي مش بكدب عشانك ولا عشان ابعدك .....انا كل اللي في قلبي اتجاهك مخلوق في كلمه واحدة بس ب....ك.....ر.....هك...... وتعرف كمان لو لقيت كلمه في يوم من الأيام أكبر من بكرهك اعرف انه ده احساسى اتجاهك وعمري ما هندم اني خطيبه أحمد وهبقي مراته سامع هعيش عيشه مرفهة وكويسه يلا يا هشام انا مخنوقه هنا وانا بكلم واحد زي ده وشايفه وشه مش بطيقه
وتشد هشام ولسه هيخرجوا
مريم: وخلي بالك اوعى تفكر مجرد تفكير أن أسمي يتنطق على لسانك ال.......ولا بلاش😒 يلا يا هشام
يخرجوا وسيف يبص في الأرض
سيف:على الأقل مش هكون السبب في زعلك من بعد النهاردة وهترتاحي من مشاكلي انا اسف يا مم........
يوقف كلام وهو بيفتكر كلامها ويقع على السرير وراه بوجع جاااامح
سيف بعياط: ساااامحيينيي ارجوكي😔💔
********************
عند هشام ومريم
هشام:ليه عملتي كدا
مريم:انا اللي لازم أسألك ليه عملت كدا كنت رايح تقوله ؟ هو ده السر اللي وعد تحافظلي عليه ......يا هشام انا قلتلك قبل كدا المرة دي مش عشان خايفه على مشاعره المرة دي عشان انا عارفه ان واحد زيه هيعايرني ويبتذني
هشام:لا يا مريم هو عمل كدا بس عشان مش عارف......
مريم قاطعته:كفايا يا هشام كفايا.....متحاولش تبررله ده ميستاهلش تفكيرك واهتمامك
هشام:وميستاهلش كرهك له يا مريم هو بيحبك والله بيحبك بس هو مش عايز........
مريم بزعيق:كفاااايااااا .......كفايا يا هشام كفايا متكملش ......
مريم تحاول تهدي في نفسها بعدين تتكلم
مريم:اللي افهمه منك أني الغلط وهو الصح مش كدا...........طب انت ليه هنا معايا يلا روحله وسبني واقف معايا ليه ؟ يلا روح الحق بس اللي يستاهل تقف جنبه عموما انا تعبانه وهنام وانت شوف في رأيك مين الصح وخليك معاه بس خلى بالك انا عمري ما كذبت عليك في حاجه وكل حاجه حكيتها لحد دلوقتي هي الصح يلا انا هنام وانت تقدر تروح وتفكر
وتروح على سريرها وتفرد البطانيه
هشام:يا مريم حاولي..........
مريم:هشام انا فعلا تعبانه ولازمني راحه سبني دلوقتي لوحدي
هشام يلف وشه ويخرج وهي تفرد جسمها على السرير وهي حاسه بوجع في كل ذرة فيه وعضمها تقلان ومش قادرة تقف أكثر من كدا لحد ما تروح في النوم،الليل هل عليهم ورهف راحت لمريم بتصحيها
رهف:مريم حبيبتي اصحى يلا
مريم بصوت نايم:نعم يا رهف عايزة ايه
رهف:بقالك حبه حلوين نايمه وعايزة اغيرلك على الجرح
مريم:لا يا رهف مش عايزة سيبيني أنام
رهف:لا مينفعش كدا هيوجعك أكثر للدم تبدلي الشاش ده ونشوف لو فيه تحسن أو حاجه
مريم وقعدت:يا رهف حتى لو مفيش تحسن عادى هيحصل ايه يعني؟
رهف:.........
مريم:هتسمم يعني ..........بلاش عشان متزعليش هو مش بيوجعني حتى الشاش ده مش لازم في حاجه انا بس حطاه عشان الحرق شكله مش لطيف وايدي مشوهه غير كدا ملهوش إي 60 لازمه
آه صح انتي قلتى بقينا بليل يلا خدى العلبه دي من هنا وأنا هقوم أجهز عشان الخروج والبتاع دي محدش محتاجها ابقى ارميها في أي حته
وتقوم من جنبها ورهف مقهورة على حاله صاحبتها ......ويخرجوا وفي الطريق
هشام:غيرتي على الجرح ولا لأ
مريم:.............
