ملكت قلبى

5

*دخلت سهيله الغرفه ولم تجد احدا ولم تجد اى شئ يدل على صاحب هذه الغرفه ولمن*
.
سهيله بتوتر:احم حد هنا ٠٠٠يا جماعه... يبقى دى الاوضه الصح بدام مفيش حد رد ٠٠بس فين الكتاب دا كمان.
.
"ظلت تبحث عن الكتاب ف كل مكان ولكن لم تجده فقررت ان تفتح الخزانه التى توجد بها الملابس فمن الممكن أنها قد نسيته أو ما شابه  ٠٠٠فتحت سهيله الخزانه فصدمت وشهقت بشده مما رأته"
.
سهيله بصدمه:ينهار اسود دى مش اوضتها لان مش معقول لبس الولاد دا يكون ليها... بس دى اوضة مين اللى انا دخلتها دى.
.
دى اوضتى انا (قالها حازم بصرامه).
.
انتفضت سهيله من مكانها عند سماعها هذا الصوت الغاضب الذى اتى من خلفها.
.
سهيله بتوتر وخجل:انا اسفه والله بس مش كنت اعرف ان دى اوضة حضرتك.
.
حازم بحده:ومين اصلا اللى سمحلك تدخلى الاوضه دى وانت تبقى مين اصلا وليه جايه هنا.
.
سهيله بصرامه:انا ابقى زميله سمر وانا دخلت الاوضه دى زى اما قولتلك قبل كدا بالغلط وانا مش لقيت حد هنا فكنت بحسب ان دى اوضة سمر لانى اول مره اجى هنا وبعدين حد قالك مش تحط فيها اى حاجه تدل ع أن دى اوضك ولا صوره ولا اى حاجه نهائى هو انا يعنى هعرف منين.
.
حازم بصرامه:دى اوضتى وانا حر فيها....ويارب تكون اخر مره تيجى فيها هنا لانى مش عدت عايز اشوف وشك ف بيتى.
.
احمر وجه سهيله من شدة غضبها وامتلأت الدموع ف عينها لانه حقا قام بإحراجها:ان شاء الله مش هتشوف وشى هنا تانى ابدا وشكرا لزوق حضرتك انك بتعمل كدا مع ضيوفك.
.
"ثم ذهبت وتركته دون ان يكمل حديثه مما اغضبه هذا الامر منها أكثر وأكثر.
.
___***___
.
*فى الشركه*
.
جاسر بتسأل:ها...عملت الميتنج.
.
يزن بحده:اه واتعينت عندنا الانسه سلوى.
.
جاسر بمرح:ماشى يا معلم عموما انا مسامحك ع النهارده علشان بس تعرف أن قلبى ابيض زى البفته البيضه.
.
يزن بسخريه:ان شاء لله عنك ما سامحتنى يا خويا هو انا طلبت اصلا مسامحتك...وبعدين من دا اللى قالبه ابيض.
.
جاسر بمرح:احم٠٠انا٠٠ خلاص ماشى يا معلم اروح انا اشوف شغلى.
.
يزن بابتسامه:جاسر انت سخن ياض ولا اى.
.
جاسر بدهشة وتسأل:ليه يا عم بتقول كدا منا زى الحصان اهو.
.
يزن بمرح:اصل اول مره تروح شغلك من غير اما ازن فوق راسك واقعد اتحايل عليك.
.
جاسر بضحك:هههههههه يمكن عايز اشوف الوجه الجديد ف الشركه.
.
يزن بضحك:انا قولت كدا بردو..ههههه.
.
"ثم تركه وذهب الى مكتب الحسابات"
.
جاسر بمرح:احم انت يا ابله انت ممكن تدينى اوراق العقد بتاع الفرع الجديد.
.
سلوى بغضب:احم٠٠اولا انا ليا اسم زيى زيك اسمى انسه سلوى ٠٠٠ثانيا اتفضل الورق اهو.
.
جاسر بدهشة من كلامها هذا:اى اولا وثانيا دى هو احنا فى مدرسه٠٠٠٠وبعدين انا انادى اى حد زى منا عايز يعنى براحتى خالص.
.
سلوى بغضب:امممم....وتبقى حضرتك مين بقى علشان تنادى اى حد زى مانت عايز كدا.
.
جاسر بفخر:انا ابقى سكرتير الاستاذ يزن و٠٠٠
.
قاطعت كلامه بسخريه:سكرتير٠٠٠طيب اى بقى انا انادى اى حد زى منا عايز دى...مانت بتشتغل هنا زيى زيك اهو يعنى عامل لا اكتر ولا اقل وبعدين حتى لو انت مين دا مش يسمحلك تقلل من حد.
.
جاسر بحده:انا مش بحب حد يقاطع كلامى مفهوم.. وانا هنا بردو شريك ف الشركه دى مش سكرتير وبس لأن يزن بيأمنى ع حاجات كتير اوى مش ينفع اى حد غريب يعرفها عن شركتنا لأنك عارفه اليومين دول مش ينفع نأمن لاى حد.
