ملكت قلبى

7

كان الصمت سيد الموقف بينهم فهم لم يتحدثا ابدا ولكنها قطعت هذا الصمت بلهفه شديده وطفوليه.
.
شهد بفرحه:استنى ٠٠٠استنى كدا.
.
اوقف سيارته فجأه وكان مستغرب من طفولتها هذه:هااااا ف اى.
.
شهد وهى تحاول فتح باب السياره بلهفه وفرحه:انا عايزه ايس كريم من دا افتح باب العربيه يلا.
.
يزن بدهشه منها:ايس كريم! يعنى موقفانى علشان ايس كريم.
.
شهد بغيظ:ايوه ايس كريم ياسلام بقا لو كان بالشوكلاته٠٠٠٠الله والله تحفه...وبعدين فيها اى لما اوقف العربيه ف حاجه نفسى فيها مش انت خطيبى بقا وكدا.
.
يزن بفرحه من هذه الكلمه ولكنها فضّل معاملتها الباردة معها:امممم بس انا مش عايز انزلك وانا اصلا مش بحبه و كمان الوقت اتأخر.
.
شهد بغيظ وطفوله:حرام عليك يا شيخ ٠٠٠هو مش انا اعتبر خطبتك ٠٠والنبى والنبى والنبى٠٠٠٠هخصمك والله من دلوقتى...وبعدين مش حد قالك كل انا يا سيدى اللى هاكل يلا بقا.
.
يزن وهو يبتسم من طفولتها وبعد إقناع دام طويلا:خلاص ماشى بس بسرعه.
.
شهد بابتسامه:شكرا يا قمر انت.
.
يزن بصدمه وبفرحه:انا قمر عموما ماشى يا شهد هعديها...تعرفى انك بتطلعى حلوه اوى وانت بتبتسمى كدا.
.
شهد وقد انتبهت ع ما يقوله فهذه المره الاولى التى تبتسم فيها بعد موت والدتها وقالت بخجل شديد:ش٠٠٠شكرا.
.
يزن بمرح:طيب هتنزلى ولا امشى.
.
شهد باستوعاب:لا طبعا هنزل٠٠٠ هتنزل معايا ولا لاء٠
.
يزن بحيره:امممم٠٠٠ماشى هنزل علشان بس اكون معاكى.
.
شهد بفرحه:ماشى يلا بسرعه بقا.
.
"كانت تتناول الايس كريم باستمتاع شديد وقد اجبرته هو الآخر ع تناول الايس كريم"
.
شهد بمرح:ها اى رأيك.
.
يزن بابتسامه:اول مره استمتع كدا ف حياتى.
.
شهد بمرح:شوفت يا بنى علشان تبقى تسمع كلامى تانى مرة طاوعنى انت بس وانت هتستمتع.
.
قاطع كلامهم رنين الهاتف.
.
يزن بمرح:الو يا حاج.
.
الحاج محمود:اى يابنى المتر عدى عليك النهارده ف الشركه وانت مش كنت موجود.
.
يزن بتحمحم:احم معلش يا حاج النهارده كان ورايا كام مشوار كدا.
.
الحاج محمود بتسأل:خير يابنى ف حاجه.
.
يزن بفرحه وهو ينظر لها وهى تأكل الايس كريم:لا خير ان شاء الله٠٠٠لما ارجع هبقى احكيلك.
.
الحاج محمود بحنان:ماشى٠٠٠مع السلامه.
.
يزن بمرح:سلام يا حاج.
.
شهد باستفهام:احم٠٠٠هو مين حاج دا.
.
يزن باستغراب:دا ابويا.
.
شهد بصدمه:العميد!هو انت بتقوله يا حاج كدا عادى وهو مستقبلها بردو كدا عادى هو باباك يعنى تقوله يا بابا.
.
يزن بدهشه:ايوه يا بنتى ف اى دا ابويا وبعدين هو ف الشغل حاجه وف البيت حاجه ثانيه واحنا مش بنتعامل ع أننا اب وابنه وبس احنا اصحاب كمان٠٠ هو احنا لما نتجوز انت هتقوليله اى.
.
شهد بثقه:طبعا يا سيادة العميد..هيكون اى يعنى.
.
انفجر يزن من الضحك:واى الثقة دى كلها.
.
شهد بغيظ:انت بتضحك ع اى.
.
يزن بمرح:على ثقتك الزايده بنفسك دى٠٠٠هو ف واحده تقول لحماها يا سيادة العميد.
.
شهد بحيرة:يعنى عايزنى اقوله اى.
.
يزن بتفكير:قوليله يا انكل.
.
شهد بغيظ:اهى انكل دى بالذات مش هقولها.
.
يزن باستفهام:ليه؟
.
شهد بغضب:اهو كدا وخلاص.
.
