Yacine prv
كنا نهدرو عادي في أمان ربي حتى طاحت ختكم و مشي صحبتكم جوجو مرت بابا الزينة
بابا حصلها فيا ..ايلان مع مول الورث قصدي باباها ظالم ولا مظلوم
كانت جيهان راقدة ..شعرها طايح على وجهها ..بووم ناضت مخلوعة على ضربة
خزرت فيا من بعد في بابا من بعد فيا ..بدات تعيط
"وين راااني !! شكون نتووما؟ وينها ماماتي"
واو ..حبيبتها فقدت الذاكرة ..ماماتي آر يو سوريوس
بابا"جيهان راكي مليحة؟ واش بيك بنت..." حتى قطع
ايلان و مروى "واش كنت راح تقول ؟ بنتي !"
وايت ؟ يسما مشي متزوجين كي قالها بنتي؟
أنا بخبث"واش قلت ؟"
يوسف خبط المزهرية راحت دارت دورة ابن بطوطة تحت البونك "أنا باباكم تزيدو تهدرو معايا هكا نرسلكم لجهنم"
جيهان بطفولية "نتا بابا؟ ياعوملي " و طاحت عليه تعنق فيه
وايت هبلت المخلوقة ؟ جيبولي كاس لاجافال بارد تعيشو
حتى فتحت الخدامة الباب دخلو قوم قريش ..قصدي لافامي تاعها من راسة باباها للجوهر جارتهم رافدة مكحلة و دايرة زيت زيتون في شعرها
جلال بنبرة تاع زعاف"واش درتو لبنتي !! ااه واش درتو؟"
جيهان قاعدة دوّر في راسها بين جلال و يوسف
جيهان بطفولية "شكون بينكم باباتي؟ وينها مامي"
مدولي فاس مدولي كسكاس ..نقضي بيه على فارغة الراس
سهيلة خانم "واش درتو لبنتي !!!! واش بيك جيهان أنا يماك"
جيهان تبكي و تحوس تنوض "أنا مانعرفكمش مآااه بعدو عليا"
راني صح بديت نخاف من هذي متوحشة تاع جيهان سبحان الله مبدل الأحوال راهي تبكي منيتها؟
رفيف أختنا الحكيمة " بعد باسم الله و الحمد لله فإن حسب توقعاتي و الله أعلم أختنا جيهان قد فقدت الذاكرة أو حدث خطب ما في عقلها و هذا بسبب رهابها من الأماكن المغلقة إضافة الى تزامنه مع توترها و إرتفاع ضغطها فإن عقلها يرجع تلقائيا لعمر الستة سنوات و هذا حسب خبرتي بكل تواضع سيدوم ليوم أو أسبوع أو حتى يوما كاملا"
جوهر جارتهم رفدت المكحلة و قالت"مافهمتش علاش جبتوني هنايا معاكم السوجي مشي تاع ذبيحة و مشي تاع تعذيب و مشي تاع قتل
الطفلة هبلت برك يا حمودة"
ضربت الخدامة بكتفها و خرجت ..كما توقعت تم تدمير الهدف و مروى دات الخدامة ديرلها اسعافات أولية رحمها الله
نرجعو للسوجي كانو كامل مشوكيين ، بما فيهم جيهان نفسها
سيفو "واش درتولها ااه واش درتولها"
أنت تقرأ
كوليناك - Culinak
Actionمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
