العشق المنتظر

الفصل الثالث والعشرين...

"بليز يا شباب تعملوا فولو عشان يوصلكوا كل جديد وتسيبوا كومنت احس بوجود دعم وانتظار من متابعيني وشكرا جدا للابدأ برايكم الجميل ده"❤❤🌹

****************************
وقفنا المرة اللي فاتت لحد ما شخص غريب كلم مريم  وهي كانت حالتها صعبه وطلعت تجري على اوضتها وهشام استغرب وطلع وراها فضل يسألها لحد ما زعقت فيه لأنها كانت متعصبه ومتوترة جدا
*************************
مريم بنبرة عياط:عايزني اقولك ايه يا هشام بس ده غلطه عمري ده خطيئتي دنيا وآخرة وكل حاجه سودا في حياتي ده يبقى .....
هشام:سكتي ليه يا مريم كملي
مريم:هشام ده ..........ده يبقى احمد
***********************
وكأن تلج انكب فوقه وكانت صدمه له،هشام اتعصب وفضل يضغط على أيده لحد ما عروقه ظهرت والدم غلي جواه ووشه أحمر
هشام:أحمد ده اللي هو خطيبك؟
مريم:ايوا للأسف هو
هشام بنرفزه:وديني لاموته
وراح ناحيه الباب بسرعه بس مريم منعته بسرعه
مريم:لأ ونبي يا هشام متمسكش فيه
هشام:ابعدي يا مريم عن سكتي دلوقتي
مريم:لأ يا هشام انت مش قده بلاش
هشام:انتي مفكراني خايف من الحيوان ده
مريم:يا هشام ارجوك كفايا اللي أنا فيه وخوفي من سيف لما يشوفه أنا بحمد ربنا انه محضرش الاجتماع ده لو سمحت أهدي أنا فيا اللي مكفيني
هشام بصلها وشاف خوف وخنقه في عيونها وعلى ملامحها هدى نفسه شويه وبعدين
مريم:اوعدني انك مش هتمسك فيه ارجوك زي ما وعدتني انك مش هتخلي سيف يعرف حاجه عن اللي عمله😔😔💔
هشام:لا مش هو..........
مريم قاطعته:وغلاوتي عندك يا هشام عشان خاطري بلاش تواجهه
هشام:خلاص يا ستي اوعدك بس لو حاول بس يتعرضلك ها.........
مريم:أنا مش هسمحله ويعرف اوجهه كويس متقلقش
هشام ناطق الجو:طب يلا نروح علي المطبخ ولا ايه 
مريم :روح وأنا هحصلك
يخرج هشام ومريم تدعى في نفسها كتير وتغسل وشها وتهدي
مريم:يا ترى دي صدفه ولا من ورا وجوده هدف معين استر يارب
وبعدين راحت على المطبخ وهشام وأسر واقفين سوا ورهف راكنه في جنب لوحدها ضحكت على منظرهم ودخلت فجأه وهي بتتكلم
مريم: منظركوا وكأننا في مستشفى وفي حاله في اوضه العمليات وهي أنا بس ياتري لو أنا بعمل عمليه هتقفوا ليا كدا وتدعولي
هشام:ايه رأيك نحاول هعطيكي بوكسين تجيبي شويه دم ونوصلك أوضه العمليات وأنا مستعد
يقرب منها وهو بيشمر كمامه تضحك وتتخطاه وتروح ناحيه البوتاجاز وهي بتربط ديل بلوزتها حوالين وسطها عشان طويل
مريم:لا شكرا يلا نبدأ ولا ايه
هشام:هههههه انتي عملتي كدا ليه ناويه تنزلي ترعه ولا حاجه
أسر:هههههه بس يا هشام أنا مش شايف ترع هنا
مريم:هه ظريف أنت وهو اوى على فكرة ودمكوا خفيف صح يا رهف مبتضحكيش ليه
رهف:........