.
سلوى بسخريه:اممم....طيب اعمل اى يعنى وانا عموما مش سألت عن السبب وبطل تلميح شويه ٠٠٠وبعدين انا ميهمنيش انت تبقى مين وبتعمل اى٠٠٠٠بعد ازنك.
.
"ثم تركته وذهبت وهو ف زهول من هذه الفتاه التى اعجب حقا بجمالها وبعيونا التى تشبه السماء الصافيه"
.
جاسر:يخربيت جمال امك.... حلوه بس شرسه جدا.
.
____***____
.
الساعه الثامنه مساء وصل حازم والاستاذ مازن الى منزل عائلة الالفى.
.
الحاج محمود بحب:اهلا اهلا بيكوا نورتوا البيت والله.
.
مازن بفرحه فقد رأى صديقه بعد غياب طويل:دا بنورك يا حاج محمود.
.
حازم بحب:ربنا يخليك يا حاج محمود.
.
الحاج محمود بترحيب:اتفضلوا ادخلوا ٠٠٠٠اتفضلوا.
.
دخل ثلاثتهم الى غرفة المكتب مباشرة.
.
حازم بسرعه:طيب ممكن ندخل ف الموضوع عالطول لانى مستعجل شويه.
.
الحاج محمود بحب:لو دا يريحك يابنى اتفضل.
.
حازم برضا:بص يا حاج محمود٠٠٠انا اختى وارثه ٣ مليون جنيه انا عايز ادخلهم ف شركه ابنك.
.
الحاج محمود بتسأل:انا يابنى مش عارف انت مش بتحطهم ف شركتك ليه مع انى عرفت انك بردو عندك كذا فرع ف مصر وبرا مصر كمان ما شاء الله يعنى.
.
حازم وهو يجيبه:ممكن يا استاذ مازن تسبنا شويه ع انفراد لو دا مش يزعجك.
.
مازن بحب:طبعا يا حازم٠٠٠بعد ازنكو انا هستنى برا لحد اما تخلصوا كلام.
.
بداء حازم القص ع الحاج محمود كل شئ عن ماضى شهد المؤلم هذا الذى أخفاه عن الجميع ولكنه مضطر أن يحكى له لأنه يجب أن يعلم واستأمنه ع هذا السر.
.
الحاج محمود بصدمه مما سمعه:يا عينى يا بنتى هى ازاى قدرت تستحمل كل دا ازاى وهى حتى كانت صغيرة اوى على كدا.
.
حازم بحزن:والله يا حاج انا حاولت اتدخل ف الموضوع دا كتير جدا بس مش كنت بقدر وبابا كان تعبان جدا ومش كان ينفع ان احنا نضغط عليه وهو مش عرف حاجه الى قبل اما يتوفى وحاول انه يعوضها ع كل حاجه.
.
الحاج محمود بأسى:بردو لسه مش جوبتنى ع سؤالى...ليه مش دخلتهم ف شركتك.
.
حازم بتزكر:اه معلش نسيت٠٠٠٠انا مش عايز ادخل فلوسها ف فلوسى انا عايز ابعد ورثها دا بعيد عن ورثى انا واختى لانى مش عايز تكون مطمع لاى حد ابدا ومش عايز حد يعرف علشان اللى هيتجوزها هيتجوزها علشانها مش علشان ورثها دا ٠٠٠ومش حد هيعرف عن الموضوع دا حاجه غير ان شاء الله ف الوقت المناسب.
.
الحاج محمود بحب:حازم انا الحاج محمود الالفى بطلب ايد اختك شهد لابنى يزن.
.
حازم بصدمه:نعم٠٠٠٠هو حضرتك بتطلب الطلب دا علشان شهد صعبت  عليك لو علشان السبب دا انا مش موافق طبعا يا حاج ومش عايزك تزعل منى ابدا.
.
الحاج محمود بفخر:لا يابنى والله انا بس حسيت ان اختك مناسبه لابنى جدا وعايزها تكون ام عيال ابنى ومراته انا مش شايف غيرها دلوقتى ومش قصدى اى حاجه تانيه...وبعد الكلام دا انا بجد فخور بيك انت بجد اخ حنون جدا على اخته.
.
حازم بأسف:انا اسف انى شكيت ف حضرتك وانا موافق واختى كمان موافقه.
.
الحاج محمود:يبقى ع بركت الله نقرأ الفاتحه بقى.
.
"ثم بدائوا ف قرأت الفاتحه والامر الوحيد الذى يشغل بال حازم هو كيف يستطيع اقناع اخته بهذا الامر الذى قرره دون أخذ رأيها به وكيف يستطيع ان يشرح لها انها ف يوم وليلة ستتزوج"
.
_______*****_______