قال لها بغموض " كيف تستطيعين أن تكوني قوية دون إنحناء ؟ "
نظرت الى الأنحاء و قالت " أقسم برب السماء ، إن الأمر ليس سهلا يتقبله الجبناء .. ضحيتُ بطفولتي يومَ العيد ، و أنوثتي أهديتها لملك الجليد ، أما قلبي فرحل الى بعيد "
-اللهجة الجزائرية-
إعلان الرواية
------------------------------------------------------
في هذيك القاعة الفارغة صدى صوتها بالعياط
"ياااااوسمك علابالك معامن راك تهدر ؟ كيفاش حشرة كيما نتايا تقولي يا مخلوقة ؟ راك تشوف فيا هايشة "
عيطت فيه ، و السلاح اللي في يدي ملصق في راسو خزرتي كانت تاع بسيكوبات شعري نبعد فيه بسلاح
"اسمحيلي اسمحيلي مادموزال ختي جيهان اسمحيلي" قالي يحلل فيا
خزرت فيه مليح مليح ، نسامحو ولا نن ؟ في رايي نسامحو
حتى شفت صاشي بيض في جيبو ! اااو واش هذا ؟ خرجتو من جيبو بلخف و لقيت بوووم لادروڨ
رفدت السلاح و بلا مانخمم زوج خطرات كانت الرصاصة في فخذو
"اااااااا واش درتي !!" عيط يخزر في رجلو و طاح في الارض يندب
"تيريت عليك في رجلك برك ؟ ااو راك حاب نبعثوك للروس على حساب وزارة الصحة ايه" قتلو ببرود
"حميدو حميدو ارفد الرجل قبل مايشوفو وليدو" قلت لحميد نغني و نمشي
خرجت برا لقيتهم يخزرو فيا .. هبطو راسهم كي سقسيتهم واش بيهم و كل واحد نفوت عليه يقولي "سلام اختي " و يدير يدو من جيهة قلبو
ياعيوني يا انا ، و أخيرا قدرت نولي خليفة تاع بابا حق و حقوق
الحي تاعنا هو "كوليناك" ، أخطر حي في دزاير أي سلعة تدخل للبلاد تفوت على رجالنا .. تجارة تاع كلش برك الحاجة الممنوعة اللي مستحيل نقبلو بيها هي لادروڨ "مخدرات".. أي واحد يتاجر بلادروڨ في حومتنا العقاب تاعو راكم عرفتوه ، يا اما الموت يا اما يفقد القدرة على المشي الله غالب القوانين هكا واش حبيتون
أنا هي الجيل الجديد تاع العائلة تاعنا ، "تاليكجاد" أخطر عائلة في دزاير و حنا اللي درنا قوانين "كوليناك" بابا و خاوتي في الحبس ، وليت أنا المسؤولة الوحيدة على هذي العائلة الكبيرة
"هاتي نعاونك خالتي زبيدة" قلت لواحد المرأة عجوزة و رفدت عليها سعفة تاعها
"الله يرضى عليك يا بنتي جيهان"
"جيهان تاليكجاد" قدرت و أنا عمري 24 سنة نحفر هذا الاسم في عقول الناس .. سورتو اللي حبو يدخلو للحي مور ما دخل بابا و خاوتي للحبس ، انا طفلة زيني جزايري مية بالمية .. همي الوحيد نحافظ على حياة عائلة تاعنا و حياتي مافيش حب مفيش تمعشيق ، بس الجنون و القتل يا رفيق
أنت تقرأ
كوليناك - Culinak
Actionمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