يروح عندها أسر وهو بيضحك ويحط أيده على كتفها
أسر:ههههه لا سيبي رهف بالبوز الطويل ده
تبصله رهف بقرف وتبعد عنه وهو دراعه وقع وكان هيتكعبل ويبصلها بصدمه
رهف:يلا يا مريم هساعدك
أسر:تطبخي!! نكته الصراحه بس متضحكش
هشام:يااااا أسر اتصل بالمطافي ولا كفايا أزازة ميه
آسر:هههه
مريم :يا خفيف منك له بطل بقا لتزعل منكوا
هشام:انتي مش شيفاها زعلانه اصلا من غير سبب
مريم قاطعته:لا مش من غير سبب عشان بوكس الشوكولاته اللي سرقتوه
هشام:ولو....دي مجرد شوكولاته مش حاجه عشان تبوزلنا كدا وبعدين مش سارقه ده بتاعي اصلا
مريم:لا كان بتاعي وانا كمان زعلانه على فكرة بس هطبخلكوا عشان انا مش هخسر قدامك تحدي
هشام:طيب يلا ياختي اطبخي
مريم:مش هطبخ هنطبخ ومع بعض
هشام وأسر:ايييه!!
مريم:اه هتطبخوا مش بمعنى الكلمه بس يعني هتساعدوني شويتين كدا
هشام:واحنا مالنا اهي معاكى رهف تساعدك
أسر:اه فعلا مش مكفياكي انتي وهي احنا ماشين يلا يا هشام
يمشوا بس مريم تقف قدامهم وتقفل الباب
مريم:لا هتفضلوا وتساعدوني يا كده يا اما مش هطبخ وهاخد رهف ونمشي
هشام:خلاص بقا بطلي هبل أحنا مالنا شباب بالمطبخ وبتاع
مريم:آاه انت قصدك تقول ان البنات مكانهم المطبخ بينما انتوا تقعدوا وتحطوا رجل على رجل واحنا نجيبلكوا الأكل لحد عندكوا
أسر:ايوا بالظبط كدا
مريم بزعيق:تك اوه
يتخض أسر ويضحك هشام عليه
مريم:بتضحك على ايه انت راخر هتساعدوني عاجبكوا ولا أنا ورهف هنمشي من هنا
هشام:انتي هتتحججي ولا ايه خلاص هنساعدك اتفضلي يا انسه مريم المطبخ بيرحب بيكي
أسر:انت صدقت ؟ دي هتمرمطنا
مريم :متخفش هحاول أكون طيبه معاكوا على قد ما اقدر
أسر:شفت!!
هشام:يلا يا شيف مريم بانتظار ابداعاتك
مريم:طيب هطبخلكوا ايه قولولي على طبخه
هشام:اممممم لقيتها اسمهاا!.....اممم اه افتكرت ....كشري مصري بصراحه نفسي فيه بقالي كتير اوى مكلتش منه لأني كنت مسافر
مريم:نعمم يعني انت جبت أصعب أكله وعاوزني اطبخها!!شوفوا أكله غيرها
هشام:لا انتي قلتى اشوفلكوا أكله يلا جهزيها مش هاكل غيرها عشان مشتهيها جدا وياستي لو حصل حاجه شرايط الحبوب هنا اهي للاحتياط
تبدأ مريم وبعد شويه
مريم:هاتيلي طماطم من التلاجه يا رهف
رهف:حاضر
مريم:هشام هات منها الطماطم واغسلها
هشام كان بيلعب في الفون ومندمج أوي وكان قاعد على الرخام يغز أسر في دراعه ويزقه
هشام:مسمعتش بتقولك هات طماطم واغسلها يلاا قوم
أسر:حااااضر قايم خلاص ايه الرخامه دي .....هاتي يا بنتي الطماطم
رهف تبصله بقرف وتمشي وتسيب الطماطم على الرخام يتصدم أسر من تجاهلها
أسر :خدي يا مريم
مريم:هات يلا
وبعدين تقطعهم وتبدأ تكمل اللي بتعمله وبعد دقايق
هشام:خلصي البتاع ده عيني اتعصرت
أسر:أنا رايح التواليت
هشام:استني.........اهو خلع وسابني معاكى
مريم:اعملك ايه يعني مش انت اللي عاوز كشري أشبع بقا
هشام:ابعدي كدا اغسل وشي
مريم:يستحسن بلاش
هشام:ليه يعني عاجبك منظري ده
مريم:لا يا ظريف هتحرقك أكثر فهمت دلوقتي
هشام:ملكيش دعوة أنا حر......اااااه
مريم:قلتلك بلاها خلاص كفايا ميه يا ابني كدا عيونك هتوجعك أكثر
وقفلت الحنافيه وعطيته فوطه
مريم:خد دي حطها على عينك
هشام:دي مبلوله هنشف بيها ازاي دلوقتي
مريم:امسكها حلو بس .....حطها على وشك هتخفف الحرقان ده
