العشق المنتظر

الفصل الرابع عشر....

العشق المنتظر (الفصل الرابع عشر):

وقفنا لحد ما مريم خبطت في شب وكانت مش طيقاه
مريم بحقد: وأنت مالك وبتعمل ايه هنا حتى هنا جاي ورايا 😡😡😡
سيف: مش بلحقك أنا جاي مع صحابي
مريم:ميهمنيش اصلا بس حاول متجيش في طريقي وسيبني في حالي
وبعدين سابته ومشيت وبعد شويه ......رهف ماشيه ورا مريم تنادي عليها ومريم على آخرها ومسرعه خطوتها ومش بترد
رهف:مريم يا بنتي اقفي بقا
مريم : مش هقف ومتحاوليش لو وقفت هتزعلي مني
رهف:استنى بس انا عارفه انك متضايقه بس اسمعيني على الأقل
مريم ووقفت : عايزة ايه قولي يلا
رهف:اه استنى هاا......اخد نفسي تعبتيني اصبري
مريم:اممممم.....عايزة ايه بقا ؟
رهف:أنا عارفه ايه اللي مضايقك بس والله مكنتش اعرف وأنا اتفاجأت زيك خلاص بقا فكي وفوتيها كلها 8 تيام
مريم: مكنتيش تعرفي؟
رهف:اه والله خلاص بقا حقك عليا
ومشيوا شويه راحوا اتغدوا سوا وبعدين وقفوا الاتنين
مريم :احم ...عاوزة اقولك على حاجه
رهف :ايه
مريم حكت ليها على موضوع الستارة😹
رهف : يخربيتك ايه الهبل ده هو الواد ذنبه ايه
مريم :أنا حره مش عاجبه المكان يبدل معاكى وتعالى انتي اقعدي مكانه
رهف:لا ياختي أنا أعرف شريكي في الاوضه وده صديق ومش هغير مكاني
مريم :واطيه طول عمرك😹
رهف:مرسى😊...........بالمناسبه في شلتي عاوزة اعرفك عليها عشان عاوزاكي تنضمي لينا
مريم : ماشي ........'في سرها'.......شله؟ نهار اسوح حتى انتي يا رهف
رهف:ههههه سمعتك على فكرة ....يلا
مريم :يلا
رهف شديتها ومشيوا شاورت لاثنين واقفين بايدها في الهوا
رهف:هااي شباااب
مريم وقبل ما يوصلولهم: لسه ياما دول شباب ؟
رهف:أه آمال فكرتي ايه
مريم :لا لا أنا همشي سيبي أيدي بقا
رهف وشديتها :لا مش هتحصل هتتعرفي عليهم يعني هتتعرفي عليهم
مريم : اقفي بس اقفي يا بت
رهف :يلا بقاااا.......هاي شباب عاملين ايه
الشابين :هاي
مريم وبتبص هي والشاب لبعض:انت/ي
رهف :أنتوا تعرفوا بعض ؟
مريم ضمت دراعتها على صدرها ولفت وشها الجه الثانيه بعيد عنه
مريم:ده شريكي في الاوضه
رهف ضحكت جامد،مريم بصيتلها جامد وسكتت
مريم : بتضحكي على ايه يا بت؟......أمشي أنا بقا
رهف : لحظه .....أنتوا تعرفوا بعض شكلا بس متعرفتوش على بعض حتى اتعرفوا كدا
مريم: مش عاوزة اتعرف
الشب:ما براحه شويه
رهف:خلاص انا هعرفكوا ببعض وافتحوا صفحه جديدة اشطاا
الشب:اوك أنا معنديش مانع
مريم:ل.......
