العشق المنتظر(الفصل الثامن عشر):
*******************************
رهف راحت تنادي على مريم عشان اتأخرت وهشام مستني وهو متوتر ياتري هتقبل هديته ولا لأ
*****************************
هشام وأسر بيلتفتوا فجأه يلقى رهف ومريم نازلين وبيقربوا منهم ،،،،،هشام سرح في مريم بالفستان وفرح اوووي من جواه أنها لبسته
رهف:هاا .....ايه رأيك😹
هشام:...........
رهف:يا عم انت ايه رأيك
هشام:...........
مريم طلعت دبوس وشكيته في دراعه وهو فاق ورهف واسر ضحكوا
هشام:اااااه يخربيتك عملتي كدا ليه
مريم:بصحكيك ، شكلي هبقي المنبه الخامس بتاع حضرتك
هشام بهياام:وليه لأ
رهف:احيه
مريم:نعم على كدا بقى هشتغلك طول عمري انا
رهف:اسكتي بس .......مقلتليش يا هشام تنفع ملكه جمال صح
هشام:.......
مريم:ملكه جمال ايه اتوكسي ملكه جمال عصور ما قبل التاريخ
هشام وشاور على القمر: لا طالعه شبه دهو
مريم:مرسى
هشام وكاتم ضحكته :منقطه وفيكي براكين وفتوحات هههههههه
مريم بصدمه:ايييه
رهف:ههههههه يا ربي .........لا بيهزر يا مريم
هشام:لا انا بقول الحقيقه طالعه شبهه اوى بجد
مريم اتعصبت واستعدت تجري وراه وهو خد باله وجرى
مريم :انااااا ! وأنا اللي كنت ناويه اشكرك ده انا هولع فيك ووراك الفستان ده
وطلعت تجري وراه في المخيم كله لحد ما......
مريم اتكعبلت في حجر وكانت هتقع بس ايد سيف مسكتها وفضلوا يبصوا في عيون بعض بسرحان وهو سرح في جمالها كان بيتمني لو يخطفها في حضنه بعيد عن كل دول بعيد عن عيون الشباب بعيد عن العالم كله تبقى معاه وبس تبقى ملكه تبقى ملكه جماله هو وبس تبقى مراته هو وبس .......فاق على مريم بتحرك رأسها عشان تفوق من سرحانها وبتردد رفعت نفسها عنه وبعدت عنه
مريم:انا .......انا اسفه
سيف:لا لا ولا يهمك ابقى خدى بالك المرة الجايه
مريم هزت رأسها لتحت وسيف مشى وهشام قرب بسرعه ليها
هشام:انتي كويسه ؟ .......حصل ايه
مريم بهدوء :ولا حاجه يلا نمشي المخيم سبقنا
هشام لاحظ تغيرها وأول ما خلصت كلام مشيت سرحانه وسابته وبعد وقت أسر ورهف وهشام ومريم في الآخر ورا الدفعه
مريم في نفسها:لو مكنتش قلتلي اني طالعه حلوة في الفستان ده مكنتش لبسته ،سيف رأيك يهمني اووووي واللي يعجبك يعجبني
*فلاش باك*
مريم لبست الفستان في أوضتها وبصت لنفسها في المرايا وحست بايد بتتحط على كتوفها وبيلفها وهو بيبص عليها في الفستان وهي بتلف في دايرة وبتعرض عليه الفستان وبعدين وقفت ثاني وشها للمرايا وهي شايفه انعكاس سيف بيعملها أشارة أنه الفستان حلو وغمزلها بابتسامه واختفى ......مريم لفت تشوفه ملقتوش عرفت أنها كانت بتتخيل
*باك*
مريم ابتسمت على التذكر ده .....فاقت على هشام بيغزها في دراعها
هشام بيناغشها: ايه مالك ما كنا كويسين وفايقين نولع فيها وفي الفستان
مريم:ولسه متقلقش مش انا اللي ارجع في كلمتي😌 فيك ووراك الفستان بس بعد ما نرجع عشان عجبني وهكمل بيه خروجه النهاردة
وبعدين وصلوا سوق الهدايا وبدؤا من الملاهي وبيت الرعب كان أول لعبه
رهف: مش هتركبي؟
مريم:لا بتدفعوا فلوس عشان تخافوا وتضربوا وتطلعوا تعالى انا اضربك أحسن اهو توفري فلوس رهف:لا ياختي خلاص خليكي انا داخله
مريم:غوري ......وانت مش هتركب معاهم ليه
