العشق المنتظر

الفصل السادس عشر .....

العشق المنتظر(الفصل السادس عشر):
تقوم الصبح على صوت ضوضاء كبيرة
مريم بصوت نايم : ياربى ايه كل ده منبهات العالم كله فوق وداني اقفلوا بقاااا
وقامت واتبعت الصوت
مريم:يا تري الصوت ده منين
لحد ما رفعت الستارة اللي بتفصلها عن هشام وكانت الصدمه
مريم:ياااانهااااار اسووود .........ايه كل المنبهات دي دول حوالي 5 ليه الافتري داااا لا وكمان الثاني نايم ولا على باله اصحيه ازاي ده دلوقتي

وبعدين راحت وقفت قدامه وبتحاول تصحيه
مريم :هشام اصحى اصحى بقا يا بني انت
**************************
وبعدين بصت جنبها وابتسمت بخبث ووقفت فوق دماغه وكبت ازازة ميا فوق دمااغه
هشام واتنفض:ايه ده في ايه
مريم:وأخيرا صحيت يلهوووي
هشام:انتي بتعملي ايه هنا وايه اللي عملتيه من شويه ده حرام عليكي يا مفتريه
مريم:انا اللي حرام عليا بردوا انا اللي مفتريه ايه ده دي منظر مكان عايش فيه بني آدم لا دكتور كمان وليه أربع منبهات هاا ليه وفوق كل ده وده مش راضي تصحى وولا على بالك
هشام:هي الساعه كام دلوقتي
مريم: 6:30 والمنبه شغال بقاله ساعه اسفه ااصد المنبهات
هشام:واعمل ايه يعني ظابطهم عشان اعرف اصحى
مريم:اه ودلوقتي صحيت يعني ما انت لسه مصحتش انت بس صحيتني وازعجتني
هشام:ازعاج ؟ امال اللي انتي عملتيه ده اسمه ايه مريم :خدمه😌😌
هشام:خدمه!!!
مريم:ايوا مهو لولايا يا دكتور مكنتش دلوقتي صحيت
هشام:قصدك لولاكي مكنش النوم طار من عنيا
مريم:هي هياها بردوا في الأول والآخر صحيت
هشام:ادعى عليكي بإيه روحي يا شيخه حسبي الله ونعم الوكيل فيكي يا مريم يا بنت ........هو انتي اسم مريم ايه ؟!!
مريم: عاوزني اقولك اسمي عشان تكمل دعوتك ؟!!
هشام:تصدقي ص.......
مريم :تكرم☺....اسمي مريم محمد أحمد إبراهيم
هشام:احيه انتي عاوزة يتدعي عليكي انتي مستغنيه عن حياتك كدا
مريم:ايوا
هشام ووقف:طيب يلا ياختي عشان نروح البحر
مريم بصدمه :هو المخيم هيودينا !!!
هشام:امال يعني جايبينا عشان نتفرج عليه بالليل بس !
مريم:لا ااصد يعني اا.....
هشام:هو فيه مشكله ولا ايه
مريم:لا لا مفيش ه ..............هروح اجهز انا
هشام:اوك
مريم راحت أوضتها تجهز وهو كمان راح يجهز وبعدين خرجوا من الباب في نفس الوقت ومشيوا عند رهف وأسر اللي هم كمان في نفس الاوضه (رهف عملت زي مريم قبل النوم وحطت سيتارة بينها وبين آسر عشان تعرف تنام براحتها)
مريم راحت لرهف
مريم :رهف قومي يلا يا بنتي
رهف بصوت نايم:عايزة ايه دلوقتي يا مريم
مريم:قومي يلا عشان رايحين البحر
رهف واتنفضت :ايه هو البحر دلوقتي !!!!
مريم:اه هشام اللي بيقول يلا خلصيني بقا
رهف:خلاص ياختي اقفلي منبهك فقت خلاص
مريم :حتى في نومك رخمه
رهف:ميرسي😌😂
مريم:العفو ياختي قومي بقا
وقفت رهف بسرعه ونطت من على السرير
مريم بتريقه:ايه النشاط ده كله
رهف:مهو بسبب حضرتك يا دكتورة فين هشام ؟
مريم:راح يصحى صاحبه ااصد آسر يعني
رهف:هشام ؟ ويصحي؟ هو فيه ايه ده عشان متأكدة؟
مريم: هههههههه اصلك متعرفيش مكبوب عليه ازازة ميا كامله عشان يصحى
رهف:يخربيتك ؟ !!!😳 انتي اللي عملتي كدا !
مريم:ومين غيري يعني .........امممم شفتك عملتي حاجز بينك وبين آسر زيي😂😂
رهف:اه😂 ............. مقلتيليش هشام عمل ايه
مريم: ولا حاجه طيرت النوم من عينيه فقام ولبس (وحكيتلها)
مريم:بس وهو ده اللي حصل
رهف:ههههه وسكتلك ؟
مريم:هيعمل ايه يعني ميستجرش يتكلم بحرف
رهف:ماشي ياختي راحه ألبس عشان هنتأخر
راحت تلبس وخرجوا قابلوا هشام وأسر
آسر:أهلا يا شباب صبحكوا عسل
رهف:أهلا ياخويا
هشام:يلا ننزل ولا ايه 😂 ده انا مستني البحر من زمان