رهف قاطعتها:يا شباب دي مريم ......مريم دول هشام وأسر
هشام ومد ايده: هاي يا شريكتي في الاوضه ممكن نكون #اصدقاء مقربين
مريم عينها دمعت وبصيتله وطلعت تجري
هشام وجري وراها:بس استنى شويه
أسر لرهف:هي مالها ؟
رهف بتفكير: مش عارفه بس يفضل نسيبها لوحدها شويه
مريم قفلت الباب عليها وفضلت تعيط
مريم بعياط: هو انا ليه مش قادرة انساك ليه مبتبعدش عن تفكيري خالص اخرج من دماغي بقا سيبني في حالي
هشام وخبط:مريم افتحي الباب بليز
مريم :سيبني لوحدي ملكاش دخل بيا
هشام: نسيتي اني شريكك في الاوضه دي اوضتي انا كمان
مريم وفتحتله:عندك بابا الجهه الثانيه سبني في حالي بقا
هشام: طب انتي متضايقه ليه ايه اللي حصلك فجأه؟
مريم: ملكاش دعوة بيا سيبني في حالي وأمشي
هشام :قوليلي بس ايه اللي مضايقك وليه بتعيطي؟
مريم:لو سمحت ارجوك سبني في حالي روح مكانك وسبني بقا
هشام: مش همشي غير لما تقوليلي مالك وليه متضايقه
مريم :بعد ازنك سبني وروح بقا
هشام : لا لا مش همشي أنا عنيد ومش لحد ما تحكيلي
مريم:ماشي مش هتسيبني أنا سيبالك الدنيا بحالها وماشيه
هشام مسك ايدها وهي ماشيه اتصمرت مكانها ودموعها في عينيها
هشام: استنى مش هخليكي تمشي
لفت مريم وشها وشافت ايده عيطت ومنهارة
مريم:أرجوك .......أرجوك سيب أيدي بالطريقه دي بتوجعني وبموت مليون مرة
هشام :قوليلي الاول
مريم وهي منهارة جدا ومش قادرة: طيب بس سيب أيدي بقا
هشام وسابها: أنا آسف ........بس أنا بعتبرك صديقتي بجد ومش عاوز.........
مريم: كفايا كفايا بطل تقول أنا مش صديقه حد ومتقولهاش تاني 😔✋✋
هشام: طيب ليه كل ده ؟ ليه للدرجادي
مريم:انت متعرفش حاجه عن حياتي بلاش تضغط عليا انا تعبانه سبني لوحدي شويه ارجوك بس انت عارف ليه مضايقه هقولك بس بعدها سبني لو سمحت ...........أنا بكرهكم
هشام : بتكرهي مين بالظبط
مريم وقعدت على حرف السرير :أنتوا الشباب بكرهكوا ومش بطيقكوا خالص
هشام: بس ليه ايه اللي مخليكي تكرهينا كدا ليه الحقد ده كله طيب
مريم : انت مش كنت عاوز تعرف وعرفتك اتفضل لو سمحت متخلينيش اشيل منك بس .......سبني لوحدي
هشام:بس ...........خلاص هسيبك ارتاحي وهدى نفسك شويه ومتزعليش نفسك ممكن اقدر اغيرك وجهه نظرك في.........
مريم قاطعته بسرعه: متحاولش ارجوك غيرك حاول وانا...........لو سمحت سيبني بقا✋
هشام: اوك زي ما تحبي ارتاحي
مريم:شكرا مع السلامه
لف وشه ولسه هيمشي
مريم: إحم بعد ازنك متحاولش .........متحاولش تمسك أيدي تاني أنا بتضايق
هشام : اوك سوري
مريم: ولا يهمك شكرا مرة ثانيه
هشام: لا شكر على واجب
وبعدها مشى وساب مريم وهي منهارة من العياط وطبيعه مريم لما تعيط بتدوخ وبتبقي راسها تقلانه ومش قادرة تاخد نفسها بالساعات
مريم بصوت مقطع: اه ياربي أنا مش عارفه ايه هيحصل بعد كدا بس اتمنى يعدي كل شي على خير يارب
*وبعد وقت الساعه 7*
الطلاب بيجهزوا عشان خارجين بره المخيم ومريم نايمه وهشام في اوضته ورهف بتخبط على بابه بملل
رهف : هشام يلا يا بني عشان نمشي بتعمل ايه كل ده رايح تتجوز؟
هشام : خلاص خلصت ادخلي يا زفته
أسر: يلا ولا ايه يا شباب
هشام :يلا..........لحظه فين مريم ؟
رهف :نايمه
هشام : ايدا مش هتخرج معانا ولا ايه ؟
رهف: كلمتها قالت مش عاوزة تخرج لما نرجع ونصحيها عشان هتسهر تذاكر
هشام : نوم ومذاكرة ! ايه الملل ده
رهف:هششش اوعى تقول قدامها كدا هي بتكره حد يقول عليها ملله أو كئيبه هتتعصب
هشام:اوك خلاص بس بردوا مش هسيبها نايمه
رهف:اشمعنا ؟!!!
