العشق المنتظر

الفصل التامن....

العشق المنتظر (الفصل التامن):

في اليوم الثاني راحت مريم دروس كتير ورا بعضها وكان يومها طويل وبعد آخر درس كان الليل حل ......مريم في طريقها للبيت طلع عليها 3 شباب وحاولوا يقربوا منها وهي بتبعد عنهم بس حاصروها من كل مكان ومفيش مهرب منهم شدها واحد منهم غصب عنها وحاول يضمها بالقوة مريم زقيته بعيد وضربته بالقلم فاتعصب جدا ورفع ايده لكن مسك حد ايده وهي في الهوا .......ايوا فعلا كان سيف مريم كانت مغمضه عنيها ولما فتحت شافته وهو بيضرب فيهم مرة ورا الثانيه لحد ما ظهر واحد من وراه ضربه على راسه وهربوا ال3 وسيف وقف ماسك دماغه وبيتألم مريم سندته وقعد على رصيف وهي جنبه
مريم بخوف: بتتوجع ؟ اكيد ضربوك بقوة اقعد
سيف: خفتي عليا 😃؟..اااه وبعدين يعني أكيد ضربوني بقوة هم هيلعبوا معايا مثلا
مريم :ده وقت هزار؟!! ثانيا مخفتش انا بس...
سيف: انتي بس ايه ؟
مريم : أنت انقذت حياتي وبعدتهم عني ولازم .......
سيف قاطعها : ولازم تشكريني صح مش ده ....انتي مبتزهقيش من الكدب ده ليه مبتقوليش الحقيقه
مريم سابته ووقفت: إي حقيقه مفيش غير أن شويه عيال حاولوا يقربولي وأنت انقذتني وا....
سيف قاطعها: والله ! ده كل حاجه نسيتي اللي بينا.......
مريم قاطعته: ايه اللي بينا هاا مفيش حاجه بينا انت بس جاوبي لو انت ماشي في الشارع وشفت بنت وشباب بيضايقوها هتعمل اللي عملته من شويه ده ولا لأ
سيف:لحظه......اا....
مريم قاطعته: أنت اللي لحظه هقولك كنت هتعمل كدا كانت صدفه مش اكتر
سيف:لكن دي مش صدفه ابدا انا كنت ماشي وراكي
مريم:ايه؟! وليه ؟؟
سيف : انا بعمل كدا دايما
مريم: يبقى تبطل تعمل كدا
سيف: بس ليه ؟
مريم: عشان انا بقولك بطل
وسابته كالعادة ومشيت ورجعت البيت فتحتلها مامتها
سعده: مريم كنتي فين اتأخرتي كل ده ليه
مريم :مفيش يا ماما بس شباب كانوا بيضايقوني وفيه حد ضربهم وبعدهم عني
سعده: ومين الشخص ده
مريم: واحد كان معدي وشافهم واتخانق معاهم وبعدين هربوا .....هنام انا عشان هبطت تصبحي علي خير يا مامتي♥
مريم راحت تنام وأثناء نومها شافت كابوس وقامت مخضوضه وفضلت طول الليل صاحيه ومش عارفه تنام ......عدي يومين على الحال ده
*مريم راحت تزور صاحبتها وفي طريقها لبيتها بعد وقت حد سحبها جوا بيت بوابته كبيرة وطبعا كان أحمد لأن البيت ده كان بيته*
مريم: أنت اتجننت ازاي تسحبني بالطريقه دي ؟!!
أحمد :المهله اللي عطيتهالك خلصت قولي ردك والا هروح واقول ل.......
مريم قاطعته :خلاص كفايا تهديدهات انا مبخفش عايز تعرف ردي صح؟ طب اسمع موافقه اتجوزك وهعرف اهلي بموافقتي تمام
أحمد بفرحه:انا مش مصدق يا مريم بجد انااا .....