مريم بخفوت:انت دايما مستعجل كدا
هشام وسمعها:اه مستعجل واوي كمان
رهف:بطلوا شكل بقا
هشام:يلا ياختي
رهف:ياختي ايه الاحترام ده
هشام:بت انا رايق النهاردة متبوظليش مزاجي عشان مبوظلكيش وشك الحلو ده
مريم:يلا يا رهف ولا ايه
هشام بتريقه:هههههه ايه الاستعجال ده
مريم:مش هرد عليك اصلا خليك فى كوزك لما نعوزك
رهف:هههههههه
مريم :يلا يا بنتي زمانهم اتحركوا برا المخيم اخلصي
هشام:انتي كل دقيقه بوش مختلف
***************************
وراحوا على البحر مع الطلااب ونزلوا الميا بسرعه كلهم ما عدا مريم
رهف:مش هتنزلي ؟
مريم:لا روحي انتي هفضل هنا
رهف :اوك زي ما تحبي
مريم قاعدة على الشط خرج هشام من الميه
هشام:مش هتنزلي ولا ايه ؟
مريم:لأ
هشام:طب ليه انتي جايه تقعدي كدا
مريم:انا مش عاوزة انزل وخلاص
هشام:امال كنتي مستعجله على ايه
مريم:انت عاوز ايه هاا ؟ مش من زمان مستني البحر ؟ اهو قدامك حصل ايه دلوقتي
هشام:بس يلا انزلي معايا
مريم:لا بخاف مش بعرف أعوم
هشام:طيب متخافيش تعالى اركبي موجه واحدة وبعدين اخرجي
مريم:انت مجنون ؟ بقولك مش بعرف أعوم
هشام:لا هتدخلي وهنركب موجه مع بعض كمان
وشدها من ايدها دخلها معاه
مريم صرخت :سيبني يا هشام هغرق والله مش بعرف أعوم ونبي خايفه
هشام :متخافيش انا معاكي هدى نفسك واسترخي خااالص
مريم:لا ونبي سيبني أخرج بقا
هشام:اركبي هنا
مريم:لا سبني أخرج
هشام:لو مركبتيش هسيبك في نص الميا وهكمل
مريم :لا خلاص بس خرجني بقا اديني ركبت
****************************
هشام خدها ودخل بيها لجوا
مريم:خرجني بقولك هغرق انت ليه مش فاهم هشاااااااااام
*صرخت بعد ما شافت موجه عاليه اوووي بتقرب منهم وغمضت عنيها بس وهي بتفتحهم لقيت نفسها راكبه الموجه خافت وفضل قلبها يدق بسرعه من شدة خوفها
..........هشام خرج بيضحك بعد ما بقي قرب الشط هشام بيقلد صوتها بتريقه:هغرق هغرق ايه اللي حصل دلو.......مريم مريم انتي فين
بص حواليه مش لاقيها
هشام:معقول تكون في الميا ؟ رهف شفتي مريم ؟
رهف :لا كانت على الشط هنا
هشام:لا ما انا اخدتها وركبنا موجه وهي كانت خايفه لتغرق بس انا.........
وقف كلام بصدمه ودخل الميه بسرعه بين الناس وغطس لتحت ولقاها تحت الميه مغمي عليها راح عندها وطلعها بسرعه وجريت عليها رهف
رهف:مريم حبيبتي فوقي مالك يا مريم حصل ايه يا هشام
هشام :صحيها الأول كانت تحت الميه
رهف:احيه زي مش بتعرف تعوم خالص
هشام:ما انا عارف بس مش للدرجادي
رهف:لا للدرجادي مش بتنزل الميه خالص
****************************
وفضلوا يصحوا فيها لحد ما فاقت
رهف:انتي كويسه
مريم بتعب:اه بس شويه تعب
رهف :ايه اللي حصل
مريم :كنت راكبه الموجه وبعدين من شدة خوفي حسيت بدوخه ووقعت في الميا معرفتش اخد نفسي وبعد كدا محستش بأي حاجه حواليا
هشام:انتي عندك دوار بحر ؟
مريم :لا بس لما بخاف أو ازعل اوى بدوخ جامد بس انا دوخت مش اكتر والميا اللي شربتها كملت عليا وانت السبب
هشام: انا اسف بجد مكنش قصدي
مريم :ولا يهمك جيت سليمه
المرشد وجه :دكتورة مريم انتي كويسه ؟ حصل ايه
هشام : أنا.........
مريم قاطعته:ولا حاجه كنت بعوم وجيت موجه عاليه فاجأتني
المرشد:لو تحبي نرجع المخيم ترتاحي
مريم :لا لا مفيش داعي انا كويسه حضرتك بقيت أحسن وبخير
مرشد :متأكدة؟
مريم:ايوا☺
المرشد:عموما لو حسيتي انك عاوزة ترتاحي هجمع الطلاب ونرجع المخيم
مريم:أن شاء الله
ومشى المرشد......
.
.
.
.
.
.
.
.
.
.
.
¤اعزروني يا جماعه البارت ده قصير حبتين ومفيش فيه جديد بس كل الجديد بإذن الله في البارت الجاي...
¤ايه توقعاتكوا للبارت الجاي...
¤ رأيكوا يهمني.....
.
.
.
.
.
#غمازات👑♥💎