العشق المنتظر

الفصل العشرون...

العشق المنتظر (الفصل العشرون):
*****************************
وقفنا المرة اللي فاتت لما جه رابع يوم لمريم في المخيم وصحيت مرهقه جدا من أثر العياط طول الليل على صوت فونها وكان سبب عياطها لو فاكرين انها حكت لهشام وأسر ورهف قصتها كامله عن حياتها من وهي 12 سنه تعالوا نشوف مين اتصل بيها
**************************
مريم:الو
???:الو يا مريم يا بنتي عامله ايه يا حبيبتي وحشتيني اوى
مريم:والله وانتي كمان يا مامتي وحشتيني قد ما بغير جو هنا قد ما عاوزة ارجعلكوا بسرعه واكون بينكوا انتي عامله ايه انتى وبابا ولؤي
سعده: كويسين الحمد لله ووحشتينا كلنا خدى كلمي اخوكي
لؤي:الو يا مريم كل سنه وانتى طيبه
مريم:وانت طيب يا حبيبي شكرا يا مامتي
سعده:على ايه يا حبيبتي وحشتينا هنشوفك ايمتي
مريم:على المعاد يا مامتي انا لو عليا اجيلكوا دلوقتي
سعده:لا يا حبيبتي افرحي وغيري جو مع صحباتك ....امال فين رهف ؟
مريم:زمانها نايمه لسه هروح اصحيها دلوقتي عشان تجهز للبحر
سعده:هم بيودوكوا بدري كدا ؟
مريم:ايوا يا ماما عشان الزحمه والناس
سعده:اه طيب وكل سنه وإنتي بألف خير يا حبيبتي
مريم:وانتي طيبه يا ماما مع السلامه
سعده:الله يسلمك ويحميكي يارب
مريم:يارب يا مامتي باي
تقفل مريم وتلف وشها تلاقي على المكتب وتقوم تروح عندها وتفتح الكارت وهي مفكرة أنه ممكن يكون هشام بس تقرأ
النص:كل سنه وانتى طيبه وعقبال 100 سنه
مريم:ياتري مين ده ......مش هشام اكيد هو ميعرفش أن النهاردة عيد ميلادى
تفتح الهديه وتلقيها عريس وعروسه ببدله سودا وفستان ابيض وتشغلها تعطي نغمه جميله مريم بتحبها جدا من صغرها وتشوف المرسل تلاقيه سيف تحضنها وتحطها على السرير وعنيها تدمع بس تفتكر أنها وعدته متعيطش بسببه
مريم: انا بحبك اوووي يا سيف بحبك اووى
تجهز وتنزل لرهف تيجي تخبط على الباب تفتكر اللي حصل ليله انبارح تنزل ايدها وتلف ولسه هتمشي تفتح رهف الباب
رهف:مريم
مريم بتردد:از....يك يا رهف
رهف:مالك في ايه اتاخرتي عليا ليه النهاردة
مريم :ولا حاجه ك......كنت جايالك وبعدين ....
