قبل ماتفتح الباب لقات مكتوب بالخط العريض عليها
√ ياسيجان √
اختصار لياسين و جيهان !
تبسّمت و فتحت الباب الكبيرة حتى تفاجأت بالضوء في كل بلاصة و الورد معلق و صراط حمر مفرش في الأرض و في وسط الصطاد كان هو واقف عند طابلة طويلة و عليها شموع و ورد و ماكلة
و هو كان في أفخم حلّة ..كوستيمة كحلة و كرافاطا بيضاء و في جيب القدامي وردة حمراء ..في يدو كان الكادو و في يدو لوخرا ورد و يبتسّم
هي قلبها خبط بالزور ..و خطـات خطوات تاعها من جيهتو
يتأمل فيها و هي تمشي بشموخ ليه ..وقفت حذاه
ريحتها وصلت لنيفو ..خلاتو يتنفس بعمق ! توحشتها
توحشت ريحتها ..هبالها ..توحش جيهان و نقطة
و هي ماتوحشاتوش برك ..كانت دايمن تخمم فيه و تخمم في لقاءهم كيفاش راح يكون
شكون قال بلي لقاءهم راح يكون بنكهة الأمير و الأميرة ! سندريلا ؟
"راكـي الشابَة كيما كنت متخيلك يا غوريلا "
قالها و مدّلها الورد و الكادو ..هي ضحكت و شدتهم
" و نتا راك لاباس بيك ..بصح تبقى شادي"
عقلها كان يعيط و يقولها بلي راهي تكذب ! ماكاش منها ! راهو شباب و هابلة على زينو بصح برك ماحبتش تقول
" اممم باينة ..جيهـان نطلب منـك سارفيس !"
"واش هو ياسين ؟"
" إنساي كل شيئ فات ..إنساي كلشي ! أنا و نتي برك ..فهمتي عليا ..حابة تكون هذي الليلة سبيسيال"
قالها ببحة رجولية يخزر فيها بعشق كبير
" واش نبغي كثر من هذا الشيئ ياسين ؟العالم من جيهة و حنا من جيهة خلاف "
" آلـوغ ..تقبلي تتعشاي معايا هذي الليلة ؟ "
" اممم اذا كانت ماكلة بنينة علاش لا " و ضحكت ..
تبسّم و جبدلها الكرسي باش تقعد ..هي خزرت فيه و قاتلو " مـارسي ياسين ..على كل شيئ "
و قعدت مقابلاتو ..هو نحا الفيستا تاع الكوستيمة و حطها على كتفها و همسلها حذا وذنها "على أساس قتلك ماتكحليش عينيك ؟ نتفاهمو عليها "
هي تبّسمت و قاتلو "ماعندك ماديرلي العينين ليا و أنا مولاتهم"
" بصح نثقب كل عين تشوف فيك ..و نتي مولات الكحُـل "
" ممم واش كاين عشاء اليوم " قالت تقـلب في السيجو
" شفتي واش درت كامل ..ماقدرتش ندبر عشاء يليق بيسك ماكفاش الوقت .. مثوّم مهرب من العرس ديراكت و شوربة "
هي بدات تضحك و قاتلو " معليش المهم ناكلو"
بدات تاكل و هو يخزر فيها برك ..يتأمل فيها
" واش حبيبنا ؟ واش تسنى ابدا تاكل "
فهمّ هو بلي جيهان كي تولي تاكل تنسى كيفاش تتصرّف كيما الأنثى
أنت تقرأ
كوليناك - Culinak
Actionمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