هشام:لا التوفير احسن
مريم:والله وطلعت بتفهم وعارف التوفير
هشام:من ايمتى بقا ان شاء الله وأنا مش بفهم
مريم:ياااااه من لما اتولدت
هشام:ده انتي واحدة مستفزة مش كنا نسيبك جنب كتبك اهو تذاكري شويه وتريحينا
مريم:انا موافقه يلا نرجع
ولفت وشها ولسه هتمشي هشام وقفها
هشام:استني بس انتي ما صدقتي اترزعي هنا اهو
وقعدها
مريم:ما انت مرزوع جنبي
هشام بصلها ونفسه ياكلها وهي عارفه وساكته ومبتسمه بسكوت
هشام:بصي بصي ههههههه شاشه العرض شوفي ايه اللي بيحصل
مريم:يخربيتك يا رهف مجنونه ههههههه
هشام:وبصي أسر ؟ على اساس ان كدا هيحميه مجنون وربنا عبيط😹😹💔
رهف خايفه ومرعوبه وماسكه في الكرسي وبتصرخ ،أسر رافع الجاكت بتاعه على راسه عشان مينضربش على قفاه😹😹😹
وبعدين خرجوا وشافوا مريم وهشام بيبصلهم وساكتين قربوا منهم
رهف لمريم:مش يلا ولا ايه
أسر لهشام:يلا يا عم ولا ايه
مريم وفتحت في الضحك: يلهوي يا رهف كنتي مسخرة هموت😹😹💔
هشام:احيه على كدا انا لو كنت دخلت كنت اتعجنت وطلعت فطيرة هههههههه مش قادر هههه
رهف:اضحكوا اوى ما انتوا مكنتوش لابسين النضارة وشايفين اللي احنا شايفينه
آسر:يلا يا بنتي دول هيزلوا أمنا على اللي شافوه
ومسك ايد رهف ومشيوا
مريم:ههههههههه
هشام:ههههه عمره ما هيتغير فالح بس يتشطر عليا ولما ييجي الدور عليه يضرب بوز
مريم: ورهف هبله وهتفضل هبله طول عمرها هههههههه
وبعدين كملوا على الملاهي لحد ما وصلوا لآخر حاجه وهشام طالع
مريم: بصوا مين كان بيتكلم عن التوفير
هشام:التانيين بالنسبه ليا هبل أما دي انا بحبها ومش بفوت فرصه إلا واركبها
مريم: اه طيب خلاص أطلع يلا الدور هيبتدي
هشام:يلا انتي كمان انا دفعتلك وعامل حسابي عليكي تطلعي معايا
مريم:لا لا رجع فلوسك مبحبش اركب ملاهي اصلا هشام:يلا هتركبي وأن كان على التوفير فأنا اللي دافع مش انتي
مريم:لا والله مبحبش اركبها
هشام نزل شدها ركبها وركبلها حزام الامان وقعد في الكرسي اللي جنبها أول ما ابتدت اللعبه تتحرك مريم حطت ايدها على ايد هشام بخضه وهلع وغمضت عنيها هشام ابتسم وحط ايده على ايدها واحتوي ايدها بين ايديه (أبعد ايدك ياض مريم لسيف😒👊😹😹)
وبعد ما خلصت اللعبه وقفت جه الشب وفك لهشام ومريم الحزام ، مريم أول ما وقفت وقعت لورا وهشام سندها بسرعه
هشام:ايه ايه خدى بالك
مريم:حرام عليك في حياتي كلها عمري ما وكبت اللعبه دي
هشام:ده بدل ما تشكريني اني ركبتهالك لأول مرة
مريم:طب يلا بس ننزل من هنا
نزلت وهشام ساندها وهي دايخه
رهف:ايه مالك
مريم:المفتري ركبني البتاع ده .......مش قادرة حاسه رجلي مش شايلاني والارض بتلف بيا وكل مكان بيلف حواليا يااالهوووي
بصيت عليهم لقيتهم بيضحكوا
مريم:يعني الحاله اللي انا فيها دي تضحك
هشام:فيها ايه يعني دي مرة للدرجادي بتدوخي
مريم:عقدتني من أم البتاع دي قابلني ان سمعت كلامك ثاني في حاجه
رهف:طولي بالك بس واهدي
مريم:اهدي ايه وزفت ايه مرة يغرقني في ميا ومرة يركبني البتاع دي. اااه يا دماغى مش قادرة
هشام:ما خلاص يا بنتي جبتيلي صداع حاسس ان دماغى هيقع من جسمي
مريم:بجد😃 طب يلا نرجع المخيم
هشام:احيه انتي ما صدقتي واستحليتيها
