العشق المنتظر(الفصل الحادي عشر):
الدكتور :صفاء حضري الإسعاف بسرعه نزفت كتير جدا لازم نلحقها
سيف :طيب وهي هي هتبقي كويسه ؟
الدكتور : هنعمل اللي نقدر عليه متقلقش
سيف : تمام بسرعه لو سمحت
الدكتور دخل أوضه العمليات بعد ما جهزوا مريم والعمليات اتقفلت في وش سيف .........فكر سيف أنه لازم يقول لأهل مريم بسرعه
««في بيت مريم»»
سعده:التحضيرات كثيرة والوقت قليل على فرح بنتك
محمد: اهدي بس ......انتي دايما مشغولا ولازم تخصصي وقت لنفسك تهتمي بنفسك وتستريحي
سعده وراحت قعدت جنبه بابتسامه
سعده: اهتم بنفسي قلتلي امممم
محمد : اه تهتمي بنفسك وبيا أنا كمان
سعده:امممم وبالموبايل
محمد : موبايل ايه هو الموبايل عاوز اللي يهتم بيه
سعده باستغراب : هههه بتقول ايه بقولك الموبايل بيرن
سعده قامت مسكت الموبايل
محمد بخفوت: اهتمي بالموبايل وأنا قرطاس لب هنا
سعدة : سمعتك على فكرة .........ألو
فجأه اختفت ابتسامتها ووقع الفون من ايدها
محمد : فيه ايه اللي حصل ....مالك
سعده : مريم بنتي !!!
محمد : مالها مريم احكي فيه ايه
سعده:مريم عملت حادثه
محمد واتنفض من مكانه : ايييييه
في المستشفى.....سعده وصلت عند سيف اللي رايح جاي ومحمد وراها
سعده : سيف حصل ايه بنتي مالها
سيف:معرفش الدكتور خدها العمليات ولسه مخرجتش وهو لسه مقالش حاجه
الدكتور خرج ووراه ممرضه بتحاول تلحقه وهو بيكلمها وحاله دربكه ظاهرة على وشوشهم
الدكتور : بسرعه دوروا في كل مكان بسرعه بسرعه
الممرضه وجريت :حاضر حاضر
سعده وجريت على الدكتور : قولي يا دكتور بنتي هي كويسه ؟
الدكتور :مش هقدر اقولكوا حاجه دلوقتي حالتها حرجه جدا نزفت كتير ومش لاقيين زمرة دمها لأنها وببساطه نادرة جدا .....مين أهلها ؟
محمد: احنا نقدر نساعد في ايه انا مستعد لأي شئ
الدكتور : ايه زمرة دمك
محمد: اعتقد ......بي ايجابي
الدكتور : زمرة دم المريض أوه سلبي
سيف وكأنه افتكر حاجه :لحظه لحظه انت قلت إيه زمرة دمها؟
الدكتور :أوه سلبي
سيف : طيب مستني ايه انا اهو موجود أنا زمرة دمي زيها
الدكتور : طيب يلا بسرعه
راح سيف مع الدكتور اتبرع بالدم والأم بتدعي لبنتها والأب بيدفع فواتير المستشفى وبعدها يقعد على الكرسي خايف على بنته
*عند سيف*
الممرضه : أنا رايحه شويه وهرجع اطمن عليك وانت استريح لحد ما ينتهي سحب الدم وارخي جسمك خالص
سيف : تمام
وخرجت الممرضه وهو كلم نفسه
سيف في نفسه :ايه اللي كان هيحصل لو وعدتها وأنا عارف ايه اللي بيجبرها كله بسبب الفلم بتاعي كله بسببي لما تتعافي وحالتها تستقر هقولها بالحقيقه كلها
الممرضه ورجعتله: يلا كدا سحبنا الدم☺ انت اشرب العصير عشان متدوخش
سيف:مش وقته عاوز اطمن على مريم
الممرضه :انت ممكن يحصلك حاله إغماء لو قمت من مكانك حاليا
