العشق المنتظر

الفصل الخامس والعشرين ....

العشق المنتظر(الفصل ال25):
****************************
وقفنا لحد اللحظه اللي سيف اتخلي فيها عنها تمام وهي كانت جنب أحمد مصدومه وبتكلم نفسها وهو بيكلمها وهي مش معاه لحد ما....
*****************************
مريم عيونها قلبت أحمر من الغضب وبعدت أيده جامد وربعت ايدها عند صدرها وبكبرياء
مريم:وانت آخر واحد في العالم اتوقع منه يعاتبني وأن عقابي يكون منه هو
أحمد:قصدك ايه ؟ فوق اللي انتي غلطانه وليكي عين تتكلمي كمان
مريم :غلطانه ؟ ......غلطت هو مين بالظبط اللي غلط تقدر تقولي
أحمد بعصبيه:واللي انتي عملتيه ده من شويه يتسمى ايه وفين حقي ولا هو أنا مش خطيبك ولا ايه يعني
مريم:انت آخر واحد تتكلم عن الحق ......انت نسيت ولا ايه؟ بس انا عمري ما أنسي اتعس ليله في حياتي حطمت كبريائي،دفنتني بالحيا ......انت عارف لو خنقتني أو دبحتني أهون عليا من اللي عملته فيا ده حرام عليك يا أخي ......وأن كان على حقك وسعادتك فا انت الوحيد اللي سعيد في كل ده لا مش بس انت ،انت وسيف وعيلتي على أساس أن بنتهم هتكون سعيدة في حياتها بس ميعرفوش اني اتعس واحدة في الكون معاك،تعرف؟ حتى لو كانوا جوزوني شخص على باب الله أو قد جدي ولو 80 سنه أحسن من اني اتجوز واحد زيك أو حتى زيه(سيف)،تعرف؟ أنا بكرهكوا أنا مش بس بكرهكوا أنا بكره نفسي لأسباب كتير اووي واهمهم اني خطيبه واحد زيك أكثر أشخاص غلطوا هم أقرب ناس ليا لما فكروا يجيبوني على الدنيا دي وأنهم وثقوا فيا وحبوني انت عارف لو أنا واثقه فيك أو في أنه عندك ذرة انسانيه ؟ وخبيت على السيرة دي لما أموت؟ كنت موتت نفسي من زمان وارتحت بس بني آدم زيك واحد حقير وواطي و.........بجد مش لاقيه صفه اوصفك بيها ولا اوصف حد فيكوا بيها حرااااام عليكوا كرهتوني في نفسي حرام عليكوا سيبوني في حالي ده الكافر مش بيتعمل فيه كدا انا عملتوا ايه لكل ده حرام عليكوا ارحموني بقااااا
،،،،وتمشي وهو واقف مكانه مفيش اي تعبير أو ايموشن محدد على وشه
مريم وندهته تاني: تعرف أول حاجه هعملها بعد ما اتجوزك هي ايه ؟
أحمد يتردد ويفضل باصصلها وبس اكيد هتعمل حاجه مجنونه
مريم:هنتحر وبفستان فرحي يا احمد
يتصدم جامد ويبصلها بسرعه
مريم كملت:وابقي قابلني لو طولت مني شعرة أو اتهنيت في الجوازة دي هيكون فعلا على جثتي.......في ايه مستغرب ؟ متقلقش هكتب اعتراف اني مكنتش عاوزة أعيش وانتحرت بارادتي وأنك مش سبب في موتي هه......ساعتها بجد هكون أسعد واحدة فيكوا هكون في ذمه ربي واهلي بشرفهم.واخواتي راسهم للعالي وسيف اتخلص مني وانت اتخلصت من تملكك ده
هكون اتخلصت من ظلمكوا ليا وظلم الدنيا أنا بكرهكوا بكرهكوا بجد
.....(اللي عيطت تيجى هنا حالا وتقول عيطت😹💔).....
