ملكت قلبى

12

《كان يقف امام مرآة الزينه يستعد للنزول الى الاسفل وكانت شهد تنظر له باعجاب شديد وتقول لنفسها:يخربيت حلوتك٠٠٠هو انا متجوزه الجمال دا كله يا ربى》
.
يزن بمرح:هو انت هتفضلى مبحلقه فيا كدا.
.
شهد باستوعاب:هااا٠٠٠لا هو انا مش اقصد انا بشوف بس ال٠٠٠ال٠٠٠
.
يزن بضحك:هههههه خلاص انا مش كنت اقصد انت متوترة كدا ليخ٠٠٠عموما انا نازل تحت.
.
شهد بخجل:ماشى.
.
خرج يزن من الغرفه واغلق الباب خلفه شهد ف نفسها:اى دا٠٠٠دا بيلاحظ كل حاجه كدا٠٠صحيح انا هنزل امتا.
.
لحقته شهد وفتحت الباب واخذت تنادى عليه:يزن٠٠٠يزن.
.
يزن وقد سمعها وقد اغضبه هذا الامر وعاد اليها مرة أخرى:انت اى اللى خرجك بشعرك كدا.
.
شهد بتوتر:ها٠٠٠انا نسيت انا بس كنت عايزه اسأل انت بتفطر لوحدك ولا انت والعيله.
.
يزن بغضب:لا احنا بنفطر كلنا مع بعض٠٠٠٠وبعد كدا لو خرجتى من الاوضه دى بشعرك هتشوفى منى وش مش هيعجبك ولو شوفت شعرايه واحده بس طلعه من الطرحه هعاقبك وعقابى مش هيعجبك شعرك دا مش حد يشوفه غيرى انت فاهمه.

شهد بغيظ:انا مش كنت اقص٠٠٠
.
قاطع كلامها:قولت فاهمه.
.
شهد بغضب:خلاص٠٠٠فاهمه.
.
يزن ببرود:طيب اجهزى وانزلى يلا علشان تفطرى.
.
شهد بغيظ:حاضر.
.
ثم دخلت للاستعداد ليوم جديد.
.
______*****______
.
ف منزل سلوى:يا رب انا مش فاهمه حاجه٠٠٠الهمنى الصبر والفهم من عندك يا رب٠٠٠٠ دا حتى افكارى وذاكرتى عماله اعصر فيهم مش ف حاجه راضيه تدخل دماغى.
.
رن هاتفها:الو يا جزر.
.
جاسر بتسأل:مالك يا سلوى متعصبه كدا ليه.
.
سلوى بغيظ:مش عارفه افهم حاجه يا جزر.
.
جاسر:طيب مش عدتى تقوليلى جزر دى وانت هتفهمى كل حاجه انا مش عدت صغير.
.
سلوى بحب:بس انا بحب اقولهالك من واحنا صغيرين.
.
جاسر:بس احنا كبرنا ومامتك لو سمعتك بالصدفه هتبقا وقعتنا سوده.
.
سلوى:حاضر مش عدت هقولها بس قولى اعمل اى انا هسقط.
.
جاسر:هههههه ليه هو المنهج صعب للدرجادى.
.
سلوى بغيظ منه:والله انا مش عارفه انت بتضحك ع اى٠٠٠لا يا سيدى المنهج مش صعب بس علشان الشغل وكدا فمش قادرة اركز اوى.
.
جاسر بفرحه:عندى فكرة جامده جدا يا سلوى.
.
سلوى بتسأل:اى هى يا جاسر٠٠اشجينى.
.
جاسر:انا بفهم ف الحاجات دى اوى٠٠٠فاى رأيك اجى اديلك  درس وبالمرة تبقى حجه علشان اكسب ثقه مامتك من جديد.
.
سلوى بفرحه:هايل يا جاسى بقيت بتعرف تفكر اهو.
.
جاسر بمرح:انا طول عمرى كدا يا بنتى بي انت اللى مش واخده بالك.
.
سلوى بضحك:هههههه ممكن.
.
جاسر:طيب اعرضى الموضوع دا على مامتك وقوليلى٠
.
سلوى:يا جاسر يا صاحبى انا مش هعرضه عليها٠٠٠انا هزن فوق راسها لحد اما توافق.
.
جاسر:ههههه٠٠طيب ماشى انت هتيجى الشغل النهاردة.
.
سلوى بصدمه:اى هو ف شغل النهاردة.