الممرضه شافت في عيونه نظرة عناد وعدم طاعه لكلامها خرجت بس بعتتله.واحد يفضل جنبه
سيف في نفسه : أنا لازم اطمن على مريم لحد دلوقتي محدش جه قالي عنها حاجه
سيف : ممكن كبايه ميا بدل العصير ده مش عاوزة ياريت تاخده معاك
????:تمام بس افضل مكانك
سيف : اكيد حاضر
الشخص ده خرج من الاوضه وسيف قام بسرعه قبل ما حد يشوفه وهو حاسس بدوخه شديدة وفضل يتسند على الحيطان لحد ما وصل عند أهل مريم
سعده وراحتله : سيف ارتاح يا بني ده انتي مش قادر تصلب طولك
سيف :أنا بخير الدكتور قال حاجه
سعده:لا لسه العمليه طولت جدا .....ارتاح انت هنا
سيف :أنا كويس ومش عاوز أقعد
الدكتور خرج وهو بيردد شكره لربنا
الدكتور :الحمد لله العمليه نجحت وهي دلوقتي بخير
سيف:ممكن ندخلها؟
الدكتور: هي حاليا نايمه لسه مفاقتش
الدكتور مشى والأم بصت لسيف
سعده بامتنان :شكرا جدا يا سيف لولاك مكنتش عارفه هيحصل ايه لبنتي
محمد:يا ابني والله مش عارف اودي جمايلك دي فين
سيف في نفسه : لو تعرف انى السبب في اللي مريم فيه هتوديني لفوق يا عمي 😢(يا ربي فصلاااان😹😹)
سيف : متشكرونيش أنا ومريم من صغرنا صحاب وهي في معزيه أختي
محمد : ربنا يديم الاخوه بينكوا يا ابني
سيف في نفسه بصدمه: اهدي بس يا عم الحج يديم الأخوة ايه انا عاوز اتجوز البت دي أحسن ارتكب جنايه هناااا
سعده: محمد روح ارتاح شويه انت طول النهار بتجيب دوا للدكاترة .......وأنت يا سيف ارتاح
محمد مشى يرتاح وسيف قعد
سيف :أنا مش عارف قلقانين ليه انا كويس
سعده : يا ابني ده انت شربت عصير وكلت بالعافيه معرفش دماغك ناشفه كدا لمين
سيف : ههههه والله أول واحدة تقدر عليا حتى أمي مش بتقدر عليا
سعده: لأ ما انت لو دماغك ناشفه اكسرهالك أنا
سيف: وأنا تحت امرك يا ست الكل
بعد شويه وفي فجر تاني يوم سيف قاعد على الكرسي وراسه نايمه جنب مريم والأم نايمه على سرير في الأوضه في الزاويه.....
مريم صحيت لقيت مامتها وسيف جنبها حاولت تقعد بس صحي وساعدها براحه
مريم : شكرا
سيف : استريحتي لما عملتي اللي في دماغك
مريم : وهو يعني انا كان عاجبني حالي ولا كنت عاوزة اعمل حادثه قصدا
سيف : من كتر الأفلام الهندي اللي بتتفرجي عليها مريم : شوف أنا مش قادرة اناحي معاك قول اللي تقوله
سيف : اسف ارتاحي ........مريم
مريم :امممم
سيف بتردد: عاوز اقولك حاجه مهمه اوى
مريم : ايه مهم متوقعتش في حياتك حاجه مهمه سيف وموضوع مهم سوا😹
سيف : مش بهزر بجد عاوز احكيلك موضوع مهم
مريم وحست بقلق:انت كويس ؟ في ايه أحكي
سيف:أنا كنت بكدب عليكي وا........
مريم قاطعته:كدب ؟ سيف انت عارف ان اكثر حاجه بكرهها في حياتي هي الكدب وأنت صديق مقرب كذبت في ايه قول
سيف بتردد:مريم خلا.....
