اليوم الثاني
قام سيف من نومه ولقي نفسه على السرير ومريم جنبه على الأرض وراسها محطوطه جنبه على الكنبه جرب يتحرك براحه عشان ميصحهاش بس هي حست بحركته وقامت مخضوضه وبصيتله
مريم بخضه:ايه!! فيه حاجه!! أنت قايم من زمان اسفه جدا محستش نمت من غير ما اقصد
سيف :لا لا عادى انا لسه قايم
سندته لحد ما قعد وهي وقفت بتحاول تفوق
سيف : بالمناسبه
مريم وبصيتله :امممم!
سيف :ليه كنتي بتعيطي ؟!
مريم بخضه:قصدك ايه! ..أن ......انا ......مكنتش .....*سكتت برهه* ........عرفت ازاي اني كنت بعيط
سيف :أولا لأني قبل ما انام من التعب انبارح سمعتك بتعيطي ثانيا بقااا
وقف كلامه ووقف وهو بيبصلها بترقب ونظراته خوفتها
مريم بتلعثم: ث.....ثانيا ايه
سيف حط ايده على وشها وبعد بسرعه ووراه ايده
وقال: ثانيا الدموع لسه على خدودك اهي....مالك
مريم بتوتر : عادى مفيش حاجه ومحدش كان بيعيط ولا حاجه
سيف: لأ فيه مش معقول يعني هتعيطي بدون سبب
مريم : صدقني مفيش حاجه لوحدها كدا
سيف : انتي بتعيطي من غير سبب على الفاضي والمليان يعني ؟!!!!!
مريم :اا...........
سيف مقاطعتها: عموما انا عارف ايه سبب دموعك
مريم خايفه يكون عارف السبب: عارف ايه؟!!!😳
سيف : السبب انا
مريم : أنت؟!!ازاي مش فاهمه؟!
سيف وضحك: من صغرك بتعيطي لو قطه عيطت أو الاطفال عذبوها فلما شفتيني بنزف عيطتي صح!😹
مريم بتردد تحاول ترسم ابتسامه: ايوا فعلا
مريم : عموما انت ليه قمت أنت لسه بتتوجع ارتاح
سيف : لأ لأ ولا يهمك بس لازم نتحرك من هنا قبل ما يلاقونا
مريم: هههههه
سيف باستغراب : ايه اللي يضحك؟!
مريم :لا لا مفيش بس طريقه كلامك زي ولو كنا في حرب وأنت القائد وخايف ان يكشف مكاننا العدو😹😹
سيف: والله ! طريقه كلامي معتطكيش أي معنى غير دي
مريم :ااه😹
سيف: يبقى فعلا هو كدا😹😹
وفضلوا يضحكوا سوا ومريم راحت تقعد وبالغلط ضغطت على ايدها اللي سبق وانجرحت من الطوبه قبل هروبهم
مريم بوجع:اااااه......اااااااه
سيف بخضه: ايه ده مالك؟!!!
مريم وهي بتخبي ايدها: مفيش حااجه
سيف وقرب منها خطوه: وريني ايدك
مريم: مفيش حاجه ليه عاوز تشوف ايدي؟
سيف بصرامة: وريني ايدك فورا
خرجت مريم ايدها ببطئ فسحبها بسرعه وهي اتوجعت ......بص سيف لايديها بصدمه لقاها مزرقه كالحبر ووارمه وبتوجعها من أقل حركه
سيف بصدمه : ايه ده😳😳
مريم وهي بتبعد ايديها : لا مفيش ده جرح بسيط وهيختفي لوحده
سيف: بتهزري صح؟! ده مش مجرد جرح بسيط انتي مش شايفه الورم ده؟! وبتتوجعي منها ازاي ! دي شكلها نزفت كتير
مريم صدقني ده بس اا.......
سيف قاطعها: كفايا ...نامي
مريم : نعمم!
سيف بصرامه : بقولك نامي
مريم : بس انا قلت اان......
سيف بغضب وصوت عالي: انا قلت نامي حاااالااااا
نامت مريم بسرعه خافت من صوته وسيف خرج ورجع تاني ومعاه ازازة متلجه وحطها على ايدها
مريم بوجع وبعدتها: ااااه بيوجع أبعد أبعد
سيف: اسف بس ده ضروري عشان يقلل الورم
مريم وهي بتقوم: لأ لأ ده بيوجع اووى مش هتحطها تاني
سيف : مددي تاني يلا
مريم:لل.......