مريم قاطعته: لحظه بس ...انا اه وافقت بس من هنا للفرح متضايقنيش وياريت مشوفكاش خالص
أحمد: قصدك ايه ؟
مريم: أنت عارف كويس اني مجبرة على الجوازة دي .......باي هتأخر واياك تسحبني بالطريقه دي تاني
وخرجت من البيت ناحيه بيتها وكان سيف ناحيه هناك عدت من جنبه فمسك ايدها وقفها بس هي حطت ايدها على ايده وبعدتها وكملت طريقها وصلت لاوضتها وقفت الباب كويس وفضلت تعيط وتعيط كالعادة مفيش وراها غير الحل ده هي ضحت بحب عمرها عشان خاطر أهلها اللي عشانهم مش بس تضحي هي تفديهم بروحها دول أهلها ولازم تصون شرف عيلتها مش توسخ شرفها وشرف اهلها في الطين لازم أهلها دايما يكونوا رافعين راسهم وكرامتهم فوق الكل حتى لو على حساب سعادتها
....باب الاوضه خبط بعد دقايق وكان والدتها
سعده : عاوزة اتكلم معاكى وجاوبي بصراحه
مريم: مالك يا مامتي بدأت اقلق
سعده:انتي موافقه على الجوازة دي بارادتك الكامله؟
مريم : ماما ليه السؤال ده ؟
سعده:جاوبي بصراحه موافقه علي الجواز بارادتك ولا مجبرة؟
مريم بارتباك: يا ماما انااا.......
سعده: جاوبي يا مريم
مريم : ايوا يا ماما موافقه وباردتي الكامله هتجوز أحمد
سعده: الحمد لله ريحتيني ربنا يهنيكي يا بنتي 🌹
مريم : متقلقيش يا ماما انا دايما هفضل اصون اهلي ومش هخلي حد يسئ ليهم لحد الموت
سعده: بعد الشر عنك يا بنتي ربنا يديمك في حياتنا ويطولي في عمرك
مريم : وانتي كمان يا مامتي
سعده: يلا ارتاحي دلوقتي
.....مريم راحت السوق وافتكرت كل الأحداث وهي راحه ووهي جايه سيف كان واقف مع صحابه واتقابلت عيونهم وهي مشيت حزينه
سيف في نفسه: عارف انك افتكرتي كل حلو ووحش لما اتخطفتي😔💔
وفي اليوم الثاني صحيت مريم على ضوء الشمس وهي بتفكر في سيف في نفسها
بتقول: انا مش هنساك أبدا أنت كل حياتي لكن انا بعمل كدا عشان تعيش حياتك مرتاح من غير مشاكلي وتنسي الماضي ...بتمنالك حياه سعيدة😢❤
خرجت مريم من بيتها وشافت سيف كالعادة بس اتجاهلته وكملت طريقها بس هو جري وراها ومسك ايدها حاولت تتجاهله بس معرفتش
سيف : دقيقتين بس اسمعيني وبعدين هسيبك تمشي براحتك ...
مريم وقفت وبصت في الأرض وهو ساب ايدها
سيف: النهاردة الجمعه وسمعت أنه في فجر اليوم ده الدعوات بتكون مستجابه انا سهرت لحد الفجر ودعيت انك تيجي قريب وتقوليلي كل اللي في قلبك وتصارحيني
مريم عينيها دمعت واتخطيته من غير كلام وهو سكت بس فاق على صوتها وهي بتقف قدامه
مريم: أتمنى تتحقق دعواتك
سيف بفرحه لأنه كان عاوز حافز منها وفعلا امله اتجدد قال: اكيد هتتحقق 😊❤
مريم مشيت حزينه : انا اتمنيت ان تتحقق دعواتك بس انت هتيأس لوحدك يا سيف والحب ده هينتهي مع الوقت وهتبعد لوحدك انا متأكدة ...
انا وصلت لهدفي وأنا عرفت دلوقتي مين هيمتلكني ومين هفترق عنه .....الحب ده عمره ما هيكتمل
راحت مريم بيتها وقابلت أحمد قاعد ما والدها
مريم: في حاجه يا ماما ؟
محمد: تعالى يا مريم اقعدي جنبي
مريم وقعدت : ايه الموضوع يا ماما ؟ حصل ايه ؟
سعده : هنسيبكوا لوحدكوا شويه
مريم: نعممممم
أحمد : متشكر جدا ليكوا
وبعد ما أهل مريم خرجوا بصيتله بغضب واندفعت
مريم :أنت قلت إيه لأهلي؟!!!!!
