ملكت قلبى

10

سلوى بحزن على حاله:انا عارفه ان السبب ف انى سافرت كان باباك بس مش مهم المهم اننا اتجمعنا تانى.
.
جاسر بعدم استوعاب:ازاى يعنى يا سلوى هى مامتك مش عادت هتثق فيا لانها بتعتبر انى شبه بابا مع انى مش كدا خالص والله وانت عارفه كدا...صح.
.
سلوى والدموع ملئت عيناها:طبعا صح انا بثق فيك٠٠٠وبعدين انا عارفه انك مش سكرى ولا بتاع بنات شبه باباك وانا عارفه ان باباك من زمان اتعرض لماما بس الموضوع دا انتهى خالص.
.
جاسر بقلق:بس مامتك مش بتثق فيا خالص والدليل انها فرقتا عن بعض واحنا صغيرين يا سلوى.
.
سلوى ببكاء:بس احنا اتجمعنا تانى ومش هنتفرق تانى خالص اوعا تبعد عنى يا جاسر تانى.
.
"ثم بدأت ف نوبه بكاء"
.
جاسر وهو ينظر لها باستغراب:طيب انت ليه بتعيطى دلوقتى.
.
سلوى بشهقات:لا٠٠لان انا خايفه اننا٠٠٠مش نشوف بعض تانى.
.
جاسر وهو يمسح دموعها:مش تخافى انا مش هقول لمامتك ان انا جزر اللى كان بيلعب معاكى وانت صغيره.
.
سلوى بخوف:حتى ولو مش قولنا ليها هى هتعرف.
.
جاسر بتلميح:احم٠٠٠ومين بقا اللى هيقولها.
.
سلوى وهى تتصنع عدم الفهم:ها ٠٠٠مش عارفه بقا.
.
جاسر بتحزير:تعرفى لو قولتلها هيكون يومك اسود يا سلوى اياكى تقوليلها حاجه خالص انا عارف ان لسانك دا مبرد مش بيرحم.
.
سلوى بغضب:انت بتهددنى انت عارف ان انا مش بتهدد٠٠وبعدين انت ليه مش راضى انى اقول لماما.
.
جاسر باستغراب:يعنى انت مش فاهمه٠٠٠ااااه طيب هقولك ليه٠٠٠ علشان انا عايزها تبداء تثق فيا وبعد كدا هقولها ع كل حاجه والله بس لما احس انها حبتنى واستأمنتنى عليكى.
.
سلوى باستوعاب:ماشى خلاص اتفقنا.
.
'طرق باب المنزل'
.
جاسر:دا بالتأكيد الاكل٠٠٠انا جعان اوى.
.
سلوى بابتسامة:انت طول عمرك كدا همك ع بطنك شوف حتى عاد ليك بطن ازاى.
.
جاسر وهو ينظر اللى نفسه بعدما تناول من رجل التوصيل الطعام:فين دا مفيش والله يا سلوى حاجه٠٠٠وعموما ف مثل بيقول ٠٠اللى ملوش كرش يسوى قرش حاجه زى كدا.
.
سلوى بضحك:ههههههه اسمها الراجل اللى ملوش كرش ميسواش قرش حتى دى مش عارف تقولها.
.
جاسر بابتسامه:بس يعنى انا قربت.
.
(واخذ الاثنان يضحكان)
.
____***____
.
*بعد مرور ٣ ايام*
.
'كانت شهد ف منزل يزن فهى ومنذ إصابة يزن وهى تذهب لرؤيته يوميا لكى تطمأن عليه'
.
شهد بتفاجأ ف نفسها:رولا اى اللى جابها دى كمان٠٠٠انا مش عارفه ليه يارب انا مش بحبها لله وللوطن.
.
رولا بغرور:اى دا هو انت هنا يا شهد.
.
شهد بغيظ وهى تلقى التحيه ع الجميع:السلام عليكم٠٠٠ازيك يا بابا واخبار يزن اى النهارده.
.
الحاج محمود:وعليكم السلام يا شهد٠٠٠٠يزن بخير طول مانتى جنبه.
.
رولا بغيظ شديد:هى شهد بتعمل اى هنا٠٠٠يعنى هيا بتشتغل هنا.
.
الحاج محمود بخبث:اى دا يا رولا هو انت مش تعرفى٠٠٠شهد هتبقى مرات ابنى يزن وان شاء الله الفرح وكتب الكتاب اخر الاسبوع دا.
.
رولا بغضب مكبوت:اى٠٠٠الف مبروك٠
.
شهد بغيره:هو ممكن اعرف انت بتعملى اى هنا.
.
رولا بغضب:قصدك اى يعنى ٠٠٠قصدك ان انا مش اجى هو انت لحقتى تدخلى البيت دا وبتطردينى منه.