رهف:عارفه انتي فكرتي في ايه بس عاوزاكي تنسى اللي حصل انبارح ويلا ننزل لهشام وأسر سبقوا وواقفين تحت
مريم:ب...........بس يا رهف
رهف :متخافيش يلا ننزل اسمعي كلام اختك الصغيرة
مريم:ي......يلا
وبعد ما نزلوا لقيوا هشام واسر ورايحين عليهم هشام ومريم عينهم جيت في بعض هي بصت في الأرض ووقفت مكانها
رهف وقفت:مالك في ايه .....متخافيش والله يلا نروح ليهم
وشدتها وراحوا عندهم ووقفوا قصاد بعض
هشام:ازيك يا مريم عامله ايه دلوقتي
مريم غمضت عنيها بوجع وبعدين رفعت رأسها وبصتله وقالت بتردد
مريم:كوي......يسه
آسرو رهف:يلا نمشي ولا ايه
هشام:يلا يا مريم
ومشيوا راحوا البحر والكل نزل وهشام واقف جنب مريم يبص جنبه ويتكلم
هشام: مريم قلعتك اتهدمت
مريم:اه مهو مفيش حاجه بتفضل على حالها كدا على طول
هشام:قولي لنفسك بقا
مريم وانفعلت شويه:هشام انت بتكلمني غصب عنك صح عشان تراضيني ؟ انت مش مضطر أبعد عني براحتك شوف غيري صديقه ليك
هشام:لا عشان انتي صديقه مقربه وغير كدا انتي مغلطيش في حاجه عشان مكلمكيش أو أبعد عنك
مريم بخنقه:انا مش طايقه نفسي مخنوقه وحاسه اني عاوزة اموت وارتاح بقا
هشام مسك وشها بين ايديه
هشام:مريم متقوليش كدا والله انتي كويسه ومغلطيش في حاجه بعد الشر عليكي
قعدت على الرمل وهو قعد جنبها وبصت على البحر
مريم:لا ماما وبابا اكيد لو عرفوا هيتمنوا الموت مليون مرة قبل ما يفكروا يجيبوا واحدة زيي على الدنيا واكيد هيلعنوا اليوم اللي احنا فيه دلوقتي
هشام:لا والله انتي ..........لحظه واحدة اشمعنا اليوم ده ؟
مريم بوجع:عشان انا جيت على الدنيا اليوم ده ولو مكنتش جيت كان زمانهم ارتاحوا اكيد
هشام:ليه مقلتليش أنه النهاردة عيد ميلادك
مريم بعياط:في اليوم ده انا جيت ولو مكنتش جيت ولا كنان هحب ولا هتخطب ولا كنت هكره حتى .......حتى مكنتش سودت وش عيلتي كلها ............انت متعرفش قد ايه بحبهم مقدرش أعيش من غيرهم ولا لحظه بجد قلبي يقف والله قلبي يقف بمعني الكلمه تعرف اليوم ده بالزات بفضل صاحيه لازم لازم بسهر لحد ما تدق 12 عشان اتمنى السنه الجديدة تبقى سعيدة عليا وكويسه ليا والمرادي سهرت كالعادة ل 12 بس المرادي اتمنيت ييجي عليا عيد ميلادي ده وانا تحت التراب وروحي لربنا .........
مريم بعياط أكثر :بس انا عارفه أنه حياتي بعد الجواز هتبقي أمر من الحيوانات والقطط في الشوارع بجد انا بلعن اليوم ده انت لو نعرف العذاب اللي في قلبي مش عارفه انا عايشه ازاي بس
هشام: بس بس اهدي خلاص بجد كدا قلبك هيقف فعلا اهدي بقا عشاني خاطري خلاص كفايا
مريم منهارة ومش قادرة وهشام وقف ومد ايده ليها
هشام: قومي
مريم:لي....ه
هشام:يومي بس بقولك
مريم تقف وياخدها للميه
مريم:هشام مش عاوزة ادخل انا
هشام:متخافيش مش هاخدك لجوا اوى بس الميه هتهدي اعصابك انتي مش شايفه نفسك وشك وملامحك بهتانه ازاي اتفقنا
مريم هزت رأسها براحه بدليل الموافقه وبعد وقت
مريم:هشام انا تعبت هخرج
هشام:ماشي هدخل انا شويه واجي
مريم:ماشي
وتقعد مريم على الشط وهشام جوا في الميه، وبعد وقت مريم بتراقب أم وبنتها صغيرة في العوامه وآلام تسيب العوامه بتاعه بنتها وتلعب مع جوزها بالميه وتشوف مريم موجه في الوقت ده جايه من بعيد هتقلب العوامه بتااعه البنت الصغيرة تقوم مريم بسرعه على الميه والعوامه بتفقد توازنها والبنت هتقع
العوامه خلاص اتقلبت😳😳 بس مريم بسرعه شدت الطفله على دراعها وعطيت ضهرها للموجه ومسكت البنت جامد وغمضت عنيها وتعدي الموجه ومامت الطفله تجري على مريم وتاخد بنتها وتحضن وتبوس فيها وهي خايفه وبتطمن على بنتها
الام:شكرا شكرا ليكي بجد بنتي حبيبتي بجد شكرا انا على ما شفت بنتي كانت هتغرق ومكنتش هلحقها بس انتي بجد انقذتيها مش عارفه اقولك ايه شيلالك جميلك ده فى رقبتي طول العمر لولكي كانت سما .........