.
جاسر بحسرة:شوفتى بقا٠٠٠دانا قولت هيكون ف اجازه كدا يعنى طلع مفيش لا وكمان يزن هيجى الشركه.
.
سلوى باستغراب:غريبه٠٠٠اوكى انا هخلص الكليه واجى٠
.
جاسر:انت هبله يا بنتى مش ينفع تروحى الكليه وتشتغلى وتذاكرى مع بعض.
.
سلوى:اعمل اى يعنى يا جاسر.
.
جاسر بمرح:متعمليش حاجه انا عملت خلاص.
.
سلوى باستفهام:مش فاهمه.
.
جاسر:يعنى انا طلبت من يزن يطلبلك اجازه من الكليه مع شهد وهما وافقوا.
.
سلوى بفرحه:شكرا يا جسورتى انت احلى جاسر ف الدنيا٠
.
جاسر بضحك:ههههههه٠٠٠طيب نتقابل احنا النهاردة لانك طبعا هتيجى بدرى علشان تروحى بدرى ولا اى.
.
سلوى:اه طبعا وهقول لماما وهقولك٠٠٠سلام.
.
جاسر بحب:مع السلامه٠
.
وقال ف نفسه:بحبك يا هبله.
.
______*****______
.
نزل يزن الى الاسفل حيث الجميع ينتظرون.
.
يزن:السلام عليكم.
.
الحاج محمود وسميه ف صوت واحد:وعليكم السلام.
.
الحاج محمود بتسأل:اى يابنى انت هتروح ف حته.
.
يزن:الشركه يا حاج.
.
الحاج محمود باستغراب:الشركه! طيب ليه كدا يا يزن.
.
يزن ببرود:مهو انا مش هسيب الشغل علشان اعد جنبها يا حاج ورانا شغل.
.
الحاج محمود:خلاص يا يزن اعمل اللى يريحك.
.
دلفت اليهم شهد وهى تبتسم:السلام عليكم.
.
الجميع:وعليكم السلام.
.
سميه بفرحه:اى القمر دا٠٠٠٠ربنا يحميكى يا شهد.
.
شهد:شكرا يا٠٠٠يا٠٠
.
يزن ببرود:قوليلهما داده سميه.
.
شهد بغيظ من طريقته معها:حاضر٠
.
ثم التفتت الى سميه وقالت:شكرا يا دادة.
.
يزن بصرامه:طيب امشى انا٠
.
ثم التفت الى شهد:وانت ابقى شوفى هتعملى اى وروحى ذاكرى ولو عندك اى ملاحظه قوليلى وانا هساعدك فيها.
.
شهد بغيظ:حاضر٠٠٠انا اصلا هساعد الدادة ف البيت وبعد كدا هروح اذاكر.
.
سميه:لين يا بنتى انا معايا ريم وخلاص.
.
شهد بحنان:لا يا دادة انا هساعدك٠٠٠علشان انا ممكن ازهق من المذكرة والقاعده.
.
سميه بحنان:برحتك يا حبيبتى.
.
يزن بحده:طيب عايزين حاجه.
.
شهد:هو انت بتتغدى هنا.
.
يزن ببرود:لو مش ورايا شغل كتير انا بتغدى هنا٠٠٠بس انا ورايا النهارده شغل كتير فممكن مش اعرف اتغدى هنا النهارده.
.
شهد بهدوء:ماشى٠٠٠سلام.
.
ثم خرج يزن متوجها الى شركته.
.
سميه:ها يا بنتى انت هتعملى اى.
.
شهد باستوعاب:ها٠٠انا خلصت الاوضه بتاعتى٠٠٠انا عايزه اروق الاوضه بتاعت بابا٠٠٠دا طبعا لو هو مش عنده مانع.
.
الحاج محود وهو يقف:لا يا شهد طبعا انا مش عندى اى مانع٠٠٠ طيب استأذن انا كمان٠
.
شهد بفرحه:طيب مع السلامه يا بابا.
.
الحاج محمود بسعاده:سلام يا شهد.
.
شهد:هروح انا يا دادة.
.
سميه:ماشى يا حبيبتى وبعد اما تخلصى روحى انت ذاكرى.
.
شهد بفرحه حاضر يا دادة.
.
شهد ف نفسها:الحمد لله هربت من المطبخ٠٠٠مش لازم حد يعرف هنا بالموضوع دا ابدا.