.
كادت ان ترد ولكن الحاج محمود قاطع كلامها:لا يا رولا مش قصدها حاجه٠٠٠رولا يا شهد تكون بنت اعز اصدقائى وهى بالنسبه ليزن زى اخته بالضبط مش اكتر ولا اقل
.
رولا بغضب شديد ف نفسها:انا زى اخته ماشى٠٠٠انا لازم اقول ليزن كل حاجه والنهارده.
.
شهد بابتسامه وهى تقول بصوت عالى حتى يصل الى مسامع رولا:اه زى اخته٠٠٠طيب بعد ازنك اروح اطمن ع يزن يا بابا واشوفه لو محتاج حاجه.
.
رولا بغضب:لا....اقصد ممكن تاخدينى معاكى.
.
شهد بنفاذ صبر وهى تجز ع اسنانها:اه طبعا اتفضلى٠
.
"ذهبا الاثنان الى غرفة يزن و رولا مندفعه الى الباب لكى تفتحه"
.
شهد بغضب:استنى يا رولا٠٠٠لازم نخبط ع الباب الاول وبعدين ندخل٠٠٠دا طبعا من الاحترام.
.
رولا:قصدك اى ٠٠٠قصدك ان انا٠٠
.
قاطعتها شهد ببرود:مش اقصد حاجه٠٠٠يلا ندخل بقا.
.
ترقت الباب فسمعت صوتا يأذن لها بالدخول.
.
شهد:السلام عليكم.
.
يزن بفرحه:وعليكم السلام يا شهد.
.
رولا:هاى يزن.
.
يزن ببرود:هاى رولا.
.
شهد بغيرة شديدة:انت دلوقتى احسن؟
.
يزن وقد علم ما مجرى هذا الكلام وحاول اغاظتها:اه انا كويس دلوقتى.
.
رولا بغيظ:الف سلامه عليك يا زينو.
.
يزن وهو ينظر الى شهد:الله يسلمك يا رورو.
.
شهد بغيرة واضحه:ها اجبلكوا كوبيتين عصير لمون كمان.
.
رولا بسخريه:وياريت فرش.
.
شهد بغضب:هو انت صدقتى نفسك ولا اى يا حلوه٠٠٠انا هنا خطيبة يزن يعنى مش خدامه عندك فاهمه٠٠٠ولو عايزه حاجه جبيها لنفسك عندك الباب اهو وانت تعرفى طريق المطبخ وليكى ايد تعملى بيها.
.
رولا ببرود:الله مش انت اللى قولتى٠٠٠عموما خلاص زينو ممكن اتكلم معاك شويه ع انفراد.
.
يزن بانزعاج:اه طبعا٠٠٠ممكن تسبينا شويه يا شهد.
.
شهد بغضب:اه طبعا عموما انا ماشيه انا بس كنت جايه اطمن عليك٠٠٠٠عن ازنكوا.
.
"ثم اغلقت الباب خلفها"
.
يزن ببرود:ها يا رولا عايزه اى.
.
رولا بغضب:هو الكلام اللى سمعته دا صحيح.
.
يزن:كلام اى دا.
.
رولا وهى تحاول تمالك اعصابها:انك هتتجوز شهد آخر الاسبوع دا.
.
يزن ببرود:ايوه صحيح ف حاجه.
.
رولا بغضب:يعنى اى ف حاجه٠٠٠انت عارف يا يزن ان انا بحبك ٠٠بحبك ومن زمان اوى.
.
يزن بسخريه:وانا مالى٠٠وانت عارفه ان انا مش بحبك وقولتلك كدا مليون مرة انت اللى مش عايزه تفهمى ولا تستوعبى كلامى دا مش زنبى.
.
رولا بدموع:طيب بص انا عارفه انك مش بتحب الناس اللى مش محجبه٠٠٠اا٠انا مستعده انى اتحجب علشانك بس تسيب شهد دى انا هعملك كل اللى نفسك فيه وهخليك تحبنى.
.
يزن بغضب:قولتلك مليون مرة اانت لو عايزه تتحجبى اتحجبى علشان نفسك بس مش علشانى مفهوم٠٠٠وانا مش بحبك ولا هحبك انا طول عمرى معتبرك اختى عمرى ما حطيتك غير ف المكانه دى مش شايفك مراتى انت مش تناسبينى والموضوع دا انتهى خلاص٠٠وانا هتجوز شهد ومفيش غيرها.
.
رولا بغيظ:ماشى يا يزن ٠٠٠باى.
.
يزن:قصدك مع السلامه.
.
