ملكت قلبى

17

الحاج محمود بتوتر:انا مش عارف حاجه يا يون ع الموضوع اللى حصل دلوقتى ولا سببه ولا اعرف هى افتكرت اى..ولا حتى اقدر احكيلك ع اى حاجه..انا بس اقدر اقولك إن ماضى شهد محدش يعرفه غيرها وغير حازم اخوها وهو اللى حكالى وتقدر تروح تسأله بس انا مش اقدر اقولك اسف يابنى.
.
انطلق يزن سريعا الى حازم ف منزله.
.
_____*****_____
.
.
وصل يزن واخيرا إلى منزل حازم
.
يزن بغضب:حازم فين.
.
امينه باستغراب:جوا يا يزن ف الاوضه.
.
دلف يزن الى حازم وهو غاضب: حازم.
.
حازم بدهشه:فى اى يا يزن مالك وانت جيت امتى ف اى..شهد حصلها حاجه قول شهد كويسه.
.
يزن بخوف:اى هو ماضى شهد يا حازم..انت الوحيد اللى تقدر تحكيلى ع كل حاجه احكيلى وعرفنى انا لازم اعرف.
.
حازم ببرود:لا مش انا الوحيد... شهد ممكن تحكيلك كل حاجه.
.
يزن بخوف:شهد عندها دلوقتى صدمه نفسيه واغمى عليها النهارده وهى مش هتحكيلى حاجه فاحكيلى انت كل حاجه انا سألتها كتير وهى مش رضيت تحكيلى مش عارف اعمل اى اكتر من كدا علشان توافق تقولى كل حاجه.
.
حازم بصدمه:اى ! ازاى وهى دلوقتى عامله اى وليه مش قولتلى حاجه زى دى.
.
حكى له يزن كل شئ.
.
حازم بتوتر:انا مش هقدر اقولك غير حاجه واحده بس.
.
يزن باستماع:اى هي.
.
حازم:شهد بتخاف يا يزن من النار.
.
يزن بصدمه:اى!..من النار طيب وليه هو ف اى.