الام دمعت:ااه يا بنتي يا حبيبتي
مريم: ولا يهمك هي القمر دي اسمها سما
الام:ايوا أول مولودة ليا كنت هضيع من بعدها اروح فيها بجد شكرا
مريم:العفو اتفضلي اسور بنتك شبك في هدومي والف سلامه عليها
الام:الله يسلمك اسمك ايه بقا عشان لما بنتي تكبر اقولها اسم القمر اللي لحقتها ورجعتهالي سليمه انتي هتبقي بطله في عيني وفي عين بنتي لحد ما تكبر
مريم:شكرا ليكي والله مفيش داعي غيري كان هيعمل كدا بردوا انا اسمي مريم
الام :اتشرفت بمعرفتك يا مريم متشكرة
مريم:الشرف ليا
الام : يلا Good bye
مريم:باي مع السلامه يا سما باااااي
تمشي الأم وييجي من وراها هشام وهي تلف وشها تتخض
مريم بخضه:ايييييه? خوفتني
هشام:بقيتي بطله بدري بدري
مريم:ظريف بطل رخامه بقا ده لو كنت مكاني اكيد كنت هتعمل كدا
هشام:بصراحه لأ
مريم :يا مفتري سما كانت تموت
هشام:لحظه ! مين سما
مريم:النونو اللي لحقتها من شويه اسمها سما
هشام:طب يا منقذة البحر يلا نمشي
مريم:منقذة بحر ايه بس وانا مبعرفش أعوم
هشام:وانقذتي البت ازاي وانتي مبتعرفيش تعومي
مريم:مس بنت اسمها سما وبعدين انت شفتني مش بعرف غرقت كذه مرة ولا ايه
هشام ومريم وصلوا الشط وقابلوا رهف
رهف:مريم اتبليتي كدا ازاي ؟ اوعى تكوني غرقتي ثاني
هشام:معانا واحدة منقذة بحار
مريم:كفايا بقا
رهف:تقصد ايه هو قصده ايه يا مريم
هشام:متعرفيش أصل صاحبتك لحقت بت من الغرق
تبصله مريم بغضب
هشام:ااصد مريم أنقذت سما من الغرق
رهف:مين مريم ومين سما
مريم:ونبي ؟!!! عموما سما دي بنوته صغننه كانت في العوامه ومامتها بالغلط سابتها وكانت الموجه هتقلبها وأنا لحقتها وهو بقا بيقول اني كدا منقذة بحر
رهف:هههههه مهو معاه حق
مريم:يا رخمه هو اللي اخواكي ولا انا اللي اختك الكبيرة
رهف:معاها حق هشام بطل عبط
هشام:اييييه! عبط !!
وبعدين مشيوا رهف ومريم وهم بيضحكوا
خرج آسر ووقف جنب هشام
آسر:مالك يا بني يلا نمشي ولا ايه
وأسر مشى وهشام راح وراه
هشام:احيه البت اتقلبت عليه واتحدوا مع بعض ضدي
ويوصلوا المخيم ويروحوا كالعادة ياخدوا شاور وتطلع مريم على مذاكرتها وتفضل فترة بعد الغدا تلاحظ بعد ما قعدت وفتحت الكتاب أن محدش كلمها ومتجاهلينها وتقوم عشان تروح وترجع ثاني مريم بزعل:لا بلاها من بعد اللي قلته انبارح جايز عايزين وقت شويه من غيري
وترجع ثاني وتكمل مذاكرة وساعه العشا تسمع المزياع بيعلن عن إلغاء الخروجه بتاعه بليل لأن مالك المخيم هيحضر بكرا يشوف التغيرات بس البحر بكرا في معاده ..........وبعد العشا طلعت على أوضتها ولاحظت أن ولا رهف ولا هشام حتى آسر مبانوش خالص تفتح تفتح باب الاوضه تلاقي على سريرها هديه تفتحها تلقيها سواريه وترحه وبادي وكارت تفتحه وتلاقي المكتوب
النص:ألبسيه على الساعه 7 واطلعي المبنى الثاني