تفتح مريم الباب وتنزل على الحمامات وتغسل وشها وبعدين تروح على المطبخ تاني والتلاته مستنينها اول ما يشوفوها يبصولها بامل وهي تتجاهل نظراتهم وتروح تولع البوتاجاز يروحوا عندها
أسر:كل ده بتتهببي ايه واحنا بقالنا ساعتين مستنيينك
هشام:يا عم اسكت انت ........مريم الأكل هيخلص ايمتى؟
مريم مبتردش ورايحه جايه من حواليهم شغاله وبتطبخ
رهف:يا مريم مالك في حاجه
مريم:.............
أسر:ردي علينا احنا بنكلمك
هشام استغرب وقرب أنه يلمس كتف مريم بس هي اتنفضت بسرعه وكل اللي في ايدها وقع وهم اتخضوا
هشام:في ايه ؟ مالك يا مريم
مريم وبتحاول تستوعب اللي حصل
مريم:أن.........أنا كويسه ......ههه هشام خضيتني
هشام:احنا بنتكلم معاكي من زمان وانتي م.....
مريم قاطعته:لا بس ان........أنا كنت سمعاكوا بس الشغل كتير والأكل هيبوظ لازم نخلص على طول معدش غير ساعه بس على معاد الغدا واحنا لسه مش عملنا لا عدس ولا سلطه فاكهه وغيرهم
تتحرك في كل مكان بسرعه وتوطي تلم الاطباق وهي بتقف تبصلهم
مريم:يلا ولا ايه ؟ يا رهف خلصي الفاكهه دي على ما أنا اعلق على العدس
رهف:مريم حبيبتي انتي كويسه باين عليكى القلق
مريم:لا .......لا أنا كويسه مفيش حاجه يلا يلا احنا هنلك كتير قدامنا شغل يا هشام روح شوف مكان نقعد فيه ساعه الغدا
وكلهم بيبصولها وتوترها الواضح
مريم بتتكلم بسرعه:في إي مالكوا ؟ من شويه كنتوا هاين عليكوا تاكلوني يلا بقا لو عملت الأكل لوحدي هرميه ولا اني اخليكوا تاكلوا منه عايزيني اتمرمط وانتوا تاكلوا على الجاهز ولا ايه يلا يا رهف
رهف:يا مريم انتي؟.....
مريم:يا مريم يا مريم انتوا اتصمرتوا كدا ليه يا أسر شكل صاحبك ده كسيل اووي وعاوزك تعمل كل حاجه مكانه يلا بقا
وزقيتهم والشباب مشيوا ورهف بتبص لمريم
مريم:مالك بتبصيلي كدا ليه
رهف:مريم بجد بقا خلاص انا عرفتك حصل ايه معاكى ولما هشام لمسك ك......
مريم رايحه جايه بتدور على حاجه تعملها
مريم:أنا مش فاهمه يا رهف ........هو احنا قلبنا مريم رهف ورهف مريم
رهف:بطلي بقا مش عارفه تخبي عليا قولي الحقيقه
مريم:الحقيقه .....عايزة تعرفي الحقيقه ؟ الحقيقه أنه ......الأكل اتحرق
يتشوش تفكير رهف ومريم تروح للبوتاجاز
مريم:مش عارفه الكلام معاكوا حرقلي الاكل .....غسلتي الفاكهه؟
تبصلها وهي واقفه بالطبق
مريم:لا ونبي خلصيني مش عاوزة اخسر اللعبه يلا
تاخد منها الطبق وتروح تغسله
مريم:لازم نغسله حلو بدل ما يتلم علينا النحل واحنا بناكل
رهف تلفها ليها
رهف:كفايا ونبي حبس جواكي هتتعبي قوليلي ناويه على ايه ايه اللي حصل قوليلي بقا
مريم:اللي حصل اننا دخلنا لعبه مع هشام ولازم أطبخ عشان اكسب.......
رهف:حرام عليكي كفايا كفايا مبتتعبيش ؟ هتموتي من كتر الكتم كواكب ده قوليلي في ايه يا مريم ونبي لتقوليلي
تبصلها مريم نظرة حزن وآسي بعدين تمشي بسرعه على البوتجاز وتلغبط في الكلام
مريم:لازم نقلب المكرونه كدا بالطريقه دي وهو ده الص......