يزن وقد فهم ما تعنيه لان رولا تقول له هذه الكلمه وهى لا تحب رولا ابداا:خلاص قوليله يا عمى او يا بابا.
.
شهد بتذكر وحزن:بابا! تعرف انا مش قولت الكلمه دى لحد بعد وفاة بابا الله يرحمه ابدا عمرى ما حسيت باهتمام حد ليا زى بابا.
.
يزن بحزن عن هذه التى ملكت قلبه واصبحت اسيرة قلبه:الله يرحمه ٠٠٠اومال هتقوليله اى.
.
شهد بفرحه:هقوله يا بابا.
.
يزن باستفهام:طيب هو انت مش لسه قايله انك مش قولتى الكلمه دى لحد ابدا بعد موت باباكى.
.
شهد بفرحه:صحيح انا مش اتعاملت مع العميد شخصيا بس حسيت انه شخص تانى خالص غير اى حد عرفته أو شوفته وكفايه حنيته كمان.
.
يزن بفرحه من هذه الكلمات:ماشى ٠٠٠طيب مش يلا بينا بقى.
.
شهد بتنهيده:ماشى يلا٠
.
"ثم اوصلها الى منزلها وذهب عندما تأكد انها صعدت وذهب الى قصره"
.
______****____
.
سمر وهى تتحدث ف الهاتف:مش عايزه ولا غالطه مفهوم.
.
شخص ما:حاضر يا ست هانم تحت امرك.
.
ثم اغلقت الهاتف وقالت بخبث:لازم اخد الفلوس دى بأى ثمن حتى لو اى يا شهد.
.
____***____
.
حل صباح يوم جديد ع ابطالنا.
.
شهد بفرح:صباح الخير يا نانا.
.
امينه باستغراب:يا صباح الفل والياسمين على احلى ورده ف البيت دا كله.
.
شهد بابتسامه:الله عليكى يا نانا.
.
امينه:هو انت كويسه يا بنتى.
.
شهد باستفهام:ليه مالى يا نانا....مانا كويسه اهو.
.
امينه بفرحه:اصل من زمان اوى مش شوفت الضحكه الحلوه دى ع وشك.
.
شهد بفرحه وبثقه لا تعرف سببها:وان شاء الله مش آخر مره تشوفيها.
.
حازم فى نفسه وكان جالس ع طاولت الافطار ويتابع كل مايحدث:انا كنت متأكد ان يزن الوحيد اللى كان هيسعدها وهيرسم الضحكه دى على وشها من اول وجديد ومش هيخليها تعيط تانى..كفايه عزاب عليكى يا شهد لحد كدا انت حياتك وفرحتك مع يزن...يزن وبس.
.
شهد بنداء لحازم الذى كان ف عالم ثانى:حازم٠٠٠يا حازم.
.
حازم وقد افاق من شروده:ها بتقولى حاجه يا شهد.
.
شهد بتنهيده:اه بقولك انت هتروح الشركه النهارده.
.
حازم بمرح:اه طبعا يا بنتى.
.
شهد بمرح:يعنى مش ينفع تاخد النهارده اجازه.
.
حازم باستفهام:ليه ياختى ف حاجه٠٠٠عموما لا مش ينفع خااالص النهارده.
.
شهد بحزن متصنع:خلاص كنت عايزه اقضى اليوم معاكوا بدل مانا عندى اجازه كدا من الكليه وقاعده ف البيت يدوبك اروق وخلاص.
.
حازم بمرح:وبالنسبه للمذاكره يا لمضه٠٠٠اقعدى ياختى ذاكريلك حبتين وانت مش هتحسى بالوقت خالص.
.
شهد وهى تنظر له نظرة بها غضب:خلاص ماشى.
.
حازم وهو يضحك ع طفولتها:ههههه..والله انا اسف بس مش ينفع النهارده لأن عندى شغل كتير مرة ثانيه واوعدك هجبلك بيتزا النهارده وانا راجع.
.
شهد بفرحه وبرضا:اشطا عليك يا زوما وانت فاهمنى.
.
حازم:طيب اقوم امشى انا بقى...مع السلامه.
.
شهد:مع السلامه.
.
*وكانت سمر تتابع كل شئ وحمدت الله ع عدم موافقة حازم ف البقاء في المنزل*
.
"رن هاتف شهد ولكنها لم تنتبه له الا بعد دقائق معدوده"
.
شهد بتردد:اا٠٠٠٠الو.
.
يزن بغضب:بعد كدا لما ارن عليكى تردى عالطول مفهوم.
.
شهد بخوف منه ومن غضبه:ممم٠٠مفهوم.
.
يزن بحده:طيب انت مش رديتى عالطول ليه.
.
شهد بقلق:اصل مش خدت بالى والله وكنت بفطر.
.
يزن يحاول الهدوء:طيب اول وآخر مرة٠٠٠ علشان لو مش لقيتك المرة الجايه رديتى بسرعه هتلاقينى ف وشك ماشى يا شهد.
