ملكت قلبى

18

الدكتور:المادة دى كانت ممكن تزودلها الحرق دا وبسببها لو الحرق دا اختفى من ع جسم المدام ودا كان هيكون احتمال ضعيف جدا كان هيكون لسه فيه اثر للحرق دا.
.
شهد والدموع تملأ عيناها:هيكون فيه اثر.
.
يزن يحاول التخفيف عنها:مش مهم يا دكتور المهم انها تكون كويسه واحنا كلنا بنحبها كدا.
.
*شهد بفرحه من هذا الكلام أحقا يحبها ام هذه مجامله أمام الطبيب فهى حقا تريد سماع هذه الكلمه منه حتى ولو كانت بالكذب فهى حقا تحبه بشده ولا تستطيع العيش بدونه بعد الآن*
.
الدكتور:انا هكتبلها كريم تانى احسن من دا هتنتظم عليه وبعد كدا ان شاء الله هتكون احسن بكتير من كدا.
.
يزن برجاء:ان شاء الله...يلا بينا يا شهد.
.
شهد بتنهيده:بعد ازنك يا دكتور.
.
كانت شهد ف السيارة ولم تتحدث ابدا طوال الطريق حتى وصلا إلى المنزل.
.
يزن بقلق:اطلعى انت يا شهد وانا هلحقك.
.
شهد باستجابه:حاضر.
.
يزن بخوف ف نفسه:مين يا ترى اللى حاطط شهد ف دماغه انا لازم اعرفه بأى طريقه لازم احافظ عليها حتى ولو ع حساب حياتى..بس لازم اعرف ماضيها ولازم اعمل الخطوه دى.
.
____****____
.
كانت رولا تنتظرها وهى خائفه من انكشاف أمرها فهى التى وضعت هذه المادة ف كريمها بمساعدة ريم واعطائها المال.
.
شهد وهى تصعد ع الدرج قابلت رولا وتجاهلتها.
.
رولا بغضب لفشل خطتها:انت كويسه يا شهد.
.
شهد باستغراب:وانت اى عرفك يا رولا احنا لسه مش قولنا لحد.
.
رولا بقلق ولجلجه:اى...اصل شوفت عربية يزن فقولت يمكن انت فيكى حاجه وكدا.
.
شهد بغيظ:ايوه كويسه شكرا ع السؤال.
.
ثم دخلت غرفتها وهى ف قمة الغضب منها.
.
.
_____""""""""_____
.
كان جاسر يتحدث معها ف سعاده:انا بجد فرحان جدا لانى واخيرا خطبتك يا حلويتى.
.
سلوى بغضب:وانا كمان.
.
جاسر بتسأل:ف اى يا سلوى مالك.
.
سلوى بحزن:انت مش عارف ف اى...انت مش قولتهالى حتى النهارده.
.
جاسر فهم قصدها:طيب انا اقولك ليه ان انا بحبك وانا عديت المرحله دى بكتير انا بعشقك يا سلوى ادينى سبب اقولهالك.
.
سلوى بعد استوعاب:لا بقا يا جاسر انت لازم تقولها وكل يو...
.
ثم صمتت عندما استوعبت كلامه وف خجل قالت:احم... طيب اقفل كدا دلوقتى.
.
جاسر بضحك: هههههههه انت مكسوفه.
.
سلوى بخجل شديد:سلام يا جاسر.
.
ثم اقفلت الخط قبل أن يتحدث أو ينطق بأى حرف اخر.
.
جاسر بابتسامه بعد قفلها للخط:مانت طلعت بتتكسفى اهو ههههه.
.
_____****_____
.
كان يتحدث إلى سهيله:الو يا سهيله.
.
سهيله بهدوء:ها يا حزومتى عرفت هو مين.
.
حازم بصدمه:حزومتك!
.
سهيله بخجل من نطقها هذه الكلمه وهى لا تعلم كيف نطقتها: اقصد حازم انت اى سمعت غلط شوف سمعك ماله كدا وصحصح معايا.
.
حازم بحزن:المهم اللى مشترك مع سمر هو جدى بس ف اى مش عارف.
.
سهيله بتفكير:بص انا هحاول.. هحاول اعرف بس مش تأكيد يعنى.
.
حازم بتنهيده قويه:كدا تمام.
.
سهيله بقلق عليه:مالك يا حازم.
.
حازم وهذه اول مرة يحكى لاحد شئ يخصه:انا زعلان اوى لأن جدى هو اللى بيشجع اختى ع حاجه انا حاسس ان الحاجه دى مش مريحانى حاسس ان ف حاجه هتوقع فيها سمر وهتندم عليها.
.
سهيله بتصبير:مش تزعل يا حازم وان شاء الله كل حاجه هتكون خير.
.
حازم:يا رب يا سهيله..طيب سلام لازم اقفل دلوقتى.
.
سهيله:سلام٠
.
____****____
.
صعد اللى غرفته ودخل اليها وكانت تنتظره وعندما رأته اقتربت منه ف قلق:انت كويس يا يزن.
.
*احتضنها يزن بشده وهو لا يعلم كيف يقولها ولكن بالفعل قالها فقد فازت مشاعره وقلبه ف هذه الحرب التى كانت بين قلبه وعقله فكان القلب يشجعه ع قولها اما العقل لا كان معارض ع هذا*
.