هشام:مغيرتيش على الجرح ليه
رهف:قلتلها وهي مردتش فضلت تقول كلام رخم زيها
مريم مش بترد وماشيه جنبهم بسرحان
هشام:ياااااربي مش هتبطلي سرحان شويه
مريم تفوق:وانت مش هتبطل رخامه شويه
هشام:الرخم اللي كلامه رخم ورهف قالت انك قلتى كلام رخم يبقى انتي الرخمه
مريم:مش عارفه مالي من لما خدت الحبايه منك وانا حاسه ان حيلي مهدود ومنعوسه على طول
هشام بارتباك:إحم جايز عشان عيطتي كتير بعد اللي حصل
رهف:هو ايه اللي حصل
مريم:كنت عايشه في كابوس وفقت منه ده اللي حصل
رهف:كابوس ايه انا مش فاهمه حاجه
مريم:هو انا مكتوب عليا اسالوني يا جماعه انا دفتر مفتوح وهجاوب على إي سؤال من مجرة ثانيه
هشام:لا بس معروف عليكي اننا صحابك وخصوصي انا
مريم:سبحان الله كل واحد وادري بنفسه
هشام:كل واحد وادري بنفسه؟ ايه الرخامه دي  
مريم:مش ملاحظين أن كلمه رخامه اتقالتلي كتير النهاردة
هشام:وتتوقعي ايه تاني لواحدة رخمه زيك
مريم اتجاهلته: البحر هناك اهو بس مش المفروض سوق الهدايا الأول
هشام:لا المرادي هنبدأ بالبحر وهناخد المشوار عكس
مريم:ما علينا انا هروح بقا أقف هناك أصلا اليوم ده رخم وطويل اووي حاسه أنه عدى 3 أيام مش يوم بس
.....وتروح وكل ده وأسر سرحان بيفتكر لحظاته مع رهف دايما وطول السنين اللي فاتت وخصوصي الفترة الأخيرة وبيختلس النظر ليها بين كل وقت والثاني ،مريم واقفه باصه للبحر والقمر معكوس في الميا
مريم بسرحان:انت ليه بعيد انت ليه شايل متى الدرجه دي ايه الغلط اللي عملته عشان متاخدنيش يارب ،عذبني خدني من على وش الأرض أو أموت مخنوقه أموت بمرض أموت من على مبني .........
مريم سكتت شويه تستوعب كلامها وبعدين غمضت عنيها بوجع
مريم:استغفر الله العظيم انا ايه الى قلته ده يارب سامحني واغفرلي يارب أنا عايزة رضاك وبس يارب خفف عني على قد ما انا عايزة اموت على قد ما انا مش عايزة أموت كافرة حتى بعد موتي انت ممكن تسامحني لأنك شايف عذابي واختبارك ليا الصعب يارب وايه اللي جابرني أقول الكلام ده انا كنت عارفه أنه ممكن لو معيطتش اموت ويحصلي انتكاسه وعشان عارفه كدا كويس عيطت عشان كان ده أشبه بالانتحار بس يارب ريحني وخدني عندك انا تعبانه يارب محدش حاسس باللي جوايا انا خايفه مقهورة وموجوعه وحيرانه انا بجد تعبانه ساعدني يارب أنا عايزة عيلتي تفضل سمعتها نضيفه وراسهم في العالي يارب احفظلي عيلتي كلها ومشوفش فيهم مكروه يارب ارجوك يارب ..........يارب❤
وبعد وقت ...........في سوق الهدايا

=سوري جدا جدا على التأخير وهكمل في أسرع وقت بس بشرط الاقي تفاعل ياريت
=يا تري ايه اللي هيحصل تاني
=ايه حكايه أسر ورهف اكيد عرفتوا؟ بس يا تري هتبقي علاقتهم ازاي وهتبدأ بإيه؟
=سؤال كل بارت مريم لمين في الآخر
.
.
.
.
.
.
.
#غمازات👑♥💎