ياسين يقرب ليا و ابتسامة فوق وجهو ، حط وجهو حذا رقبتي و قالي بهمس
"جيهان تاكيلجاد ..نتي برك اللي قدرتي تطيحيني في حبك ..أنا عشقتك نتي برك ، نحبك جيهان"
وايت ؟ وات ! ياسين و الحب ! الحب و أنا ! ياسين و أنا ؟
كنت راح نبعدو على وجهي حتى نتفاجأ بواحد لابس لكحل طايح فوقو و يضرب فيه !!!
دورٓ وجهو ليا حتى نلقاه !؟
ياسين !!؟ نسخة ياسين ؟
ااا خلاص عرفت -كريم- التوأم تاعو الشرير ..تنفس بالقاوي و قالو رافد صبعو و يهدد "تزيد تقرب ليها ..تزيد تدنى ليها ..تزيد توشيها ..."
قتلو ببرود "اختصر بن عمي اختصر"
ياسين خزر فيا خزرة تخوف و كمل يهدر مع خوه "راح تخلصها غالية ..راح تذوق العذاب اللي ماذقتوش مع يماك الخاينة فهمت ؟"
كريم تبسم تبسيمة ماتبشرش "صح انا كذبت و قلت بلي انا ياسين بصح ماكذبتش كي قلت نحبها"
ثماك ياسين طاح عليه بالدبازي ..رحت نجري ليه شديتو من يدو "ياسين دقيقة .."
ياسين حبس و قاعد يخزر فيا ..أنا رفدت الروبة و بالطالون العزيز تاعي عفست على نيف كريم
"ااااا وخذتي نيفي ..نيفي !!!"
بدا يعيط و شاد نيفو ..أنا ضحكت كيما عمكم الجوكر و قتلو "المرة الجاية نمسح بيك لرض ! ديجا أصلا أنا عرفت بلي نتايا مشي ياسين"
خزرت في ياسين و كملت "بيسك هو فيه ريحة شوادا و نتا مافيكش ..بيسك هو عندو حواجبو متلاصقين ونتا ماعندكش ..بيسك ..."
قاطعني الشادي بالزعاف "لوكان غير خليتو يكمل واش كان حاب ..نتهنى منك"
وايت ؟ واط ! واش كان حاب ؟ ديجا تفكرت
"ياسين وين عرفت بلي رانا هنايا؟"
ياسين قعد قدام شجرة و بدا يهدر ..صراحة حسيتو عمو يزيد يدير في حكايات أطفال
Flashback
Yacine prv
كنت نمشي حتى سمعت هدرة في شومبرا تاع دارين و معاها ناريمان ..أنا بديت نشك بيسك اللفعى مع اللفعى يعني ؟
وقفت قدام الباب نسمع ..
دارين تقول "ياك حطيتي هذاك الميساج في بلاصة الرسالة تاع يارا ؟ ماغلطتيش ؟"
ناريمان بضحكة شريرة "ايه هي بالذات ..كتبت بلي عائلة تاع جيهان بكري هوما اللي قتلو باباها ..و زيد كتبت بلي جيهان تحوس تقتل يوسف و ياسين كي قرا هذو صوالح راح ليها و رافد سلاح "
دارين بخبث "من بعد ؟"
ناريمان رافدة كتافها "والله مانعرف جات هذيك ايلان ترمي عليا في الكلام و انا لهيت معاها "
دارين " الخطوة الجاية هي المهمة"
ناريمان دارت براسها تاع ايه ..قالت لفعى لوخرا
" هذاك الشايب تاع يوسف راهو رايح معاها للروس و علابالك بلي كريم راهو ثما هذو يامات ؟"
أنت تقرأ
كوليناك - Culinak
Açãoمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