سيف : نااااااااامي
مريم نامت تاني بس مسكت ايديها وخبيتها
مريم :بس مش هحطها تاني
سيف : هاتي ايدك
مريم بعند: لأ ابدا
سيف : هاااتي ايدك
مريم : لأ لأ لأ متحاولش معايا مش هحطها تاني
سيف:ممكن اسأل سؤال ؟!!
مريم: ايه هو ؟!
سيف: عندك كام سنه ؟!
مريم :ايه ؟!
سيف : ردي على السؤال عندك كام سنه
مريم : 20 سنه تقريبا
سيف:20 سنه بس طفله
مريم : طفله! نعمم!
سيف : ايوا بتتصرفي زي الاطفال بالظبط
مريم : أيا يكن طفله طفله بس مش هحطها تاني متحاولش
سحب سيف ايد مريم بالقوة
مريم بوجع : ااااه وجعتني سيب أيدي
سيف : أنت اسف انتي عناديه اجبرتيني
مريم بطفوليه ونظرات بريئه : لأ لو سمحت متحطهاش تاني بتوجعني اووى ومش مستحملاها
سيف قلبه رق قدام برائتها هو ميقدرش يجبرها على حاجه بعيونها اللي مالكه كل كيانه
فقال:بس لو محتطيهاش هتورم اكتر وهتوجعك اكتر بكتير .....تعرفي ؟!😊
مريم : ايه؟
سيف : أنا حنين جدا تعرفي ده😊😊
مريم لتريقه :اه فعلا حنين تعرف لأي درجه واضح انك حنين ؟!
سيف: لأي درجه!
مريم :لدرجه اني متحملتش انك تحط التلج ده على أيدي ولو ثانيه
سيف: ممكن تغمضي عينك؟!
مريم :أغمض عيني ليه؟!!!!
سيف :مرة واحدة بس اعملي اللي اقولك عليه من غير نقاش لو سمحتي هوريكي قد ايه انا حنين
مريم :بس بليز متحطهاش
سيف بابتسامه حنون: حاضر مش هحطها
مريم غمضت عنيها وضغطت عليها جامد لأنها حست أنه هيحطها
مريم بعد دقايق: عارفه انك حطيتها على فكرة
سيف: اه فعلا بس انتي حاسه بوجع زي الاول
مريم: لأ مش قد كدا بس حاسه بحاجه على أيدي
سيف :ودلوقتي فتحي عينك
مريم وفتحت: الله طريقه حلوة مش بتخلي التلج ساقع اوى
سيف: ايوا حطي التلج في فوطه ولفيها كويس وبعدين استخدميها
مريم: كنت ادخل كليه طب هتبقي ناجح😹
سيف : ايوا وابقى الدكتور سيف الفاشل🙆😹
مريم: لأ كنت هتبقي الدكتور سيف أطيب واحن دكتور في العالم🙆
سيف: بتتريقي صح؟! عشان لسه قايل اني حنين
مريم :لأ انا بقول اللي شفته مش عشان انت قلت
سيف : هو المكان هنا ووضعنا ده عجبك ! لو تحبي نعمل أقامه هنا!
مريم: لأ يلا قبل ما يمسكنا العدو أيها القائد
سيف: قدامي يا مجند
مريم :ههههههه
....وخرجوا من المكان ده وهم بيراقبوا فيه حد ولا لأ بس رجاله أحمد ملهمش أثر ....استغربوا بس تابعوا طريقهم
*ياتري هيوصلوا بيوتهم ولا لأ*
*ياتري أحمد ورجالته فين*
*أحمد بيخطط لإيه*
*ايه اللي هيحصل مع مريم*
*هل سيف ومريم قصه حبهم هتكلم ولا دي نهايتها هيتجوزوا وخلاص*
#غمازات👑♥💎
أنت تقرأ
العشق المنتظر
Romance. . الحب اه ممكن يكون تملك لكن فيه فرق بين شخص بيتملك عشان بيحب وشخص بيتملك عشان ده شئ مختلف من نوعه وعاوز يجربه زي أحمد كدا احمد اه شب بس اتربي على الغني دايما طلباته مستجابه ومريم شخصيه قويه ومتهزتش لشكله ولمكانه اهله أو لعضلاته وشهرته مننساش أنه...