رهف:كنوا بقااا انا اللي هيجيلي شلل من خناقاتكوا وشكلكوا المستمر
أسر:يلا عشان رايحين على الشط
هشام:يلا ياختي منك ليها
رهف:ده محترم اووى علمتيه الأدب الأيام دي يا مريم شكرا😂💪
هشام:بت انتي هولع فيكي اتحركي
ومسكها من خصله شعرها ومشها جنب آسر ومشى هو جنب مريم
وبعد وقت في الطريق للبحر
مريم:انت استحليت المشي جنبي ولا ايه
هشام:وفيها ايه يعني أسر ماشي جنب رهف عادي يعني
مريم : طبعا فيها بت يا رهف استني
ومدت ايدها وكانت هتمشي بس هشام جرى وراها وسحبها من دراعها وشدها لورا تمشي جنبه
مريم:اييييه ليه كدا بقولك مينفعش انا همشي معاهم مش عايز تمشي لوحدك تعالى امشي معانا أو خليك مكانك
هشام:لا مش همشي لوحدي وهتمشي معايا
مريم باستغراب:انت ليه بتحب تجبرني على كل حاجه انت بتحبها ؟ الأول اغاني وبعدين الخروجه بعدين البحر والموج واللعبه ودلوقتي
هشام بسرعه:عشان انا ............(سكت)
مريم:اه عشان انت ايه
هشام:لا ولا حاجه
مريم:لا بجد في ايه
هشام :والله مفيش حاجه
مريم:خلاص طالما مفيش تعالى نرجع نمشي سوا احنا الاربعه سوا
ومشيت بس رجع ثاني شدها
مريم:مش كنا خلصنا
هشام:على فكرة انتي مستفزة ورخمه اوي😒
مريم :ما انا عارفه ومرسى على الشتيمة
هشام:عارفه نفسك يعني ؟
مريم:فيه حد مش عارف نفسه ؟! اكيد لأ وطالما انت مش طايقني للدرجادي لازق فيا ليه ما انا كنت لوحدي انت اللي خليتنى اقبل صداقتك انت عقدتها عليا
هشام بصلها بهياام وحط ايده في جيوبه
هشام :تصدقي معاكي حق انتي اللي جذبتيني
ليكي
مريم طلعت لقدام ومشيت جنب رهف وهي بتفكر في كلامه وازاي جذبته ومش فاهمه إي حاجه ،هشام افتكر كل لحظاته معاها وكل خناقاتهم وابتسم على الذكري دي
هشام:ايمتى بقا هقدر اقولك
*******************************
وفضل سرحان طول الطريق
مريم لرهف:هو ماله ده سرحان ليه ؟
رهف:وأنا إيش عرفني اسأليه
راحت مريم عند هشام وغزته في دراعه هزز راسه وبصلها
مريم:مالك
هشام:ولا حاجه
مريم بتريقه: من لما لبست الفستان ده وانت سرحان لكون سحرتك بجمالي الخلاب ولا حاجه 😹😹
هشام بهياام:اه معاكي حق فعلا سحرتيني من أول مرة شفتك فيها
مريم ابتسامتها اختفت وتنحت
مريم.بخوف:ت........تقصد ايه
هشام:لا ولا حاجه هتعرفي بعدين
مريم في نفسها:ممكن يكون..............لا لا مستحيل انا بتباهي بنفسي زيادة عن اللزوم مش لدرجه 3 مستحيل اكيد انا غلطانة اكيد
هشام:مش انا لوحدي اللي بسرح ...روحتي فين
مريم:لا مرحتش في حته انا اهو ......هو لسه كتير على البحر احنا من زمان بنمشي
هشام:لا اهو هناك يلا
وبعد ما وصلوا البحر هشام قاعد على السور قدام البحر ورهف وأسر بيتمشوا وبيضحكوا ومريم بتتمشي على البحر وفستانها طاير زي الحريات ومنظرها جذاب تحت نظرات هشام اللي سرحان فيها ،نزل وراحلها
هشام:ايه الأب خلاكي تقفي كدا في الميه الفستان اتبل وبتبصي على ايه هناك البحر فاضي
مريم بجديه وسرحان:عاوزة أسألك سؤال بس جاوبني بصراحه
هشام:قولي اكيد هجاوبك بصراحه انا مش بحب اللف والدوران
مريم:وأنا مبحبش غير الحقيقه والصراحه
هشام :قولي بقا خلصيني
مريم :انت بتحاول تقرب مني عشان.......ااصد يعني ......خلاص أسهل ......انت ليه بتقرب مني؟
هشام:..............