.
_____****_____
.
سلوى وهى تستعد للذهاب للشركه:احم٠٠٠بقولك يا ماما.
.
مرفت:قولى يا حبيبتى.
.
سلوى:انا يا ماما مش عارفه افهم حاجه من المنهج بتاعى اوى فا فى يعنى واحد اخو واحده صحبتى شاطر جدا ف الحاجات دى وهى قالتلى انه هو مش هيرفض يجى يدينى درس خصوصى وانت طبعا يا حبيبتى هتكونى معانا٠٠٠فاى رأيك.
.
مرفت:يعنى يا بنتى انت مش فاهمه خالص.
.
سلوى تتصنع الحزن:خالص يا ماما لو مش عايزاه يجى خلاص.
.
مرفت:لالالا٠٠٠خلاص يا سلوى خليه يجى يديكى هو اسبوع وخلاص.
.
سلوى بفرحه:شكرا اوى يا ماما٠٠طيب باى هروح انا الشركه.
.
مرفت باستغراب:الشركه ليه يا سلوى انت مش هتروحى الكليه الاول.
.
سلوى بارتباك:ها٠٠٠اصل يعنى٠٠٠اصل ياماما يزن طلب اجازه لشهد الاسبوع دا علشان تذاكر وشهد طلبت منه يطلبلى اجازه انا كمان علشان هى عارفه ان انا بشتغل وكدا يعنى.
.
مرفت بحنان:يارب يوفق شهد ف حياتها يارب٠٠٠ هى بنت طيبه اوى.
.
سلوى بحنان:يا رب يا ماما.
.
_______*****______
.
الساعه ال ٣ عصرا.
.
ف منزل الالفى.
.
ريم وهى تتحدث ف الهاتف بصوت مهموس:ايوه يا بيه هى كانت عادى يعنى.
.
مجهول:مش انت بتقولى ان ابوه هو اللى جابره ع الجوازه دى.
.
ريم:اه والله يا بيه٠٠٠بس يعنى النهارده مش كانو فرحانين اوى اللى هو فرح العيرسان.
.
مجمول:خلاص المهم لو عرفتى اى حاجه تانيه قوليلى.
.
ريم بغبث:حاضر يابيه بس كله بثمنه.
.
المجهول بغضب:عارف٠٠عارف بس لو كانت الحاجه دى تستاهل.
.
ريم:طبعا يا بيه٠٠٠طيب سلام.
.
______****_____
.
سهيله وهى تتجه نحو سمر ولكنها توقفت عندما سمعتها تتحدث ف الهاتف:مذاكرة اى يا جدو دلوقتى والله مافتحت الكتاب٠٠٠المهم ركز ع وجهتنا بس.
.
الجد:حاضر يابنتى بس انا كنت بقول كدا لان دى آخر سنه ليكى وعايزك تعديها يا سمر.
.
سمر بغضب:مش مهم يا جدو٠٠ ميهمنيش يا جدو حتى لو سقط ومش عديت السنادى ميهمنيش.
.
'ثم اغلقت الهاتف وهى غاضبه'
.
سهيله ف نفسها:لا انا لازم اقول لاخوها باى ثمن حتى لو اتعصب عليا٠٠٠وانا ليه اوجهه مانا اعمل حاجه ثانيه اعرفه بيها وبنفس الوقت مش يشوفنى.
.
سمر:سهيله٠٠٠سهيله٠
.
سهيله باستوعاب:نعم٠٠انت عايزه حاجه.
.
سمر:مش يلا بقا علشان نروح.
.
سهيله بتردد:ها٠٠٠مهو انا٠٠انا عايزه اروح اجيب حاجه لماما وهروح ع البيت عالطول٠٠٠هتيجى معايا.
.
سمر بلامبالاه:لا انا هروح.
.
سهيله:ماشى انا همشى انا بقا٠٠٠الحمد لله مش وافقت.
.
(ثم اتجهت الى شركه حازم٠٠٠ثم امسكت بورقه وقلم وكتبت لحازم كل ما سمعته من سمر)
.
سهيله:انا لازم انا اللى اديله الورقه دى بنفسى.
.
ثم دخلت الشركه ولكنها رأت السكرتيره وسألت احد الموظفين:هو استاذ حازم موجود ف المكتب.
.
الموظف:لا هو مش موجود٠٠بس مين حضرتك.
.
سهيله بتوتر:ها٠٠انا واحده من قرايبه.