مريم :بقولك قول وخليك فاكر وعدك انك مش هتهزر هزار رخم تاني اتمنى ده ميكونش هزار
سكتت مريم تسمعه وهو فكر كتير واتردد بس اندفع مرة واحدة
سيف :أنا مش تعبان
مريم :قصدك ايه
سيف :كل اللي قلتهولك والدكتور قالهولك كان كدب أنا مش تعبان ولا فيا حاجه ولا مضغوط ولا مش مستحمل ضغوط ولا حياتي عليها خط.......
مريم قاطعته: انت مش تعبان وكل ده كان كدب
سيف:مريم سامحيني أنا عملت كدا بس عشان أعرف اا ...........اهميتي عندك واهتمامك بيا
مريم :كله كان كدب والصداقه دي كمان كدب
سيف :لا لا يا مريم متفهميش غلط صداقتنا دي حقيقه مش كدب وفي الأساس اللي بينا اصلا اقوى من الصداقه بكتير
مريم:كدبت عليا وأنت عارف انى بكره الكدب وكل ده عشان تدخل حياتي ودايما تضغط عليا عشان أبين اهتمامي وخوفي عليك وبقينا اصدقاء عشان تقرب أكثر وأكثر مني تعرف حاجه ....انت أسوأ من أحمد بكتير ومتختلفش عنه في حاجه كلكوا واحد كلكوا انانيين أنا بقيت كرهاك أنا بكرهك وكمان انا مصممه أكثر وأكثر على جوازي من أحمد في أسرع وقت ومحدش هيمنعني
مريم لفت وشها الجهه الثانيه وسيف صدمتين مع بعض سكتوه ( مريم هتتجوز أحمد ومصره _ مريم بتقوله أنا بكرهك)
سيف: مريم ارجوكي سامحيني
مريم : أخرج بره
سيف : مريم
مريم : قلتلك أخرج بره حالا ...امشي من هنا
خرج سيف وهو بيفكر في مريم ومريم منهارة من العياط بصمت
سيف روح ومامته فتحتله
نجوى : لايمتي هتفضل تختفي كدا فجأه مالك الفترة دي
سيف دخل بتعب مبصلهاش : مريم عملت حادثه وكنت عندها من انبارح هي في المستشفي
نجوى : يلهوووي
سيف : هي كويسه حاليا متقلقيش
نجوى : أنا هلبس واروح اطمن عليها
سيف : لا لا مش دلوقتي
نجوى : ليه البت معرفش مالها مرة خطف ومرة حادثه ربنا يصبر أهلها لازم أكون مع سعده
سيف: انتي مش شايفه الساعه كام يا امي استنى الساعه لسه 6 الصبح
نجوى : اه ملاحظتش الوقت فعلا وأنت رجعت بدري ليه
سيف : عاوز ارتاح عشان تعبان
نجوى :ربنا يبعد عنك الغمه والتعب يا بني روح ارتاح يلا
سيف : تصبحي علي خير
نجوى : وأنت من أهل الجنه
سيف في نفسه :كل اللي بيحصلك ده بسببي أنا السبب في كل حاجه انا السبب ف الحادثه دي وانا السبب في كسره قلبك أنا آسف يا مريم آسف اووى
*ايه توقعاتكوا للبارت الجاي*
*مريم هتتجوز سيف*
*فيه ناس هتقول أن مريم افورت لكن فعلا فيه ناس بتكره الكدب جدا ومش بتطيقه*
*على فكرة فيه شخصيات واحداث كتير لسه لأن دي روايه مش قصه اشطاا*
*رأيكوا يهمني*
#غمازات👑♥💎
أنت تقرأ
العشق المنتظر
Roman d'amour. . الحب اه ممكن يكون تملك لكن فيه فرق بين شخص بيتملك عشان بيحب وشخص بيتملك عشان ده شئ مختلف من نوعه وعاوز يجربه زي أحمد كدا احمد اه شب بس اتربي على الغني دايما طلباته مستجابه ومريم شخصيه قويه ومتهزتش لشكله ولمكانه اهله أو لعضلاته وشهرته مننساش أنه...
