كان هذاك الرجل الكبير في العمر واقف و داير يديه مور ظهرو بغرور ، و قدامو ..
نور قائدة عصابة كارايال ..و الحاجة اللي خلات عقل ياسين يحبس و قلبو يخبط
هي جيهان اللي كانت واقفة و فمها مغلوق بالسكوتش و السلاح مصوب على راسها
يوسف بخزرة ترفد بزاف معاني ..زيّر على يديه حتى بانو عروقو و قال بحقد "أدهم تاكيلجاد .."
ياسين تفكر كامل طفولتو .. تبدلو ملامحو لأخرى تاع كراهية
رفد سلاحو من جيهة أدهم جد جيهان ..
لوخر ضحك بسخرية و خزر في يوسف خزرة ماتبشرش
خلاه يحط يدو على كتف ياسين و يخبرو بصوت هادي "وليدي جيهان راهي في دونجي ..أخطيك"
ياسين بالعياط عروقو بانو"واش من جيهان ياو .. قدامك #### بشحمو و لحمو "
جيهان كانت بملامح باردة ..شعرها طايح على وجهها و يديها و فمها مسكوتشيين
جا راح يطلق من جيهتو حتى طرطقت بومبة في البلاصة اللي كانو فيها
ياسين و باباه طارو يجرو تخباو ..كانو متأكدين بلي ماراحش يخرجو حيين من هذي بلاصة
كانت الدعوة كارثية حرفيا كل واحد بهمو كل واحد يجري باش يسلك حياتو
ياسين طلع الدروج من جيهتهم و يوسف يتبع فيه و شاد سلاحو هو ثاني
وقفو مقابلين أدهم و نور ..و جيهان
ياسين شاد على سلاحو " كنت نسنا في نهار نتلاقا بيك .. ياوحد ####"
أدهم ببرود " اقعد تنبح كي الكلب وحدك .. راح تلحق جدك نتا ثاني "
جيهان خزرت فيه بكره و حقد و نور ضحكت بخبث
"راح نرسلك لجهنم بيديا هذو فهمت ؟" قالو بالعياط حتى صدى صوتو في البلاصة
جيهان كانت تمشي من جيهة يوسف اللي هو بروحو راح من جيهة بعيدة يسنا فيها ..و ياسين يلهي فيهم بالهدرة
"الراجل يتكل على الراجل و المراة تتكل على صحبتها" قالو ياسين يمعني على نور اللي كانت العصابة تاعها هي السبة في الانقلاب اللي صرا
نور جات راح تجبد سلاحها ، بصح يد أدهم منعتها
جيهان تغمز بنص عين تاع كمل كمل
ياسين خزر فيها تاع صونسمير و قالو "أعرف مليح معامن راك تلعب ..أنا مانيش نفس الطفل اللي قتلت جدو قدام عينيه"
يوسف في هذيك لحظة تصلب ..وقف بشوك و فمو موسع حتى للاخر
جيهان رمات بلغيتها من جيهة ياسين طاحت في جبهتو ..و هربت تجري كيما زومبي مشمخ
أدهم دار ليوسف و تبسم و نور جبدت سلاحها من جيهة ياسين ..
يوسف كان يتنفس بالقاوي و رافد يدو من جيهة قلبو ..نور بالعياط " بوص حفيدتك راها هاربة"
أنت تقرأ
كوليناك - Culinak
Actionمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