.
الموظف:ماشى٠٠بعد ازنك.
.
سهيله:الحمد لله انا فلت المره د  ٠٠٠بس هدخل ازاى والموظفه اللى برده دى هنا٠٠٠اه عندى فكرة٠
.
توجهت سهيله ف اتجاهها.
.
سهيله:انت سكرتيرت الاستاذ حازم.
.
يارا:ايوه انا٠٠٠انت مين.
.
سهيله:انا واحده من قرايبه٠٠٠المهم ف واحد عايز حضرتك.
.
يارا:هو مين الواحد دا٠
.
سهيله بارتباك:مهو انا مش عارفه.
.
يارا ببرود:ماشى انا راحه اشوف٠
.
سهيله بعدما غادرت يارا:بنت ملزقه خالص ازاى دى سكرتيرة دى وبعدين دا لبس تلبسه.
.
(يارا هى فتاه ف العمر ٢٠ وهى فتاه شيك وتحب الموضه ومن عائله غنيه ولكنها تحب حازم لهذا فضلت انا تكون سكرتيرته)
.
ثم توجهت سهيله الى داخل المكتب وهى تقول:طيب احطها فين دى كمان.
.
'ظلت تبحث عن مكان مناسب فى وقت ليس بقصير'
.
سهيله:هنا على المكتب كويس٠٠٠ طيب افرض السكرتيرة او واحد من الموظفين دخل و اخدها هتبقى مصيبه احسن حاجه استناه هنا بس هستناه فين٠٠اه ورا الستارة دى.
.
*وسمعت خطوات تقترب من المكتب فاسرعت بالاختباء*
.
حازم بحده:يارا تعالى وهاتيلى اوراق العقد.
.
يارا باغراء:حالا يا استاذ حازم.
.
دلف حازم المكتب ودلفت خلفه يارا.
.
يارا بدلع:اتفضل يا استاذ دى اوراق العقد انا رجعتها كلها ومش لقيت اى غلط فيها.
.
حازم بصرامه:ماشى شكرا يا يارا٠٠تقدرى تتفضلى.
.
يارا:مهو انا هفضل هنا علشان حضرتك لو عزت اى حاجه.
.
حازم ببرود:يارا انا لو عزت حاجه عندى لسان اقدر انادى عليكى بيه.
.
سهيله وهى تتابع كل شئ وتشتعل من الداخل بالغيرة وقالت بدون مقصد:قليلة الادب.
.
حازم وهو يبحث عن مصدر هذا الصوت وعلم انها هى فهو يستطيع تمييز صوتها عن اى صوت.
.
يارا:حضرتك سمعت حاجه.
.
حازم بحده:لا مش سمعت واتفضلى انت دلوقتى.
.
يارا بدلع:حاضر٠٠٠عن ازنك.
.
كانت سهيله تقف خلف الستارة ولكنها جلست ووضعت يدها ع فمها عندما تفوهت بهذا الكلام بدون مقصد.
.
حازم وهو يقف امام الستارة التى تختباء خلفها سهيله:دلوقتى ممكن تطلعى يا انسه سهيله.
.
سهيله بصدمه ف نفسها:هو ازاى عرفنى وهو مش شافنى.
.
حازم بصرامه اكبر:قولت اطلعى.
.
سهيله بقلة حيله وهى تخرج من خلف الستارة وتتجه نحوه وتخفض رأسها للاسفل:انا والله مش كنت اقصد٠٠٠
.
قاطع حازم كلامها:انت جيتى هنا ليه.
.
سهيله وهى تناوله الورقه:علشان دا.
.
حازم باستفهام:مين اللى كتب الورقه دى.
.
سهيله بتوتر:ها٠٠٠فى فى٠٠اه فى واحده اديتهالى وقالتلى دى علشان مصلحة سمر صحبتك سلميها للاستاذ حازم ف ايديه.
.
حازم وهو يعلم انها تكذب:امممم بس هى مين.
.
سهيله:انا٠٠انا مش عارفاها.
.
حازم يحاول استفزازها:اممم بس خط البنت دى بجد وحش٠٠انا خطى احلى منها بكتير.
.
سهيله بغيظ:عالفكرة انا غطى حلو.
.
حازم بمرح:طيب انت مالك٠
.
سهيله بارتباك:ها٠٠٠انا قصدى انها ممكن تكون كتبت بسرعه يعنى٠
.