هشام:طيب وانتي عاجبك منظرك كدا وانتي وشك كله دموع
مريم:لا يا فصيح بس البصل ده بيخلي عنينا تدمع وبتخرج كل الميكروب اللي فيها وبيقوي النظر
تروح تكمل ورهف تجيلها بعد وقت
مريم:اتاخرتي ليه؟ عرفتي مكان الخلاط؟
رهف:اه اهو كان هنا في الدولاب ......بس انتي عاوزاه ليه
مريم:عشان هخلط دول مع بعض واسبك الطماطم كمان وعشان الخلطه اللي ماما بتعملهالنا يعني شويه حاجات كدا على بعض
هشام:احيه انتي بتكركبي كله فوق بعضه عشان تخلصي مننا وخلاص
مريم:لا يا فصيح كان قصدي من خلط بهارات معينه بمقادير معينه
هشام:طيب ياختي بطلي فلسفه وخلصي شغلك
وتكمل مريم وهي مشغله الخلااط
هشام:جااالي صداااع يااا مرياااام اقفلي البتااع دا
مريم:ايه ايه قفلت .......فيه ايه
هشام:جالى صداع بطلي واركنيه على جنب البتاع ده
مريم:اعمل ايه يعني حايين تاكلوا الأكل مش مستوي؟
أسر:لأ طبعااا
مريم:خلاص يبقى تسيبوني اشوف شغلى
مريم:يا رهف تعالى امسكي ده لحد ما اقلب المكرونه
وبعد شويه وقت
رهف:مريم تعالى كدا شوفي خلاص ولا ايه
مريم:لحظه.........اه كدا كويس برافو عليكى
أسر:برافو على ايه هى عملت ايه يعني كل اللي عليها شغلت الخلاط
مريم:ودي حاجه تافهه صح ؟
أسر:صح
مريم:طب ما تيجى تشغله انت ونشوف شطارتك
أسر:وماله ماجيش ليه
مريم:بس لو حصل إي ضرر انت اللي هتصلحه جاهز!!
أسر: جاهز يعني هو أنا داخل على حرب عموما يلا أول ما أسر يقرب من الخلاط تشد مريم رهف وهشام بعيد لآخر المطبخ وأول ما أسر يشغل الخلاط بووووووم ........
يطير الغطا بالطماطم واسر يتنطر لورا بخضه ومريم تروح تمسك قماشه وتقفل الخلاط وبعدين تفطس ضحك على أسر
أسر:احيه لا بجد أحيه
هشام:يخربيتك ده كان هيموت فيها
رهف مقدرتش تمسك نفسها من الضحك وابتسمت على منظر أسر اووي وهو غرقان طماطم
مريم:وأنا مالي هتخرب بيتي ليه انا حذرته وهو مسمعش الكلام
أسر:والله ما أنا قاعدلكوا فيها
مريم:رايح فين يابا انت قلت هتستحمل الاضرار خليك قد كلمتك زي الراجل الشاطر كدا ونضف اللي بوظته ده
وراحت مريم تكمل طبخ وأسر راح غير ونضف اللي بهدله ورهف كل ما تعدي من جنبه تضحك اوى بس تحاول متبينش وهو لاحظ في مرة وابتسملها أنها اخيرا ضحكت بعد يوم طويل وهي تتحرج وبسرعه تروح تستخبي عند مريم وتتلهي معاها وبعد وقت ....أسر راح عند هشام اللي كان بيسمع ميوزيك ومندمج وزقه جامد وقعد مكانه على الرخام وكان هيوقعه
أسر:وسع كدا
هشام:براحه يا عم هقع
أسر:اعمل ايه يعني نضفت المطبخ لحد ما اتقطم وسطي أنا ؟ أنا بتاع مسح وتنضيف
مريم وقربت:وليه لأ زيك زينا اطبخوا ونضفوا ناقصكوا ايد ولا رجل
أسر: نقطينا بسكاتك ده اللي أمي معملتوش فيا انتي عملتيه لحد ما علمتيني أنا وامي الأدب
مريم:براحه بس ومتغلطش معايا بالكلام احسنلك
أسر:عشان مغلطش فعلا همشي            (ومشى)
مريم:أحسن بردوا يا أسر وفرت طبق اهو ناكل ونشبع بردوا
هشام ووقف:ارتحتي لما طفشتي واحد فينا
مريم:اه عقبال الثاني لازق مش بيتحرك
هشام:أنا لازق لازق معاكى متزهقيش بسرعه
مريم:خليك فى اللي معاك
هشام :اه معاكى حق الميوزيك أهم منك
وقعد تاني وحط السماعات في ودانه يسمع
رهف:مريم تعالى كدا بسرعه
مريم:جايه اهو ......وريني كدا
رهف بيأس:معقوله ولعت
مريم: لا متقلقيش ........ايه ده نسيت العدس..