.
شهد بخوف:ححح...حااضر.
.
يزن بحده:سلام.
.
شهد بتوتر:سلام.
"شهد ف نفسها:يا باى عليك ياخى يعنى ارد عليك بسرعه ازاى افرض يعنى كنت بروق أو نسيته ف اى حته هتعمل اى يعنى ٠٠٠والله حرام كدا بجد حراااام٠٠٠ولا بيتصل بس علشان يسمعنى الكلمتين دول اووووف.
.
ثم وجهت شهد حديثها لسمر:سمر هو انت ورايكى دروس النهارده.
.
سمر بخبث:اه ورايا درس اى مش شايفه الكتب.
.
شهد بخجل من كلامها هذا:معلش مش خدت بالى.
.
سمر ببرود:لا عادى٠٠٠طيب باى.
.
شهد بحنان:طيب مش هتكملى فطار.
.
سمر بسخريه:لا معلش اصل سهيله مستنيانى تحت ومستعجله علشان هتأخر.
.
شهد برضا:طيب سلميلى عليها اصل هيا وحشتنى اوى.
.
سمر بسخريه:الله يسلمك يا قطه.
.
ثم ذهبت من امامها والفرحه تملأها.
.
____****____
.
كان ينزل من ع الدرج متجه الى سيارته.
.
حازم بصرامه:انت يا انسه ابعدى كدا من ع العربيه.
.
سهيله بغضب:اى يعنى انا هاكلها ولا هاكلها.
.
حازم بحده:ممكن.
.
سهيله بغضب:هو انت عايز منى اى يا جدع انت واى ممكن دى شايفنى اى قدامك يعنى.
.
حازم بحده:والله مش عايز حاجه منك بس انت اللى بتطلعى ف وشى كدا...وانا شايفك بنت كدا بارده وبتدّخل ف اللى مش ليها فيه يعنى من الاخر حِشاريه.
.
سهيله بسخريه:لا يعنى عفريته واى بنت بارده دى وحِشاريه كمان لاء وكمان بتقولها ف وشى ببجاحه كدا.
.
حازم بغضب:لا ف انك بتيجى عند بيتى كل شويه ودى مش بجاحه يا حلوه دى شجاعه انى اقولك الكلام دا ف وشك احسن اما اقوله من وراكى...وياريت تلمى لسانك اللى عايز قطع دا بدل انا اللى المه وهتزعلى اوى.
.
.
سهيله بغضب:ماهو احسن ما ادخل بيتك دا يا محترم...وعلى اى اتكلم براحتك ولا يهمنى كلامك ولا زعلك دا اخر همى ف الدنيا.
.
حازم بسخريه:كويس انك بتسمعى الكلام وبتنفزى اللى بتقوليه يا انسه.
.
سهيله بغيظ: ايوه وانا قولتلك انى مش هدخل البيت بس مش قولت انى مش هستنى سمر بره البيت.
.
حازم بسخريه:ماشى استنى ع مهلك بس ابعدى كدا بقى.
.
"ابتعدت سهيله عن السيارة وركب حازم السياره وقادها متجها الى شركته وهو يفكر ف هذه التى تعترض طريقه"
.
سمر بسرعه:مش يلا بقا يا سهيله ٠٠٠سهيله٠
.
سهيله وقد فاقت من شرودها: ها ٠٠٠بتقولى حاجه.
.
سمر ببرود:بقولك مش يلا بقى.
.
سهيله بغضب:اه يلا علشان مش عدت عايزه اقف ف المكان دا ثانيه واحده.
.
سمر:هو ف حاجه.
.
سهيله وهى لا تريد اخبارها:ها٠٠٠لا مفيش حاجه يلا بقى.
.
___****___
.
دخل جاسر الى الشركه وهو يبحث عنها.
.
جاسر:السلام عليكم.
.
سلوى:وعليكم السلام.
.
جاسر بفرحه:احم٠٠٠هو يزن وصل الشركه.
.
سلوى ببرود:والله انا مش السكرتيره بتاعته علشان اعرف الموضوع دا .
.
جاسر بحده وغضب من طريقة كلامها معه:خلاص انا اسف لانى بسألك اصلا.
.
سلوى ببرود:وياريت ميتكررش الموضوع دا تانى.
.
جاسر ببرود:انا اصلا مش عدت عايز اشوفك تانى.
.
سلوى بغيظ:يكون احسن.
.
جاسر بسخريه:هأ عن اذنك يا ٠٠٠٠سلوى.
.
ثم ذهب من امامها.
.
سلوى وهي تقلده:هأ عن اذنك يا٠٠٠جاسر٠٠٠اووووف واحد بارد بجد ومشفتش ابرد منك ولا هشوف يا بارد...اووووف.
.
.
_____****_____