نظرت له رولا نظرة غضب ثم توجهت الى خارج الغرفه وهى تقول لنفسها:ماشى يا شهد انا هوريكى بس انا هستنى بس تتجوزى علشان مش يشك فيا وانا هوريكى هخليكى تندمى على اليوم اللى شوفتينى فيه وع اليوم اللى اتجوزتى فيه يزن
.
_____****_____
.
ها قد اتى اليوم الذى كان ينتظره الجميع٠
.
الميكب ارتست:زى القمر ما شاء الله وفستانك حلو اوى.
.
شهد بفرحه شديده:شكرا ليكى اوووى.
.
"كانت شهد تلبس فستان سيندريلا ابيض جميل جدا واظهرت جزء من شعرها بعد إلحاح شديد ع يزن وكانت تضع ميك اب جميل جدا وهادئ ايضا"
.
سلوى بفرحه:يانى يا ولا على القمر٠٠٠يخربيت جمالك.
.
شهد:اى يا سلوى مانت زى القمر٠٠٠دانت هتجننى جاسر يا حلو انت.
.
سلوى بخجل:احم٠٠٠بطلى بقا يا شهد٠٠٠الله.
.
"كانت سلوى ترتدى فستان جميل جدا من اللون الاحمر وطويل وزو اكمام طويله وكانت ترتدى حجابها بامر من جاسر فقد تحسنت العلاقه بينهم كثيرا"
.
طرقت الباب ودخلت:اى العسل والجمال دا يا ناس٠
.
شهد:بجد يا سهيله يعنى حلوه.
.
سهيله:ماتجيبى بوسه يا بت انت وطعمتك دى.
.
شهد باستغراب:انت اتهبلتى يا سهيله.
.
سهيله بضحك:هههههه ما يمكن جمالك مأثر عليا يا جميل.
.
شهد باعجاب: لا انت اتهبلتى رسمى....اومال يا بت اى الجمال دا كله.
.
سهيله :بجددد طب واى رأيك ف اللون.
.
شهد:لالالالا جميل والله.
.
(كانت سهيله ترتدى فستان طويل وضيق جدا يبرز منحناياتها من اللون الكشمير الغامق وكانت ترتدى الحجاب وتظهر بعض من خصلات شعرها)
.
______*****_____
.
ف غرفة يزن ف الاوتيل.
.
يزن:ها يا حاج كدا حلو.
.
الحاج محمود:انت احلى عريس شافته عينى يا حبيبى.
.
يزن بفرح:تسلم يا حاج ربنا يخليك ليا.
.
جاسر وحازم:طيب واى رأيكم فينا.
.
يزن بصدمه:اى دا انتو لابسين شبهى ليه دانا العريس ياض انت وهو.
.
الحاج محمود:سيبهم يابنى بس والله انت احلى.
.
جاسر:حبينا بدلتك فجبنا زيها٠٠٠داحنا لفينا اسوان كلها علشان نجيب زيها والله.
.
يزن:هههههه احسن.
.
(كان ثلاثتهم يرتدون بدل رجالى كاروهات وكان يزن يرتدى بدله سمراء وحازم وجاسر يرتدون بدل كحلى اللون وكانو ف شدة الاناقه)
.
الحاج محمود:مش يلا بينا يابنى.
.
يزن بفرحه وبتوتر لاول مرة يشعر بيه:يلا يا حاج انا جاهز بسم الله نبدأ.
.
*نزل يزن الحفله وكان قد وصل المأذون وطلبوا حضور شهد٠٠٠صدم يزن عندما رأى جمالها بهذا الفستان الابيض الذى يبرز جمالها اكثر كما صدم جاسر من جمال سلوى وغضب جدا حازم من هذا الفستان الذى ترتديه سهيله ولا يعرف سبب عصبيته هذه فهو لا يقرب لها او له اى علاقه بها*
.
وقال المأذون مقولته الشهيرة (بارك الله لكما وبارك عليكما وجمع بينكما ف خير)
.
"علت اصوات الفرحه بين الناس وقام العريسان بالتوجه الى المنصه لكى يحتفلا بهذا اليوم ومع انه كانا يعلمان بالاتفاق جيدا الا انهم كانا فى قمة السعادة لا يعلما السبب ولكنهما كانا سعيدين"
.
وكان الزفاف ف غايه الجمال وقامت السيارة بالتوجه بهم الى قصرهم لان يزن رفض البقاء ف الاوتيل لانه لا يحب هذه الاشياء.
.
دخلت شهد الى الغرفه وتبعها يزن.
.
يزن:يلا شوفى هتلبسى اى وادخلى الحمام غيرى وانا هغير هنا.
.
شهد بتوتر:احم٠٠٠ماشى.
.
*فتحت شهد الدولاب وصدمت مما رأته*
.
شهد بصدمه:يلهوى يلهوى اى دا.
.
_____****____