"ياسين حيدرخان وين راح بالك ؟"
قال أدهم بنبرة سخرية قطعت افكار ياسين اللي كان واقف في نفس البلاصة
كان يخمم برك واش راح يصرا لوكان يقتل جيهان ! و يرضخ لهذا الكلب الناطق تاع أدهم
لحمو تشوّك برك و هو يتخيل فما بالك الحقيقة ؟ و أدرك بلي هذا كلو خيال و كامل هذيك دراما من انتاج عقلو الخرافي ..هه
هو خزر في جيهان اللي كانت واقفة قدامو و قاتلو "ياسين حياتهم في الدونجي !"
"امشي رنكي مكاش موت و ماكاش عفسة تاع نقتلك غير نحيها من راسك فهمتي ! " عيط في وجهها و عروقو يبانو من القلق
"علابالك تخيلت برك بلي قتلتك ! علابالك هذاك الشعور !!!!" عيط فيها و السلاح يلوّح بيه
"انا راجل مانرضخ لحتى واحد قدرت نوصلك ليدي عمي ؟ ماراحش نسمح في الناس اللي نحبهم "
أدهم مدّ الإشارة لهذوك الرجال اللي ثما باش يبداو يقتلو و وسيم و راسم بداو يعيطو باسم باباهم و يبكو
جيهان عنقت ياسين و همستلو بكلمات في وذنو خلاتو يبتسم و يخزر فيها كأنها أغلى واحد و اذكى واحد شافو في حياتو
"حبس !!!"
عيطت جيهان و وقفت مقابل ياسين ..ياسين بكل برود دار براسو تاع ايه و قال بصوت عالي "خلاص راح نقتلها"
رفد سلاحو و غمزلها من جيهة ..هي تبسمت و فتحت يديها و بووووم
تيرا عليها و دار شوية دراما تاع طاح يبكي عليها و هي دارت روحها طاحت ماتت
نور و أدهم تبسّمو و سامي هبط راسو و ملامحو مابانوش مليح
و كي طفا التيليفزيون ..رفدها حطها فوق الفوتاي و همسّلها بكلمات في وذنها و طلع الفوق و على وجهو ابتسامة تاع خبث ..و هو علابالو بلي راهم دايرين كاميرات في الدار و مشي موحال كاين واحد راحو في الدار
راح يدوش بكل برود يحوس ينسى الكوشمار اللي صرالو هذا وين !
ماراهوش مأمن بلي عاش كامل هذو برك في خيالو
"و زيد قلت لجيهان نحبك ..ههه وين راه عقلك ياسين وين !!!"
و طاح الماء البارد على شعرو لكحل ..
djihan prv
شكون قال بلي الخطة تاع سامي فادتنا و في نفس الوقت مافادتناش
بيسك كي كنت مع جماعة الخير في هذيك الدار المسكونة و درنا خطة باش نقتحمو دار تاع أدهم ..لبسنا كامل بذلات مضادة للسلاح و هذا الشيئ اللي كان خطة من سامي باش مايقتلنيش كريم
كيما راكم تشوفو راني حية أرزق بيسك أنا كصاحبة سبع رواح راني استهلكت اربعة منهم و بقاولي ثلاثة مخبيتهم للضرورة
أنت تقرأ
كوليناك - Culinak
Aksiمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