هشام :مش بحب اشوف حد كئيب وأنا أفرح وهو في عالم لوحده روحي صحيها
رهف:لا لا هتهزق سيبها براحتها
هشام:جبانه .......أنا هدخلها
دخل هشام مندفع ورهف وراه بتكلمه وتحاول توقفه بقلق
رهف:اهدي يا هشام واخرج من اوضتها مريم هتتضايق وتتعصب مش بتحب حد يدخل عليها
هشام :ملكيش دعوة انتي بس
هشام وقف جنب سرير مريم وهي نايمه بحجابها وهدوم خروج ومتغطيه كأنها قاعدة لأنها مش مرتاحه في تواجد شب معاها في نفس الاوضه
هشام:مريم قومي .......مريم!
مريم بنوم: بابا مش عاوزة أقوم سيبني شويه
رهف ضحكت بصوت واطي وبصت لهشام
هشام:بابا!!!!!!! نعم! يا بنتي قومي أنا هشام
مريم بخضه وقامت: ايه! ايه اللي جابك هنا اتفضل اخرج برا
هشام :جاي عشان اقولك قومي اخرجي معانا
مريم:مش عاوزة روحوا أنتوا
هشام: محذرتيش هتقومي وهتخرجي معانا كمان يلاا
مريم :ما قلنا مش عاوزة
هشام:قومي والا
مريم:بلاش تهديداتك عشان انا مبتهددش
هشام :طيب رهف اسر روحوا أنتوا وقولوا للكابتن ان الدكتورة مريم والدكتور هشام مش جايين مع حضرتك وهنفضل في المعسكر لو......حد...نا
رهف وأسر بصدمه:هاا!!
مريم:متحاولش عارفه واحد زيك مش هيفوت خروجه زي دي
هشام بصلها وقام خلع الجاكيت الأسود بتاعه وبوظ شعره اللي بقاله ساعتين بيظبط فيها (متتخيلوش شعره ده مهم لهشام قد ايه😹😹) وقعد حط رجل على رجل
مريم:بتهزر صح
هشام :هتيجي يا اما انا مش رايح
مريم:لا خلاص هخرج بس اخروجوا على ما أجهز
رهف :هو ده الكلام
مريم:انتي تخرسي خالص و حسابك معايا افوقلك بس
هشام:هاا خلصوني اتشيك تاني ولا فيها قعاد
مريم اتجاهلته:رهف اخرجوا لحد ما ألبس بس
رهف:هتبسبسي تاني !
مريم:عاوزيني اخرج استحملوا بقا من هنااااا لحد ما اخلص
هشام:لا وحيات ابوكوا خلصوا بسرعه
رهف:هههههه متقلقش هي بتهزر 5 دقايق وهتخلص
هشام واخد جاكيته وخرج:أما نشوف اخرتها
بعد دقايق مريم خارجه بتظبط حاجتها وهشام سرح في جمالها
مريم لرهف:مش يلا ولا ايه ؟
رهف لهشام: يا عم المستعجل يلا بينا
هشام وفاق:هاا.......يلا
وخرجوا كلهم لحقوا الطلاب وهم خارجين من على البوابه
.
.
.
.
.
.
.
.
.
.
.
.
.
.
.
.
.
.
.
.
*تتوقعوا ايه بعد كدا*
*ممكن فكرة أن مريم يحبها تلاته دي اوفر شويه بالنسبالكوا بس هي منطقيه بالنسبه أنها شخصيه فريدة من نوعها*
*رأيكوا يهمني*

#غمازات👑♥💎