مامعنى كوليناك ؟ ..
كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم
مهلا فإنّها قادمة ، تلك الحسناء .. تلك التي ترعى الياء...
كي كانت جيهان تحوس تقرعج شكون جا .. حتى تفاجأت بواحد الرجل أقل مايقال عليه كان شبيه تاع ياسين .. لدرجة خلاتها تتلفت و تخزر في ياسين اللي كان بدورو مخلوع
راح حل الباب تاع ليموزين اللي جات موراهم ، هبطت واحد المرأة كبيرة في العمر .. كانت آية في الجمال و تكبر يبان عليها
يوسف برعشة "دارين !!"
إيلان هبطو دموعها و شدت يد مروى و تغاشات
جيهان كانت مصدومة كي شافتها ، هي نفسها ! اللي دمرتلها سعادتها و قتلتها حبها !!
يوسف تبدل وجهو .. من هذاك الراجل الهادئ لواحدوخر مبدل كامل
"كارلا دارين آنيلاس" قالت جيهان تحت لسانها ..
دارين هي بنت -الشيطان الإيطالي- ، و المتحكمة في مافيا تاع صقلية .. 64 سنة .. أكثر وحدة تكرهها هي بنتها إيلان -السبب من بعد يبان- .. وليدها كريم هو اليد يمنى ديالها و تحكم فيه في كلشي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلقت جيهان يد يوسف ، خزرتها تخوف .. كانت ابتسامة نصر كبيرة على وجه دارين
"Yusuf Haider Khan, Jehan Takilgad, è ragionevole sposarsi senza la signora Darren?"
جيهان بالعياط "أهدري بالعربية رنكي!"
دارين بضحكة "اوها ، جيهان و يوسف ! تزوجتو بلا ماتعرضوني ؟"
خزرت فيها بكره " العرضة تاع الصح في جنازتك"
دارين بضحكة "ونتا يوسف ؟ تتزوج بواحدة قد بنتك؟ و أون بلوس بنت الشوارع"
جيهان كانت تحارب باش مايطيحوش دموعها ، رفدت ربتها و الكرامة تاعها الباقية و راحت تجري
يوسف كان ساكت و متحمل ، شعرو هابط على وجهو و هو مقلق بالعياط"روحي منا دارين اخطينا'
بصح هذي الخطرة ردلو كريم ، توأم ياسين .. رجل أعمال في طاليان راح مع يماه ملي كانو صغار و الهدف الوحيد تاعو تدمير خوه ياسين
" مسيو يوسف كيما علابالك الورث اللي خليتو لمرتك الجديدة من حقي أنا و يما سورتو كي .." و غمز ليماه بمعنى
"مزالني مرتك الاولى .." باستفزاز قالت دارين
ياسين وقف في وجوهم و قال "ايه بصح هذيك بنت الزنقة اللي راكي تهدري عليها تستاهل الورث خير منك بألف مرة "