تشدها رهف وتحاول تبعد المعلقه بس مريم مسكتها جامد مش بتسيبها
رهف:سيبي بقا بطلي كدا ......حرام عليكي كفايا تعذيب في نفسك أحكي احكي يا مريم خرجي اللي في قلبك..........لا كدا كتير سيبي بقا مريييم
تفضل مريم تعافر معاها وهي مش مركزة غير بعينها على الأكل،هشام وأسر طالعين على السلم فجأه يسمعوا صوت رهف بتصرخ باسم مريم يجروا عليها ويدخلوا يلاقوا رهف بتعيط ومريم.....(كان نفسي اعطيكوا استوووب هنا بس للأسف البارت مينفعش بالصغر ده😹💔) رهف بتعيط ومريم قدامها وهي بسرعه تجري بمريم وتحط ايديها تحت الحنافيه
هشام:في ايه ......ايه اللي حصل؟
رهف بعياط:حاولت أسألها ليه زعلانه وهي مبتردش فضلت تتحجج بالاكل والسلطه والبوتاجاز وغيره لحد ما وقعت الحله وايديها اتحرقت جامد اوى
يمسك هشام ايدها وهي كل ده معطيتش أي رد فعل ولا نزلت دمعه واحدة بس سامعه كلامهم بس مش حاسه بحاجه ثانيه
مريم:أنا لازم اخلص الأكل ولازم اظبط اللي انا بوظته
تبعد ايد هشام وهم اتصدموا من رد فعلها ده وراحت على البوتاجاز
هشام:لا بجد كدا كتير
يروح يشدها بالعافيه من قدام الأكل
هشام:انتي مش شايفه ايدك اتحرقت ولا على بالك ؟
مريم:لا يا هشام ده ......ده مجرد جرح بسيط وهيخف على طول انت عايزني اخسر قدامك ولا ايه ؟ لا أنسى مش أنا اللي تخسر قدامك عشان حاجه تافهه
هشام:تاافهه؟ بقولك ايدك اتحرقت الجرح بيورم كل مادي وايدك زرقه احنا لازم نروح المستشفي
أسر وخرج:اه أنا هروح أجهز العربيه
مريم:عربيه ؟ ومستشفى؟ ليه يعني دي حاجه بسيطه يا جماعه مجرد معقم وهتبقي كويسه .....يا رهف هاتي المكرونه
رهف اتعصبت:انتي مجنونه؟ شوفي نفسك عملتي ايه ازاي انتي مش مريم اللي اعرفها انتي مش اختي اللي حبيتها حالتك اتغيرت انتي كلك اتغيرتي اصلا
مريم:متقوليش كدا يا رهف ومين قال انتي مش اختي ؟ بس وقت الشغل لازم نخلص😊 اممم يلا ولا عاوزاهم يغلبونا؟!
هشام:كفايا هبل بقى يلا نروح المستشفى
مريم:مش عارفه انتوا قلقانين ليه على الفاضي ؟ أنا مفيش حاجه
رهف شديتها برا المطبخ
رهف:لا هتعقمي الجرح ،انتي بجد مش طبيعيه خالص يلا
يركبوا العربيه ويروحوا ال4 المستشفى ومريم تقعد على السرير تبع المرضى
هشام:لو سمحت يا دكتور ايدها اتحرقت وباين عليها الزرقان
الدكتور يشوف ايدين مريم ويتصدم ويبص لمريم اللي ظاهر عليها الجمود ويضغط على ايدها لعله يلاقي منها أي رد فعل ولكن لا حياة لمن تنادي.....وبعد ما ضمضلها الجرح ..........يروح الدكتور يقعد على مكتبه وهشام قصاده
هشام:طمنا يا دكتور هتكون كويسه ؟
الدكتور:أنا عايزك دلوقتي تفهمني ايه اللي حصل معاها بالظبط
هشام حكاله
هشام:ولقينا ايدها بالتدريج بتزرق وهي مكنتش عايزة تيجي اصلا تضمض الجرح وبتقول أنه جرح بسيط ........هي حالتها فيها حاجه خطر ؟ محتاجه لعمليه أو كدا؟
الدكتور:هي مش محتاجه عمليه ......محتاجه دكتور نفسي
هشام بصدمه:ايه ؟ مش فاهم لو سمحت وضحلي أكثر