مريم:سكت ليه رد لو سمحت ...........هو انت يعني ........ب.......تح........بني
هشام بصلها بصه طويله وضحك
هشام:هو باين عليا للدرجادي 😍
مريم بصدمه:يعني انت فعلا .......
هشام:ايوا يا مريم انا معجب بيكي جدا ومكنتش عارف احكيلك ازاي بس انتي عرفتي
مريم عينها اتملت دموع على هشام وخايفه تكسر قلبه هي عمرها ما هتبقي ليه ولا قلبها لأن جسمها مع أحمد وقلبها وكيانها كله مع سيف حب عمرها وبس
**********************************
هشام استغرب من سكوتها فجأه
مريم:انا اسفه يا هشام على اللي هقوله بس مينفعش ......علاقتنا بس صداقه متدمرهاش بحاجه ثانيه اللي بينا صداقه وبس
هشام وكشر :بس ليه ؟
مريم:هو كدا مينفعش وبس
هشام:بس اكيد فيه سبب اه فهمت ..........عايزة وقت تفكري وكدا خدى وقتك انا مش مستعجل مش هتفرق معايا
مريم:لا يا هشام مش مسئله وقت ده .....
هشام قاطعها:فهمت قصدك على الوضع المادي وكدا
مريم بنفاذ صبر :مش فاهمني
هشام:قصدك يعني مش مستعدة للارتباط عشان عقدة الرجاله ده موضوع ونقدر علي..........
مريم مسكت ايده فتحتها وحطت ايدها على ايده مريم: هشام انا مخطوبه
هشام انصدم وبص للخاتم في ايدها وبصلها ثاني وهي بصيتله وزعلت عليه
مريم:انا اسفه اوى يا هشام عشان كدا انا مكنتش عاوزة اتصاحب عليك بس انا شفت انك مصر اووى ومرضيتش ازعلك وكمان استلطفتك وشفت انك صديق جدع .........بس متقلقش هتلاقي احلى واحسن مني كمان ده كل اللي اقدر اقوله أرجوك متزعلش انت كويس وحلو ولطيف وطيب وفيك كل حاجه حلوة ده مش حب ده إعجاب بس ويومين وهيختفي الاعجاب ده وهيبقي حاجه عاديه زي هديه بنتعلق بيها في الأول بعدين بتبقى عاديه بالنسبه لينا وكدا بس علاقتنا مش هينفع تكون أكثر من أصدقاء انا مرتبطه بغيرك رسمي ...............هشام انت ليه ساكت ليه مش بترد ......رد عليا يا هش..........
هشام سابها ومشي بسرعه وشافوه أسر ورهف وكانوا رايحين وراه بس مريم وقفت رهف وأسر سبق لصاحبه بقلق
رهف:هو فيه ايه يا مريم
مريم:سيبه لوحده دلوقتي
رهف:بس فيه ايه ايه اللي حصله
مريم حكيتلها على كل حاجه
رهف:لا بتهزري انا عمري ما شفته زعلان كدا عمري ما شفت زعله اصلا يا مريم
مريم بوجع:مفيش حد فينا بيواجه صدمات في حياته يا رهف .............هو مصدوم بس هيتقبل بسرعه ان شاء الله وبصراحه خايفه عليه وصعبان عليا الوضع حساس هنا يا رهف هو اتوجع
رهف: وأنا كمان خايفه أكثر منك هشام مش من النوع اللي بيسكت ده بيعمل أي حاجه عشان اللي عاوزه يكون ليه
.
.
.
$عند آسر وهشام$
دخلوا المخيم وفي اوضه هشام آسر اتكلم
آسر:مالك يا بني فيه ايه بقالك ساعه واقف مبتتكلمش ايه اللي غيرك ما انت كنت كويس وبتهزر انا عمري ما شفتك كدا................لحظه لحظه انت قلتلها صح ؟ ايه اللي حصل قولي ريحني ونبي
هشام بصله بصه طويله بعدين اتنهد بوجع واخد نفس طويل
هشام بوجع:الوحيدة اللي وقعت في حبها يا أسر طلعت .......مخطوبه يا صاحبي
آسر اتصدم وهشام طلع البلكونه وأسر وراه
هشام:انا مش مصدق نفسي ايه اللي عملته في حياتي عشان اتجازي بالشكل ده حاسس ان قلبي هيقف بجد قلبي هيقف
آسر حط ايده على كتفه:هدى نفسك وفيها ايه يعني مخطوبه دور على غيرها ومش هي الوحيدة في العالم هتلاقي غيرها واحسن كمان
هشام بعصبيه لفله:مستحيل يا آسر هي الوحيدة اللي لحد دلوقتي قابلتها مفرقش معاها اسمي وشهرتي ولا طمعانه في فلوسي حسيت في نظرة عنيها دايما حزن طفله حسيتها في نفس الوقت شجاعه وشخصيتها قويه ليها كيانها وشخصيتها يا آسر تحسها جوهرة شفت فيها حنيه بجد فكرت فيها لو دخلت على اهلي مش هتبص على الفيلا عندنا أو التحف اللي فيها هتبص على اهلي وهتكون فرد منهم هتكون بنتهم مش مرات ابنهم
آسر بوجع على صاحبه:ياااااه يا صاحبي كل ده فى كام ساعه بس ؟!!!!!