حازم بتوتر:انا مش هقدر اقولك غير كدا انا اسف دا سر بينى وبينها والسر دا مش لازم يطلع بينا انا بس اضطريت اقوله لوالدك الحاج محمود بس مش هر اقولهولك.
.
يزن بغضب:ليه...لا انت لازم تقولى ع كل حاجه وهو انت لو مش قولتلى مين هيقولى انا جوزها يا حازم يعنى لازم اعرف.
.
حازم بتردد:شهد هى اللى لازم تقولك.
.
يزن بسخريه:وهى شهد هتقولى حاجه.
.
حازم بتوتر:اه هتقولك.
.
يزن بتسأل:ازاى هتقولى انا حاولت معاها بكل الطرق وهى مش موافقه.
.
حازم بهدوء:سهله جدا..خليها تأمنلك وتثق فيك وتحس انك هتعيشها ف امان طول عمرها وهتفضل معاها عالطول ومش هتسبها ابدا خليها تحس بالحب من كل جهه بحنانك بدفئك بكل التفاصيل دى.
.
يزن وقد تذكر الاتفاق الذى بينهم وعلم سبب عدم ذكر اى شئ عن ماضيها فهى ترى انها مجرد فترة من الزمن وسوف يتركها ويذهب فلماذا تقول له وهى لن تكمل معه حياتها.
.
يزن بحزن:ماشى يا حازم..عرفت هحل الموضوع دا ازاى وازاى هخليها تحكيلى دلوقتى فهمت كل حاجه سلام.
.
حازم باستغراب من ردة فعله هذه:سلام ابقا طمنى عليها.
.
يزن وهو متجه الى الباب:حاااضر.
.
____***____
.
ذهب يزن اللى المنزل وهو حزين لا يعلم ماذا يفعل وماذا سيقول وماذا ستكون ردة فعله عندما يراها فهو يحبها نعم يحبها وهذه المرة الأولى التى يعترف لقلبه عن هذا الحب وعن عشقه لها فقد ملكت قلبه وجعلت منه عاشق لها يموت لاجلها ويحيى لاجلها لا يستطيع العيش بدونها يعشقها حد الجنون حد الموت حد التضحيه.
.
يزن ف نفسه:طيب اعمل اى دلوقتى انا فهمت هى مش راضيه تحكيلى ايه بس اخليها توثق ازاى ان انا مش هسيبها هتفضل معايا دايما ان انا بحبها.
.
.
وذهب إلى غرفته واتجها إلى الفراش التى توجد فيه وقال بحزن:طيب مش هتقولى بقا مالك واى اللى بيحصل بدل خوفى وقلقى عليكى دا انا تعبت تعبت من كل اللى بيحصل فيكى تعبك بيتعبنى المك بيقتلنى انا.
.
شهد وهى بدأت تستفيق:ااااه..يزن.
.
يزن بخوف:نعم يا حبيبى انا جنبك اهو مش هسيبك.
.
شهد بتعب تحاول تذكر ما حدث:هو اى اللى حصل.
.
يزن بتوتر:مش حصل اى حاجه يا حبيبى وانت بخير بس لازم بس تاخدى العلاج دا بانتظام وتاكلى كويس كمان مش تقلقى.
.
تذكرت شهد ما حدث لها بعد انتباهها لما حولها:انا خايفه اوى انا مش بحب المطبخ ولا اللى ف المطبخ مش عدت عايزه ادخله تانى يا يزن انا مش عايزه اعمل حاجه فيه مش بحب اطبخ ولا عايزه اتعلم حاجه فيه.
.
يزن بقلق عليها:حاضر يا حبيبى انت مش عدتى هتدخليه تانى خدى انت بس العلاج دا وادهنى الكريم دا واوعدك انك مش عدتى هتقربى بس من ناحية المطبخ ولا هطلب منك اى حاجه تانيه ليها علاقه بالمطبخ.
.
شهد بطاعه:حاضر.
.
وفجأه انقطعت الكهرباء.
.
يزن بغضب:يوووه هو دا وقته.
.
شهد بخوف:انا مش بحب الظلمه يا يزن نور الكشاف.
.
يزن بخوف عليها:حاضر يا حبيبى انا هشوف شمعه اهو واولعها.
.
شهد بخوف اكبر:هتولع شمعه لا.
.
يزن بتذكر:أو اقولك انا لسه هولع شمعه انا احسنلى اقعد بالكشاف وكمان نوره احسن من الشمعه بكتير.
.
شهد بخوف وهى لا تعلم أنه يعلم بخوفها من النار:ماشى كدا احسن بكتير.
.
ثم اتصل يزن بأحد ليرى ما هى مشكله الكهرباء وانتشرت الكهرباء مرة ثانيه ف القصر بأكمله.
.
يزن يحاول تهدائنها:كدا تمام...يلا بقى ادهنى كريمك دا.
.
شهد بتوتر:حاضر.
.
بدأت شهد بدهان الكريم ع يدها ولكنها فجأه شعرت بشئ غريب وشعرت بوجع شديد وبدأت ف الصراخ فأسرع إليها يزن.
.
يزن بخوف شديد:ف اى يا شهد.
.
شهد بوجع:ااااه مش عارفه الكريم بيحرقنى اوى وحاسه كدا أن جسمى بيولع وكأن الحرق دا بيكبر اكتر مش العكس.
.
يزن بخوف:طيب تعالى نغسل ايدك كدا.
.
ذهب يزن وحمل شهد واتجه إلى الحمام وفتح صنبور المياه ولكن شهد كانت تتألم أكثر عندما تقترب المياه منها.

يزن بخوف:احنا لازم نروح للدكتور.
.
شهد بخوف:لا لا انا هكون حلوه دلوقتى....ااااااه.
.
ثم بدأت ف الصراخ من جديد.
.
يزن بخوف:لا مهو مش ينفع لازم نروح للدكتور..بس انت هتغيرى ازاى وانت كدا.
.
شهد بقلق:مش عارفه بس بسرعه نادى داده سميه اى حد.
.
يزن بخوف:ما هما نايمين..خلاص انا هتصرف.
.
شهد بقلق:يعنى.
.
يزن:يعنى انا جوزك.
.
شهد بقلق:اوعى تعمل اللى ف دماغك دا يا يزن انا مش موافقه..ااااه.
.
يزن بقلق وخوف اكبر:مهو انا مش هستحمل انك تتوجى اكتر من كدا ومش هقدر استنى اكتر من كدا ومش قدامى حل غير دا.
.
_____***____
.
ذهب إلى الطبيب واخذ معه الكريم الذى وضعته ع بشرتها وبعد فحصها:فين الكريم اللى دهنت منه.
.
يزن بخوف:اتفضل هو دا الكريم.
.
الدكتور:طيب دى اول مرة تحصل الكريم دا ممتاز جدا للحروق.
.
يزن بخوف:ايوه هى عالطول بتدهن منه.
.
الدكتور:طيب ثانيه.
.
نادى الطبيب ع مساعده:خد اى المعمل وشوف اى الماده اللى فيه.
.
وبعد نصف ساعه.
.
المساعد:المعمل بيقول إن اللى فيه دا ماده زى ماية النار كدا وبيقولوا أن كويس انكوا لحقتوها علشان كان ممكن الحرق اللى ف تيديها يكبر وكان ممكن دا يأثر ع ايديها كلها.
.
يزن وشهد فى صوت واحد وبصدمه:اى ماية نار.
.
_____****_____