باسم الله الرحمان الرحيم و الحمد لله و الصلاة و السلام على أشرف المرسلين أما بعد فقد حكمت محكمة سيدي محمد بالطلاقِ -مانكذبش عليكم أصلا ماكاش يسموه زواج- على المدعوَة جيهان تاكيلجاد من زوجها -اللي هو مشي زوجها- يوسف حيدرخان و هذا بعد أن إستيقظ المسمى يوسف وسط دهشة من المدعيّة عليها جيهان رفقة المّدعي عليه ياسين و إتضّح يا إخوة المسلمين أنّها لعبة من طرف الرأس المدبر
و هكذا قرر القايد يوسف الطلاق لأنّه يمتلك -عطسة و يموت- و هو لا يريد أن يصاب الزكام
-الفاهم يفهم ذوك- ! و بهذا نقلت المتهمة الى هيئة الأمم المتحدة للحنان و الضرب -والديها بكل اختصار- و بعد الكثير من المشاورات حُكِـــــم عليها الشنق موتا - قصدي ماتزيدش تخرج من الدار أبدا نيفر ايفر و منعو عليها التيليفون و المسلسلات و حتى غامبول- بالإضافة الى الأعمال الشاقَة -شغل الدار و ماجاوره- و لا ننسى وضعها تحت بروتوكول بحيث تتعلم اللغات بتطبيق دولينغو و تتعلم الطبخ بمساعدة أب وليد و قناة سمير
أما عنه ، المجنّي عليه المحڨور المحفور ياسين حيدرخانو و يا دلالي يا خانو فقد حكـمت المحكمة بالتدريبات العسكرية المكثّفة و ساعات العمل تضاعفت ×10 و منِه لن يُقابــل جيهان تاكيلجاد أبدا إطلاقا ؛ و أصبح ياشين المشكين لا يرفع رأسه على أعماله و أصبحت الطريقة الوحيدة التي تراه جيهان فيها هي في التلفزيون -كي يدير خطاب على ضرورة المحافظة على المياه و السدود الغربية الجنوبية و ثاني كي يهدرو عليه في الأخبار تاع اليتيمة-
و أوبس كدت أنسى يا عالم ؛ هيئة الدين و الوالدين بمساعدة القــوات العسكرية للعرف و التقاليد قررت و بكل تواضع و بدَل زواج مزيف بين -جيهان و الشايب الطايب تاع يوسف- تزويج إيـــلآن مع ...
Djihan prv
"يويويويويويوويوي"
أنعم هذي تزغريتة تاع ماما كي دَخل أنيس صبعو الصغير تاع رجلو اليمنى من الباب
"راهو جا الرجل تاع الدار ..الزين تاع يماه و العريس تاع كوليناك"
قالت ماما و هي ميتة بالفرحة ! أنيس ببرود
"واه واه فهمنا العجوز عندك 4 شهر ملي راكي تزغرتي ماعييتيش ؟"
واه فاتت 4 شهر كاملة مازدتش شفت برا كيفاش دايرة ! ياك السماء مزالها حمراء !
"جيهان اطلقي المجلة تاع الجيش و روحي اغسلي الدوارة "
عيطت ماما فيا ! وايت وايت الدوارة ؟؟
"عناااه ثاني" قلتلها و أنا قريب نبكي و يطيحو دموعي اللي نشفو من كثرة البكاء
"باغدون ! تحوسي عليا نعيط لباباك ؟" قاتلي و دايرة يديها مور ظهرها واقفة كيما الجينيرال
نضت و عصبت شعري فولارا حمراء و لبست غوبة تاع الشغل و بوم دووم للكوزينة ؛ كي دخلت لقيت وفاء و رفيف يوجدو في الڨاطو للعرس تاع أنيس و إيلان
أنت تقرأ
كوليناك - Culinak
Azioneمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
