باسم الله الرحمان الرحيم
^^^^^^^^^^^^^^^^^^^^^^^^^^^^^
قلتلهم كامل يبعدو على الباب ، جبدت سلاحي .. فتحت الباب غير بالعقل حتى نتفاجأ
بلابوليس ، العسكر ، جاردارميا .. بابابابا تحسب رانا مخبيين بابلو إسكوبار هنايا
"خير واش تحوسو" قلت و انا نخبي في سلاحي الزين اللي لوكان يشوفوه ندخل مليون سنة للحبس
"راهي هنا فريحة تاكيلجاد؟" سقسا واحد العسكري
جاتني في راسي فكرة تاع نقولهم راهي هنايا و مخبية في القبو
بصح بابا ماعلمناش نبيعو على بعضانا مهما كان ..
"ماهيش هنا" قلت بثقة زايدة
قال"ادخلو فتشو" كانو جايين ، درت يدي في وجهو و قتلو نحلف فيه "ماكان حتى واحد يقدر يدخل لدارنا ، و يتجاوز كلامي فهمت ولا نن ؟"
البوليسي خزر في العسكري و رجع خطوة للور ، كي جا راح يهدر
سمعنا صوت طونوبيلات جايين و صوت موطوات يرعدو قد السماء
"واش كاين اليوم ؟" قلت لماما .. بصح ماما ماكانتش هنايا باينة تخبي في عمتي في كاش جحر
كنا واقفين كامل قدام الباب .. رفيف ، وفاء ، عماد وليد عمي صغير ، أسماء ختو الصغيرة .. هند لانتيم اللي ماعلاباليش منين دخلت .. ملاك اللي فمها كان معمر ماكلة .. سامي وليد عمتي حليمة ، مارام بنت خالي اللي ماتو والديها بكري
وصلو هذوك طونوبيلات لقدام الدار ، وكي نقول طونوبيل اتخيلو طونوبيل مارسيداس آخر طراز
ملاك "جيجي ماقلتيليش راح يجي اليوم السفير تاع الصين ليك؟ على الاقل نديرو الشوك تحت كرسي تاعو"
هند "هيه و نديرو لايف في أنستا نشاركو فرح و القرح ياك"
عن جد تفاهتهم بلا حدود .. كرهت حياتي و أنا نحوس نقرعج شكون جا
فجأة هذاك القوم تاع لابوليس و العسكر كامل وقفو باحترام .. نحاو القبعات تاعهم و دارو يدهم في راسهم و قالو كيف كيف "حضرات"
واااااو ماكنتش عارفة بلي رئيس تاع ماريكان راهو جاي
ملاك "نروح نجيب الشوك"
هند "جيجي الدعوة تخلطت ، مانيش نقدر نتواصل مع لبنات اللي فوق سطح ! "
كنت نطلع في راسي نحوس نشوف شكون جا ، نكذب عليكم حماسي زايد بزاف
خرجت لبرا . مشيت وسط هذوك العسكر اللي كانو دايرين التحية
غمضت عينيا و مشيت بالزوخ ، كيما يقولو الحياة مرة واحدة و هذي لحظة ماراحش تتعاود
ملي كنت صغيرة نحب نخرج نخدم في عسكر ، بصح حماية عائلتي و حياة اهل -كوليناك -هي المهمة
أنت تقرأ
كوليناك - Culinak
Actionمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