حازم:بس خطها وحش بردو انا خطى احلى.
.
سهيله بغيظ:طيب تعالى انا وانت نكتب كدا ونشوف مين خطه احلى٠٠٠ها اكتب اى٠
.
حازم بمرح:اكتبى اسمك سهيله محمد السويدى.
.
كتبت اسمها على احد الاوراق،وانت كمان اكتب.
.
حازم:اكتب اى.

سهيله:اكتب حازم مصطفى الشواربى ولا انت مش عارف اسمك.
.
حازم بفرح:حاضر.

ثم كتب اسمه.
.
سهيله:طيب انت خد اسمى وانا هاخد اسمك ونوريهم لصحابنا ونشوف مين خطه احلى
.
حازم بابتسامه:موافق.
.
(ثم تركته وذهبت)
.
حازم وهو يفتح الورقه ويقرأ ما بها.
.
حازم:طيب هو اى اللى عرفها٠٠ انا لازم افهم كل حاجه٠٠بس هخلص شغل وبعد كدا هعرف كل حاجه.
.
_____******_____
.
عاد ف المساء الى المنزل وكانت عيناه تبحث عن هذه التى ملكت قلبه٠
.
سميه بابتسامه:هى فوق بتذاكر.
.
يزن بصدمه:هى مين دى.
.
سميه بمرح:انت هتعمل الشويتين دول عليا٠٠٠اللى انت بتدور عليها٠٠٠وهى كمان مش اتعشت غير لما انت تيجى.
.
يزن:ماشى طلعيلى الاكل والنبى يا دادة على اوضتى.
.
سميه:من عينى يا حبيبى.
.
صعد الى الغرفه وجدها تذاكر وابتسم ع منظرها فهى كانت ترتدى احد بجاماته وكان تجلس على الفراش وتضع القلم خلف ازناها.
.
شهد وهى تنظر اليه:ابن حلال٠٠٠ انا مش فاهمه حاجه تعالا بقى كدا بالهداوه وفهمنى.
.
يزن ببرود:هغير الاول وبعدين هاكل انا وانت وبعدين هشرحلك كل اللى انت عايزاه.
.
شهد باعتراض:بس انا٠٠٠
.
يزن وهو يقاطعها:مفيش بس٠٠ احنا هناكل يعنى هناكل.
.
شهد بغيظ:حاضر.
.
دخل الحمام واخذ شاور ولبس لبسه المعتاد وتوجه اليها:طيب ورينى كدا انت مش فاهمه اى.
.
شهد:دا ودا ودا ودا٠
.
يزن بصدمه:دانت كدا مش فاهمه الكتاب.
.
شهد بغيظ:لا والله انا خلصت الماده دى بس مش فاهمه دول بس.
.
طرق الباب وفتح يزن وتناول منها الطعام:شكرا يا ريم.
.
ادخل الطعام اليها:اتفضلى كلى.
.
شهد بمرح:لا يا عم اى الاكل دا٠٠ انا مش اكله منه انا هاكل بيتزا.
.
يزن بتسأل:وانت هتجيبى بيتزا دلوقتى منين انا مش هطلب حاجه.
.
شهد بفرحه:لا ماتخفش انا كنت موصيه عليها النهاردة وجاتلى وعنتها وهاكلها دلوقتى بس كنت مستنياك تاكل معايا.
.
يزن:لا انا هاكل من الاكل دا.
.
شهد:والله ما هيحصل انا عزماك مش تخاف ع حسابى.
.
ثم اخذت الصينيه ووضعتها ع الطاوله التى ف الغرفه واحضرت البيتزا التى كانت تخبأها ف الدولاب.
.
يزن:ف حد بيخبى بيتزا ف الدلاب.
.
شهد بفرح:مش انا عملت كدا٠٠٠يبقى فيه.
.
يزن باستفهام:طيب انت هتكلى فين.
.
شهد وهى تقتع قطعه من البيتزا لتناولها:هنا على السرير.
.
《وبدأت ف تناول البيتزا بشهيه ويزن يأكل معها ويبتسم لطفولتها هذه ولم تستطيع عيناه الابتعاد عنها.》
.
______*****______
.
ف منزل سهيله طرق الباب وفتحت والدتها نهى:مين حضرتك.
.
حازم:انا حازم مصطفى الشواربى ممكن اقابل بنت حضرتك.
.
___**___
.
By:Nada Ali Badawy