مفهمتش حاجه بس بصت على الساعه لقيتها 6:15 وتروح تجهز وهي نازله متشوفش حد في المخيم تتردد بخوف بس تطلع وتشوف العنوان"ثاني باب على اليمين افتحيه وادخلي"
تكمل السلم وتدخل من الباب تلاقي المكان ضلمه والباب اتقفل تلف وشها بخضه وتلاقي ايد اتحطت على كتفها وتتحرك بضهرها لورا بخوف لحد ما النور يفتح فجأه تلف ثاني تشوف مكان واسع ومتزين والبلالين في كل مكان على الحيطان وفي السقف وعلى الأرض وقدامها شباب وبنات كتير بيصرخوا باعلي صوت
:مفااااااااجاااااااااااة
ومريم تحط ايدها على ودانها بخضه وتقرب بنت وهي بتشيل القناع من على وشها وتطلع رهف
مريم:رهف! دي انتي ؟ هو فيه ايه ؟
رهف:هههههههههههه
هشام وقرب:يا عيني براحه على البت مصدومه
الكل يضحك
رهف:ههههههه كل سنه وانتى طيبه يا مريم ايه رأيك في المفاجأة دي حلوة صح
مريم:يا مفتريه كان قلبي هيقف اكيد دي فكرته مش كدا
رهف:امال يعني بس بجد ايه رأيك
مريم:بصراحه حلوة ........انا رايحه بقى اذاكر
وتلف وشها وتمشي يجري هشام ويقف قدامها
هشام بصدمه:ايه يا ماما كله كدا مذاكرة خلي لينا وقت بلاش لينا خلي ليكي راحه على الأقل ده النهاردة زي عيد ميلادك يعني ........انتي مفكراني خدام عندكوا حرام عليكي بعد كل اللي عملته ده وعشانك وانتي رايحه تذاكري يا مفتريه فعلا تستاهلي قلبك يقف😒😒
مريم:وأنا اعملك ايه يعني انا ماشيه
وتعدي من تحت دراعه وهو ينزل دراعه بصدمه ويفضل سرحان مش قادر يتكلم من الصدمه بس يفوق على صوت ويبص يلاقي مريم لفت من وراه وراحت حطت دراعها على كتف رهف
مريم:ههههههههه دي صدمه العمر دي😉😂 هههههه الولا هيموت .......بس دي حق قلبي اللي كان هيقف من 5 دقايق بس
الكل يضحك اوووي على تصرفاتها المجنونه
مريم:هشام يا هشام انت يا بني فوق متت ولا ايه هههههههههه
رهف:ههههههههههه .....مش قادرة يخربيتك فعلا صدقت انك مشيتي
هشام وفاق:بقا كدا بس عارفه مش هكلمك احتراما أن النهاردة عيد ميلادك بس يلا يا رهف خديها تختار قناع من هناك
مريم تبص لمكان ما شاور
مريم:يا نهااااار ايه كل ده ده أنا هلبس قناع واحد بس
هشام :ده يومك ومسموحلك بكل حاجه واحنا تحت امرك😂😌❤ ده حتى محدش ضامن بكرا😉😂😂
مريم:يخربيتك هتموتني بدري بدري
هشام:بدري مين مش شايفه نفسك ! شويه وهنوديكي تعاشري القمر
مريم :على فكرة دي كلمتي وليك مش ليا
هشام:وليه ميكونش ليكي يعني ده انا حتى لسه قمر
آسر:ايه ايه حتى النهاردة هتتخانقوا ده حتى يوم عيد ميلادك يلا يا رهف خليها تختار قناعها
رهف:اه والله ده حتى المفتري من الصبح مش مخليني اكلمك عشان بس خططه تنجح
مريم وهشام:ههههههههه
رهف:اضحكوا اضحكوا يأت يا بنتي نشوف قناعك عشان الحفله تبدأ
مريم :يلا
وخدتها يختاروا قناع
رهف:ايه رأيك في ده
مريم :لا استني ده احلى
رهف:معتقدش هيليق
مريم:استني هجربه وتشوفيه
ولبسته ورهف انبهرت فعلا حلو جدا على مريم ولايق على لبسها ولفه وشها