هشام:يا آسر دي مختلفه مفيش زيها ابدا لقيت وسافرت كثير روحت وجيت كتير ومشفتش زيها ولا بنت مفيش بنات زيها مفيش
آسر:طب تعالى بس ارتاح والصباح رباح المهم راحتك عندي كدا نام واهدي شويه على الاقل حاول
ونيمه وغطاه والباب خبط
مريم:ممكن ادخل
آسر كان هيرفض:ّ...........
هشام:اتفضلي طبعا
مريم ودخلت:عامل ايه دلوقتي
هشام:كويس ايه يعني مالي انا مش تعبان اصلا ليه السؤال ده ؟
مريم بابتسامه:ماشي انا هخليك لوحدك وأسر كمان يلا يا آسر
آسر وبص لصاحبه:بس .......
مريم:يلا يا آسر ولا ايه .......!!
آسر:يلا جاي وراكي
وخرجوا وهشام سند راسه ونام
****************************
هشام واقف في مكان ضلمه وشاف خيال بنت معدى من قدام شارع راح جرى وراه وهو بيردد اسم مريم لحد ما قال
هشام:يا بنتي مفيش غيرنا في المكان انا بكلمك انتي ردي عليا بليز اقفي انا عاوزك
والبنت وقفت وهو وقف باصصلها وهي ضهرها له ببطئ بيمد ايده براحه عشان يحطها على كتفها وهو حاسس بالغرابه وحاسس أنها مش مريم لأن البنت أطول ومش بتلف طرحتها زي مريم ومش بجسم مريم بظبط ولا ايد مريم ومفيش في ايدها خواتم ولا حاجه وقبل ما يلمسها اختفت
وقام هشام من نومه مفزوع أو ما البنت اللي قدامه اختفت واتحولت لتراب وبخار وبس
*فكر هشام معقول مريم كانت له اختبار وصدمتها كمان اختبار له أنه قرب يوصل لحبيته يوصل لشريكه حياته ولا معني الحلم ده ان مريم مستحيل تبقى له ولا معناه أنه مش هيتحب ومش هيجرب الحب من الطرفين ابدا*
*********************************
هشام فضل صاحي يفكر لحد ما غلبه النوم ونعس وفي ثاني يوم......
.
.
.
.
.
.
.
.
.
.
.
.
.
.
.
.
.
الشتيمه حرام يا بنات هاا😂😂
،التشويق جميل مش وحش يا حبايبي😉😂❤
،ياتري هشام هيوصل لقرار ايه بعد الحلم ده؟
،صداقه هشام ومريم هتتأثر؟
،طب هشام هيعرف قصه مريم؟
،أحمد لحد دلوقتي معرفش عن اختفاء مريم لأنه عارف انها بتتجنه ومش عاوزة تقابله
،سيف فين بعد اليوم ده ووجود مريم بجانب هشام
،لو تفتكروا سيف قال لهشام علاقته بمريم مفكرتوش قاله ايه بالظبط وايه العلاقه بينه وبين مريم اصلا واكيد مقالوش أنها حبيبته لأنه لو قال كان هشام اتصدم من زمان
،وسؤال كل فصل $مريم هتكون لمين في الآخر$
.
.
.
.
.
#غمازات👑♥💎
أنت تقرأ
العشق المنتظر
Roman d'amour. . الحب اه ممكن يكون تملك لكن فيه فرق بين شخص بيتملك عشان بيحب وشخص بيتملك عشان ده شئ مختلف من نوعه وعاوز يجربه زي أحمد كدا احمد اه شب بس اتربي على الغني دايما طلباته مستجابه ومريم شخصيه قويه ومتهزتش لشكله ولمكانه اهله أو لعضلاته وشهرته مننساش أنه...