يزن بتوتر:انا...انا بحبك اوى يا شهد وعايز أدى علاقتنا فرصه والغى الاتفاق اللى ما بينا دا لانى تعبت بجد وعايزك تكونى ملكى انا وبس طول العمر انا مش عايز تبعدى عنى مش عدت اقدر اعيش من غير اما اشوفك كل يوم واسمع صوتك.
.
قال هذه الكلمات بسرعه وشهد ف حالة زهول.
.
شهد بدهشه:انت بتقول كدا علشان اقولك الماضى بتاعى صح.
.
يزن باعتراض سريعا:لا وعمرى ما هعمل كدا ابدا حتى لو مش قولتيلى حاجه انا موافق بس انا تعبت من انى اخبى مشاعرى اكتر من كدا وتعبت انى امثل انك مش تهمينى تعبت من الاتفاق دا حاسس انك مش ملكى حاسس انك بعيده عنى.
.
شهد وهى تبادله الحضن وتبكى:وانا بحبك اوى يا يزن والله بس انا لازم اقولك ع كل حاجه.
.
يزن وهو يضع يديه ع وجهها:بس لو مش عايزه تحكى حاجه مش مهم انا مش عايز اعرف المهم انك بتحبينى.
.
شهد بسرعه:لا انت لازم تعرف كل حاجه انا بس كنت عايزه اطمن كنت عايزه اقولك بعد اما اتأكد انك هتفضل معايا
.
ثم أخذته وجلست ع الاريكه وجلس أمامها.
.
قال يزن بحزن:احكى يا شهد مش تخافى.
.
شهد بدموع:وانا كان عندى سنتين ونص ماما ماتت وبابا قال إن هو لازم يتجوز واحده تانيه لأن انا صغيرة علشان تاخد بالها منى لان هو كان في شغله دايما وانا قاعده لوحدى...واتجوزها وبعد اما اتجوزها بوقت مش كتير اتقلبت معاملتها معايا ١٨٠ درجه وعادت بتعاملنى أسواء معامله وبابا مش موجود بس بس وهو كان ف البيت كان معاملتها بتكون حلوه اوى معايا وبعدها حملت وخلفت حازم وبعدها سمر وف الوقت دا كانت بتضربنى  عالطول وتدى مبررات لبابا مش حقيقيه وتقولها سيبها انا بربيها علشان عايزاها تطلع احسن بنت وكل الناس تحكى بتربيتها وبابا مش كان عارف حاجه لانه حبها وكانت عايزه تمنعنى من دراستى بس انا عارضت وبابا بردو عارض الموضوع دا وكلمتها علشان اعتمد ع نفسى واتهمتنى انى بحاول أوقع....
.
ثم أغمضت عيناها ف بكاء واكملت بعد تنهيده طويله:بوقع رجاله غنيه علشان اتجوزهم وضربتنى وقالت لبابا وبابا زعل منى وخاصمنى شهر وكانت عالطول تضربنى ع اتفه الأسباب وحازم يحاول يمنعها بس هى كانت تهدده أنها تضربه هو كمان وكان بيخاف علشان مش كان متعود ع كدا وكانت سمر عالطول مساعداها حتى هى كانت بتاخد فلوس من بابا وتقوله أنها هتشتريلى هدوم كتير وكانت بتاخد سمر وتشترلها هدوم وانا كانت بتشتريلى طقم واحد بس ومش بيكون حلو بس كنت بقول الحمد لله احسن من مافيش وكانت مفهماه أن انا بصرف فلوس ع الفاضى والمليان.
.
يزن ولاول مره يبكى أمامها:وانت مش قولتيلى ليه.
.
شهد ببكاء ع حاله وهى تحتضنه:علشان انا كنت مفكره ان انا وانت مش هنكمل مع بعض فقولت انا مش هقول حاجه لحد انا مش هكمل معاه ومش هفضل معاه فأى لزمتها.
.
يزن بدموع:طيب والحرق اللى فى أيدك.
.
شهد ببكاء أشد وقد اعتدلت مره ثانيه:ف مرة انا وسمر اتشاكلنا ع شوكلاته لان كان نفسى فيها لانى كنت صغيره يعنى وكدا فمرات بابا زعلت وقامت ضربتنى وحرقتنى بالسكينه جامد وفضل الحرق دا معلم عليا حاولت كتير اوى انى اعالجه بس مش عرفت وبعدين انا كنت بحسب انك مش عايز تشوفنى كدا علشان كدا انا مش بحب اشوف النار ولا اقرب منها بحس ان هى هتحرقنى.
.
يزن وهو حزين:وانا مش بحبك الا وانت كدا.
.
شهد ببكاء:طيب انت ليه بتعيط دلوقتى يزن حبيبى مش بيعيط ابدا.
.
يزن وهو يمسح دموعه ويحتضنها:لانك استحملتى كتير اوى وانا مش كنت عارف حتى مش عارف اخفف عنك لانى مش كنت فاهم حاجه.
.
شهد بدموع:بس انت دلوقتى عرفت اهو هتعمل اى يعنى انا اهم حاجه انك جنبى.
.
يزن بغضب:هعمل كل خير.
.
_____****_____