رهف:وااووو فعلا يا مريم تحفه ولايق جدا
مريم:حاسه ان شكلى اوفر اوووي
رهف:لا والله جميله اووى
مريم:مرسى بس ازاي مش كانوا مانعين الطلوع هنا ازاي بقا دي جي وزينتوا المكان
رهف:هههههههه هشام يا ستي عمل مواهب متعرفش حتى قلهم ايه
رهف:هقولك😹😹💔
*فلاش باك*
هشام راح عن المسؤول وخبط
هشام :ممكن ادخل
المديرة :اتفضل
هشام:ممكن طلب صغير
المديرة :اتكلم سمعاك
هشام:بس كنت عاوز اعمل حفله في المبنى الثاني لو ممكن يعني
المديرة :اسفه بس ده مخاللف لقوانين المخيم مش مسموح حفلات من الطلبه أو انكوا تروحوا المبني الثاني يا دكتور
هشام:بس دي مجرد حفله عيد ميلاد لدكتورة معانا مش حد من برا وغير كدا هتبقي شقه واحدة من المبنى وتكون واسعه
المديرة:سوري مقدرش اساعدك يا دكتور اتفضل أخرج
يخرج هشام ويقفل الباب
هشام لنفسه:انا اطرد ونبي لاخليكي توافقي وبارادتك الكامله ده انا هشام
ولما ييجي معاد الغدا المديرة رايحه المطعم من طريق معين تسمع صوت غريب أنه بنت وولد تقلق على سمعه المكان وتروح بسرعه وتسمع
رهف بعياط:هشام مش عارفه هنعمل ايه دلوقتي دي مشكلة كبيرة
هشام:انا مقدرك يا رهف صاحبتنا مريم مش هتقدر تحقق آخر امنيه ليها
***************************
تقاطعها مريم وهي بتحكي
مريم:نعم ياختي قصده ايه بآخر امنيه دي
رهف:اسكتي ومتقاطعينيش هكمل اهو
تكمل****
*************************
رهف عيطت أكثر:بس يا هشام لازم لازم حرام والله
هشام:اصبري بس اهدي انا عارف ان مريم بتمر بفترة صعبه وممكن تموت في أي لحظه بسبب سرطان الدم اللي عندها
رهف :لا لا متقولش كدا مريم هتبقي كويسه
وتعيط أكثر وتقرب منهم المديرة يغيروا ملامحهم أنهم اتفاجؤوا بيها (يا ولاد اللعيبه😹😹😹💔 شابو ليكوا بجد👏😹😹💔)
المديرة :انا اسفه يا ولاد مسمعتكوش للآخر يا هشام تقدر تعمل الحفله وأنا هاخد المشرفين والمدرسين في اجتماع بعد العشا وانتوا تقدروا تأخدوا راحتكوا ومحدش هيزعجكوا
رهف:........
هشام بتأثر:شكرا شكرا ليكي مش عارف اشكرك ازاي قلبك طيب اوى
المديرة :مفيش مشكله يلا Good bye واا......صح تقدروا تأخدوا ثاني باب على اليمين في المبنى الثاني الاوضه دي واسعه جدا هتساع حفلتكوا
هشام:شكرا ليكي مرة ثانيه
وتمشي وأسر يظهر من ورا الشجرة ويضحكوا جامد كلهم
هشام:ههههههههه مش قادر .......إحم رهف هنا بقا ييجي دورك
*باااااك*
رهف:ههههه بس يا ستي وبعدين ظبطنا كل حاجه وهو قالي اتجاهلك ونحاول منظهرش قدامك كتير
مريم:سلطان يا مفتريين مش قلتلك ما هيصدق يخلص مني بتفولوا عليا بالسلطان اشوفه انا بس راح فين المخفي ده
رهف:بصي هناك اهو .....هشام
مريم:هو هيعمل ايه دلوقتي عند الدي جي ؟
رهف:معرفش تعالى نشوف
وراحوا عند الدي جي بيفكروا هشام هيعمل ايه
هشام :مساكوا حلو عليكوا يا جماعه وانتوا طبعا عارفين احنا هنا ليه عيد ميلاد الدكتورة مريم أقرب صديقه لينا يلا الكل يقولها كل سنه وهي طيبه