أحمد:مقلتش حاجه غير أننا حددنا معاد الخطوبه وأهلي هيقعدوا مع أهلك ويتفقوا
مريم بصدمه: ايه ؟ بالسرعه دي ؟!!
أحمد: ايوا والأفضل انك متفكريش تعترضي انتي دلوقتي هتخرجي من هنا الفرحه مش سيعاكي وميظهرش على وشك أي لمحه حزن وتقوليلهم انك موافقه
مريم : ماشي مش لازم كل شويه تهدد فيا
أحمد: برافو عاوزك دايما مطيعه كدا
مريم : متفكرش اني بنفذلك رغباتك انا بعمل كدا بس
أحمد قاطعتها:عشان خاطر أهلك صح قد ايه انتى مطيعه وجميله جدا كمان
بدأ أحمد يقول كلام كتير وكثر الكلام بيقلل المسافه بينهم لأنه كان بيقرب منها أكثر وأكثر بس فجأه زقيته مريم ووقفت
مريم : متحاولش حتى تفكر في كدا انتي عارف انى مش ضعيفه قد ايه انت شخص .......
أحمد: انتي ليه بتعملي كدا بس لما نتجوز أنا هكون طاير من الفرحه
مريم : متفرحش اوى كدا احنا هنتجوز بس لسه محصلش ومحدش عارف بكره فيه ايه واوعى تفكر بس انك هتمتلكني بعد الجواز
وبعدها خرجت وسابته قابلت مامتها
سعده: حصل ايه ؟
مريم وبفرحه مسطنعه: مفيش يا مامتي مفاجأه احمد جميله اووى بجد مبسوطه وفرحت جداا جداا شكرا يا بابا وماما اعتقد ان أحمد اتأخر على بيته ولازم يروح ...صح يا احمد😊😒😏
أحمد: ايوا فعلا بشكركم وبإذن الله اهلي هيقابلوا حضرتك على المعاد وهنجهز للخطوبه مفيش قدامنا غير يومين بس سلام
سعده: مع السلامه
مريم وصلت أحمد للباب ولفت عشان تطلع بس لمحت ان أحمد واقف مع سيف مبتسمله وسيف طلع بغضب وكان متضايق جدا وكان ده ظاهر جدا وقلقت بسبب نظرات سيف الحزينه ليها قبل ما يطلع بيته...........في تاني يوم مريم شافت أحمد وسألته عن اللي حصل انبارح
مريم :أنت عملت ايه انبارح ؟
أحمد: عملت ايه انا ؟
مريم: انت قلت لسيف ايه عصبه كدا ؟
ّأحمد: مفيش انا بس عزمته على الخطوبه
مريم:نعممم أنت اتجننت ليه تعمل كدا
أحمد: يا ستي صاحبي المقرب لازم يكون حاضر
مريم :أنت معملتش كدا عشان صاحب مقرب أنت عملت كدا عشان توجعه
أحمد: ايوا أوجعه فعلا عشان لما يشوف دبلتك في أيدي هيفوق ويفهم انك ملكي انا وبس
مريم بعصبيه:أنت..... أنت واحد ...
سابته ومشيت بغضب روحت بيتها واول ما دخلت سمعت مامتها بتتكلم في الموبايل
سعده: أتمنى حضوركوا يا أم سيف هتنوريها
مريم بعد ما مامتها قفلت الخط ....اتعصبت اكتر
مريم :ايه ده يا ماما ؟؟؟
سعده: نعم يا مريم في ايه
مريم :ليه عزمتيهم يا ماما ليه
سعده: ومالك منفعله ليه كدا أم سيف صاحبتي وعزمتها على فرحك هي بتعتبرك بنتها
مريم : ماشي تمام انا هدخل ارتاح شويه كانت مشاوير النهاردة كتيرة
مريم دخلت اوضتها هتتجنن مش عارفه ايه اللي هيحصل أو هتعمل ايه
....
....
....
*ايه رأيكوا بصراحه *
*يا تري ايه اللي هيحصل مع مريم *
*سيف هيحضر الخطوبه ولا لأ؟*
*الخطوبه اصلا هتم ولا لأ؟*
*دي خلاص النهايه ومريم لأحمد ؟*
*سيف هيحاول يعافر علشان مريم حتى لو الخطوبه تمت*

#GMAZAT👑♥💎#