رهف:اهو جنبك
مريم:اه شكرا......بس ايه الهمه والنشاط دول
رهف:ولا همه ولا حاجه بس افتكرته فجبته ....هروح اجيب توم سألت وقالوا في المخزن مفيش هنا
مريم:ماشي وأنا هشوف فيه ايه فاكهه هنا عشان استاذ هشام عاوز فاكهه جنب الأكل دايما
رهف تمشي ومريم تروح ناحيه الفاكهه وهشام يقرب جنبها
هشام:ايه ده بتعملي ايه
مريم:بشوف عندهم ايه لقيت عنب وبلح وبطيخ
هشام:بلاهم دول شوفي هنا فيه تفاح وموز هاتي منهم
مريم:ماشي بس هجيب من دول كمان عشان اللي يعوز
********************************
عند رهف جابت وراجعه في طريقها للمطبخ يسحبها شخص
رهف:انت ؟ ...انت عاوز ايه واساسا بتعمل ايه هنا
أسر:هششششش كفايا دوشه أنا جاي اقولك على حاجه
رهف:وأنا مش عايزة اسمعك
أسر:ايه كل ده يا رهف كل ده عشان الشوكولاته أنتي عمرك ما عاملتيني كدا
رهف:وانت ايه حشرك اصلا انا حره وبعدين واقف ومعطل نفسك ليه ما تروح لست هبه اللي كنت واقف معاها الصبح وبتضحكوا وبتتكلموا سوا ومع بعض في البحر كمان
اسر:هبه!! دي كانت عاوزة تعرف مكان المطعم عشان أول يوم ليها هنا مجتش معانا وساعه البحر قابلتها صدفه بس
رهف:وانت بتحكيلي قصه حياتك ليه هاا هاا أنا مااالي
اسر:طيب اسمعيني عشان خاطري
رهف:اممم اتفضل عاوز ايه
أسر:عاوز اقول اني .....رهف انا....اا.....أنا....ان......
رهف:انت ايه يلا مش فضيالك
أسر:حاضر
رهف مستنيه على نار وعيونها فيها لمعه جميله
أسر:رهف انا .....أنا اسف
(سلم على الشهدا اللي معاااك) ،رهف تنصدم جامد وتفضل مبحلقه
رهف:هو ده اللي عاوز تقوله؟
أسر:ايوا بصراحه هو انتي كنتي مستنيه حاجه تاني ؟ انتي عرفاني مش بعرف اتأسف لحد بس انتي اعز أصدقائي مقدرش اسيبك زعلانه
رهف:طب اوعى بقا امشي
وزقته ومشيت شويه
اسر:اه وعلى فكرة ضحكتك النهاردة في المطبخ على منظري بتاع الطماطم كانت قمر اووي وانتي كنتي اا.......اا......جميله اوى
رهف تكمل براحه في طريقها وتبتسم اووي وبعدين أول ما تختفي من قدامه تفضل تنط وتطلع تجري على المطبخ
******************************
عند مريم تروح تجيب طبق ولسه هتمد ايدها لمكان الفاكهه ايدها تقف وتبحلق بصدمه والطبق يقع من ايدها يخض هشام
هشام:في ايه يا بنتي خضيتيني
تطلع تجري بسرعه برا المطبخ وهو يقلق ويروح وراها بسرعه
استووووووب

*أنا مش هيأس من موقف اللي حصل النهاردة ولسه زي ما أنا مهو أنا مش اى حد عشان يجيلي إحباط أو انكسر لما كل تعبي يروح مرة أنا مؤمنه جدا ان ربنا له حكمه في الأمر ده وأنه ربنا مش بيضيع تعب حد على الفاضي غير أنه لازم اسعي على حلمي وهقابل عواقب ومشاكل الدنيا مش كلها وردي*

=يا تري مريم شافت ايه ؟
=ايه اللي هيحصل في الباارت اللي جاي؟
=سؤال كل باارت!مريم هتبقي لمين في الآخر

#غمازات👑♥💎