يقرب الكل ويعايدها
هشام:ودلوقتي كفايا تهنيأت احنا دلوقتي بدأنا الحفله والملل واللي عاوز يذاكر ملهوش مكان معانا يروح على أوضته
تلف مريم وشها ولسه هتمشي ينط هشام من عند الدي جي ويروح عندها
هشام:اسمعي للآخر يا دكتورة .......بقدر يروح اوضته يوريني كل كتبه عشان اولع له فيها 😌👏 وقفتي ليه يا مريم تعالى يلا
مريم تبص في الأرض وتضحك جامد وهشام يبصلها ويضحك كمان وبعدين يرفع الميكروفون عند شفايفه ويكمل
هشام:يلا يا جماعه نبدأ برقصه ثنائيه كل ثنائي يروح هناك والرقصه هتبدأ وآخر حاجه يا شبااااب الجنووووون هيبداااااا يلاااااا
والدي جي يشغل موسيقى ويمد هشام ايده لمريم هشام:تسمحيلي بالرقصه دي
مريم:أي نوع من الرقص ده
هشام :Esloow
مريم:إحم بس انا مش بعرف
هشام:امال بتعرفي ايه
مريم:مش بعرف أرقص اصلا خالص
هشام:انتي مبتعرفيش حاجه خالص كدا
وشد ايدها معاه في مكان الرقص
هشام:انا هعلمك تعاالي
مريم:بس يا هشام هعمل حاجه مش عارفاها
هشام:سهله حركي رجلك زيي
يحط ايده حوالين وسطها تتخض اوى ويتنفض جسمها
هشام:لو مش مرتاحه قوليلي وأنا هبعد على طول
مريم:لا م......مفيش مشكله بدأت اتعود انا اصلا معتبراك زي اخويا
هشام: ما انتي اتعودتي بسرعه اهو 😉😂😌
مريم ابتسمت بتوتر:ااا.....ايوا
هشام:بصي انتي عارفه باقي الرقصه يعني هتكمليها للآخر
مريم:بيتهيألي اه بشوفها في الTV وكدا
هشام:يعني انتي عاررفه انك هتلفي على كل دول ترقصي معاهم
مريم:ايييييه! هشام بتهزر لا لا ده غلط كبير
هشام:عادي لا غلط ولا حاجة ايه رأيك هنخليها من 3 بس
مريم:هتفرق في ايه يا هشام ما هي هياها بجد بحس بغلط كبير
هشام:اه قصدك أنهم هيلمسوكي
مريم:امال هيكون ايه غير كدا يا هشام مش هبقي مرتاحه
هشام:بس هم مش هيرقصوا معاكي كدا باقي الرقصه هتكوني بعيد عنهم مسافه انتي بس هتلفي معاهم
مريم:لا يا هشام مش مرتاحه
هشام :هقولك احنا هنعمل زيهم حاولي تركزي اتفقنا
مريم:خلاص يا سيدي اتفقنا
هشام:اجهزي يلا هنتحرك
ورفع ايده بدراعها أنه هيلفها
هشام:جاهزة
مريم:ا.......ااه جاهزة
ويلفها وتروح في ايد شخص ثاني ويكون جنبها رهف في ايد هشام تبتسملها تطمن شويه وتركز مع النغمات وتلف مرة ثانيه وبعدين تتعود على الرقصه لحد ما تلف ثاني والمرة دي اللفه طووويله وهي سابت نفسها للرقصه لحد ما وصلت في ايد تالت شخص ولمست ايده فتحت عينها وبصت في عيونه وهو حاطط القناع وكملوا رقص تبتسم
مريم بهدوء:انت مفكرني مش هعرفك بالقناع اللي انت حاطه ده
استوووووووب
.
.
.
.
.
.
.
.
.
الشتيمه حررررااااام يا جماعه👏😹
،ياتري مريم كلمت مين اكيد خمنتوا
،ياتري ايه هيحصل في ثاني يوم
،باقي الأيام في المخيم هتمر على الأبطال ازاي
،بعد المخيم ايه اللي هيحصل مع مريم
،فينك يا احمد تبوظ فرحه مريم😂
.
.
#غمازات👑♥💎