كان مصدوم كي شافها .. قالها مدهوش "هذي نتي"
ماكانت ردة فعلها مختلفة على ردة فعلو .. قاتلو بدهشة "هذا نتا ؟"
أنيس شد على اللحاف بالزعاف و عيط فيها "أخرجي منا روحي مانيش حاب نشوف وجهك"
إيلان ضحكت بلا فكاهة و قاتلو "مكلاه تزوخ علينا مسيو .. مانيش ميتة عليك علابالك"
أنيس "سلفيلي وجهك ندير بيه أكسيدون حمبوك"
إيلان ببرود "كي تسلفلي وجهك قبل باش نخوف بيه ولاد الحومة"
أنيس بضحكة صفراء "ياك ناس يخافو يخافو منك بالماسك ولا بلا ماسك يا وجه الكسرونة"
إيلان مقلقة "بلع يا البغل المبغل .. ديجا شد "
حكمت مخدة من تحت راسو في أقل من ثانية و غمت بيها وجهو و بدات تضحك ضحكة شريرة
هو شهق و قاعد يتخبط بيديه حتى نحا المخدة من وجهو .. قلب إيلان رجع هو فوقها و هي تحتو بدات تدعي باش يبنو قبرها قدام قبر جدتها و يديرو ماكلة بنينة في جنازة تاعها ..
"اوبا ذوك ماكاش كيفاش تكملي شغل خوك الناقص"
كان يمعني بلي هي حابة تقتلو
جات راح تطبعو ، شد يديها و خزر فيها بمكر
"هاني حكمتك .. آخر مرة كنت هاربة و تعيطي بلي ماراحش نحكملك جدك"
قاتلو ايلان بالعياط "ياك أنا و ياك كنا في نفس البلاصة ! يا البغل"
قالها بالعياط "ايه بصح وين ؟ "
ايلان بالتشناف "وين يعاودولنا التربية في ميزك ؟ دار إعادة التأهيل كي ذراري صغار "
كي جا راح يهدر و يقولها بلي كانو أصلا في 15 سنة برك
بوووم نفتح الباب و يتفاجأو ب.....
--------------------------------------
Djihan prv
بعد ماتضاربت مع بابا و قاستني ماما ببليغة و كلاتلي هند الحمارة حقي تاع نيتولا الأزمات اللي كان تحت البونك
عرفت بلي ماكاش حل غير نزطل بالكمون خير ..
قلت بالعياط"هند ، ملاك أحكمو بلاصة رنكو راح نحكي معاكم في سيجو اللي تبدا تضحك نكسرلها عظامها"
في زوج قعدو قدامي رافدين مخايد و قالو في نفس الوقت "قولي"
يارب علابالي راح نندم ڨاع حياتي المنحوسة على جون ويك
"تزوجت" قلتلهم ببساطة
هند تصفر "واااو .. هذا مكان ؟ .. بالبراكة"
ملاك تعنق فيا " ياااعوملي وينتا راح نشووف وليد ختي "
اصبرو بعد ثلاثة ، إثنان ، واحد
ناضت هند تصفع في ملاك و ملاك تصفع في روحها ثاني
"يااا كلبة يا حمارة يا جايحة يا خنزيرة ..."
غمضت عينيا بصبر
أنت تقرأ
كوليناك - Culinak
Acciónمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
