مامعنى كوليناك ؟ ..
كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم
مهلا فإنّها قادمة ، تلك الحسناء .. تلك التي ترعى الياء...
سكت شوية ، خزر في صحبو و تبسم إبتسامة تاع سخرية كشغل .. من بعد خزر فيا من تحت رموشو
قال ... "إذا حابين "جلال تاكيلجاد" و ولادو يخرجو من الحبس تخرجو من كوليناك ، و تولي ملك للدولة "
كانت الجملة تاعو كافية باش ترجع عقلي يطفا و جسمي لا إراديا تقدم ليه
شديت سلاحي و حطيتو في وجهو بالتحديد بين عينيه " إسمعنّي مليح هدرتي ماراحش تتعاود إذا زدت نطقت اسم بابا بفمك ولا حلمت برك بكوليناك راح تكون ميت "
ضحك ضحكة سخرية ، كانو كامل اللي في البلاصة ساكتين غير صوت تنفس تاعي عيطت فيه "فهمت ياوسمك "
تبدل وجهو و قالي "سيفغي قلت بلي طفلة و احترمتك بصح نتي ظهرتي صح ### ياو أنا ما رانيش نشاور فيكم هذا أمر من جنرال و يتنفذ ذوك"
خزرت فيه منشوعة منو
"و شكون نتا باش تأمر بنتي في دار باباها ؟ و شكون نتا باش تحلم بكوليناك "
زادت دقات قلبي كي سمعت صوتو ، طيحت السلاح في الارض و دورت راسي من جيهتو و كلي صدمة
جريت ليه نعنقو و أنا نعيط "بااابااا" .. دخلت راسي في صدرو هو فوّت يدو على ظهري و همس في وذني
"بنتي الشابة توحشتك بزاااف"
جات لينا ماما وقفت قدامو مش مصدقة ، بعدت عليه و هي عنقاتو
حتى دخلو علينا ثلاثة خاوتي .. سيفو خويا الكبير 29 كان داير يديه في جيابو و نواظرو فوق شعرو و يمشي بزوخ "نقص علينا التواضع ياو" قتلو و دمرتو هو عنقني بقوة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حتى نشوف خويا الوسطاني 23 سنة ، كرم جاي يمشي ببرود وااو ماتبدل والو فيه بوخناين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
