"نوض نوض نووض نوض علابالي بلي راك راح تنوض نوض" قعدت قدام راس ياسين و قاعدة نعيط
هو قالي بالنعاس و دار من جيهة لوخرا"عاودي موتي تعيشي كنت عايش آلاز"
أنا بالعياط"واش من جهنم جبتني ليها ؟ وعلاش راك صون تريكو ؟ واش حكاية الجمل"
ياسين"الجمل من سمانة ليفاتت و هو يمشي عيا قلت نربيه ديجا جمل خير منك"
أنا ضربتو بدبزة لظهرو ناض يجري "هوهو "
ياسين شاد ظهرو "علابالك كرشي ماركات إيرور"
رفدت حواجبي في هذيك تاع شح مح ، شدلي نيفي جبدو ليه قريب نحاهولي الكلب
"اااي شادي" قتلو و ضربتو بركلة و أنا قاعدة
"غوريلا" ردّلي بضحكة و قاعد يحوس على تريكوه واو هذا وين تفكر بلي الإنسان الطبيعي يلبس تريكو باش يستر روحو خاصة قدام طفلة محترمة كيما أنا
أنا قست عليه مخدة "أهدر وين جبتني ؟ واش رانا نديرو في خيمة ! سافرنا عبر الزمن !يووبي"
هو يلبس "سلامون عليكوم في صحراء بلادك الزينة و هذي خيمة النمر الصحرواي و كي يجي بلاكاي ثم بلاكي تضحكي عليه ..." قبل مايكمل هدرتو
دخل واحد الرجل قصير ، لابس هيدورة في هذي سخانة .. شعرو مكشرد سابغ وجهو بالصفر و لبيض واقيل هذا هو النمر الصحرواي ؟
"ههههههههههههه اسنا كرشي منين جابوك نتا يرحم والديك تشبه للأقزام السبعة هارب من عصر حجري"
و بديت نضحك و نضحك واحد الساعة و أنا هكاك
حتى نقزني ياسين من يدي وجهو مكرفس مشنف و عينيه حمر
همس "بلعي علابالك هذا شكون؟"
أنا رفدت كتافي و قلت "يكون شا يكون المهم يضحك و يشبه لزوليخة "
زوليخة النسخة الرجالية قال و صوتو كشغل يهدر في البيدون "كشكون تكون هذي ؟"
أنا بوجه كيوت"أنا مرت...." قبل مايكمل قال ياسين بلخف "مرتي مرتي هذي مرتي ياك قتلك"
واايت وايت قتلو بالعياط"بلع راك تخرف ولا واش ؟ وينتا..."
ياسين حكملي يدي و قال "هي مزال ماتعودتش على الزواج قولي ياك راهي مليحة ذوكا نقدرو نروحو؟"
مستر قزوم قال بإبتسامة "كعندكي شك في هاذ عفيسة ؟ "
ياسين تبسم و قالو "صحيت بزاف يا سيدي .. عالجتها و تهليت فيها فريمون مارسي"
زواخ هذاك القزوم دار براسو تاع إيه و ضحك ضحكة صفراء ! وات هامبنز ؟
أنا بالعياط"هذا داواني ؟ هذا قد صبعي صغير داواني ؟..." غلقلي ياسين فمي بيدو
النمر هذاك بشك "ياسينة ماخبرتهش بالقواعدو ؟"
مافهمتش نضحك على اسم ياسينة ولا نسقسيه على القواعد !
أنت تقرأ
كوليناك - Culinak
Aksiyonمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
