"لوكان نقولك بلي ولات تاعي وحدي ..واش تدير ياسين حيدرخان..!"
كانت هذي الجملة اللي خلاتني نفتح الصمام تاع الكابوس و نجي راح نطلق عليه لوكان مشي جيهان اللي ناضت و شعرها طايح على وجهها و تضحك ضحكة واصلة لوذنيها
دارت صبعها على فمها و قاتي "ششش" ..أنا تبسمت و عاودت خزرت في هذاك الكلب اللي كان يستفز فيا
حتى حطت جيهان موس صغير على رقبتو و قاتلو بالعياط و هو يتخبط بين يديها كيما نعجة صغيرة "هاه بايبي واش كنت تقول ؟ سمعني صياحك"
هو عضها من يدها و ضربها بكف دورّها من جيت الحيط ..بصح وايت وايت أنا واش راني واقف ندير؟
رميتو بدبزة في الأرض و قعدت على كرشو و بديت نضرب فيه بلا حدود و هو يعيط و يحوس يضربني من بعد قلبني و بدا هو يضرب فيا بالدبازي
جيهان كانت قاعدة فوق البونك و تشرب في الماء و تعيط بفرحة "ايا ياسين ايا ياسين رانا معاك رانا معاك"
واحد الراس راهو يقولي نوض من دبزة نضربها بكف و نكمل الدبزة بكل رجولة
"عاونّي جدي واش راكي ديري ثما؟" عيطت فيها ..هي رمات القرعة تاع الماء على راس هذاك الرجل و هو كي تلفّت ليها أنا ضربتو بدبزة لاماشوار تاعو كسرتهالو
جبدت هي الكرسي و ضرباتو لظهرو بالزور و أنا زدتلو ركلة لكرشو ..شديت السلاح و درت جيهان مورايا و قتلو بتهديد "ماتزيدش تلعبلي على المورال فهمت ؟ سورتو كي يكون السوجي جيهان"
هو كان طايح في الأرض و الدم يسيل من فمو قالي بضحكة صفراء "واو ..متزوجة برجل قد باباها و وليد راجلها يعشقها ..دمعت عيناي "
أنا كنت راح نطلق عليه نقتلو حتى شدّتني جيهان من يدي و قاتلي "ياسين ..لالا"
أنا بلا مانخمم شديتها من يدها و خرجتها مورايا مخليه طايح في دمو بصح قبل مانخرج سمعتو عيط فينّا "راح نخليك تندم فهمت ..نتا و ڨاع اللي تحبهم"
خزرت في جيهان لقيتها مشوكية هي الثانية ..ماديتهاش فيه كامل ركبت في طونوبيل و هارون سرق طونوبيل من هذوك اللي كانو ثماك و قلّع مورايا
أنا خزرت في جيهان نطمأن عليها و هي برك مدّورة راسها من تاقة و غايسة "شكون الكلب هذاك؟"
جيهان خزرت فيا و عينيها فيهم دموع و ساكتة برك آلوغ أنا ماحبيتش نقلقها بزاف بيسك شايفها من روحي كي نتقلق ولا نزعف مانحبش واحد يسقسيني بيسك نبعثو لجدّاتو الأولى عادي جدن كثيرن
كنت نسوڨ و غايس نخمم في مية حاجة في نفس الوقت ..شهرين كاملين و أنا غايب على الدنيا ..! و كي نوض نلقا روحي في الروس و زيد واحد يخطف مرت باباك و زيد تتفكر بلي هي أصلا مشي مرت باباك و كذبو عليك عيناني ..
أنت تقرأ
كوليناك - Culinak
Akcjaمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