الدكتور:هي في صدمه كبيرة لدرجه ان الجرح مش تاعبها ولا بتتألم منه وبرغم أن الجرح على عصب ايدها وده عصب زي ما تقول مركز يعني متحكم في الأعصاب حواليه وزى ما بتقول كدا رئيس .........احنا عادتا في حاله زي دي عمر ما شخص يتحمل الوجع ده والادويه المسكنه والمهدئات والبينج مش بيخفف عنهم الألم وهي مع ضغطي على الجرح متأثرتش من كتر زعلها لازم تعرفوا بأسرع وقت دي مشكله ولو متحلتش مش عارف الاعراض هتبقي ايه بس وده اللي اقدر اقولهولك
هشام مصدوم ومش مستوعب إي حاجه بعد كلام الدكتور يقوم ولسه هيمشي ينادي الدكتور
الدكتور:اوعي تنسى روح على دكتور نفسي في أسرع وقت يشوف حالتها ومن هنا لحد ما توديها متضغطش عليها في إي حاجه
هشام:شكرا يا دكتور نقدر نروح؟
الدكتور:اتفضل .......وا.....بالمناسبه في دكتور هنا اسمه(...)تقدر تشوفه دلوقتي آخر دوامه بعد نص ساعه
يخرج هشام ويسحب مريم من ايدها من جنب رهف مع مريم ورهف تقوم بقلق
رهف:انت رايح فين بيها......يا هشاااامم
يكمل طريقه ومريم وراها ويدخل بيها أوضه ورهف تقف فجأه قدام باب الاوضه مكتوب(الدكتور.....دكتور نفسي)تتصدم وتتدخل
يقعد هشام قصاد الدكتور بعد ما رحب بيهم ومريم قصاد هشام
مريم:يا هشام انت ليه جبتني هنا مش كنت........
هشام بعصبيه:هششششش مش عاوز اسمع صوتك اخرسي
مريم:بس في ......
هشام:أنا قلت ....اخرسي ولا صوت فاهمه .....يا دكتور لو سمحت شوف حالتها وأنا هحكيلك عشان تفهم ........
يحكيله ومريم متابعاه بنظرات غريبه ازاي حكي كل حاجه عنها لدكتور كدا وبعد ما خلص
مريم بخضه:لا أنا مفيش حاجه يا دكتور انا كويسه........
هشام:هشششش بقا كفايا .....أنا قلت متتكلميش أنا بس اللي هتكلم هنا
مريم:انت ايه ؟ خلاص شايفني مجنونه ؟ يا رهف قولي حاجه ده.......
تتصدم من نظرات رهف ليها وكأنها فعلا مريضه تقف بحزم
مريم:ماشي انتوا مصدقين انى مجنونه صح أنا مجنونه بس مش همارس مع دكتور نفساني عمري وتروح عند الباب أنها تخرج بس هشام يوقفها
هشام:استني مش هتروحي قبل ما يشوفك الدكتور وتتكلموا
مريم:وأنا مش مجنونه عشان اتعالج من دكتور نفسي فاااااهم
رهف:مريم حبيبتي احنا مقلناش عليكي مجنونه انتي بس عارفه اجيبهالك ازاي.......انتي نفسيتك تعبانه وعليكي ضغوط فكريه وعقليه احنا عاوزين نطمن عليكي حاولي تفهمينا
مريم هزت رأسها ب(لأ)وتخرج برا الاوضه بسرعه والدكتور يقرب منهم
استوووووووووب"

عارفه ان البارت مش طويل ومن زمان منزلتش بس سوري يا جماعه مشغوله حبتين......يلا أنا حاسه انى بدأت أنام كدا في كتابتي
~كتاباتي لسه حلوة زي ما هي ولا افوق شويه ها
~يا تري مريم هتروح فين
~الدكتور هيقول ايه لهشام ورهف
~سيف ايه مصيره مع مريم وايه حالته دلوقتي بعد ما حبيبته اتاخدت كدا من بين ايده
~أحمد هيعمل ايه عشان خطيبته تكون له لوحده اكيد مش هيسكت على الوضع ده
~ تابعوني لكل جديد
.....على فكرة التفاعل قليل جدا وانا زعلانه منكوا اوووي اوووي اوووي بجد😓

#غمازات👑♥💎