يوسف " بالمناسبة عيطتلك باش نقولك غدوة العرس وجدي روحك جيهان"
أنا الجنون تاع جنوني ناضو !
يسما لعبة هذي أنا الضحية الوحيدة اللي خسرت كرامتي فيها ولا واشنو ؟
نضت خبطت الطابلة ، رميت التفاح فلرض راحو دارو دورة إبن بطوطة في كاش بلاصة
"واش قلت ؟ عاود واش قلت ماسمعتش" عيطت في وجهو كشغل مرتو و عندي ثلاثين سنة ملي تزوجتو
ناريمان خانو لفعى "لطرش بعيد الشر ! راهو يقولك غدوة العرس وجدي روحك"
هل أنا سربيتة ؟ بحق الله
حكمت كاس ماء و جيت رايحة نرميه في وجهها بصح كبيرة في العمر و أنا ماعنديش نية نربح فيزا لجهنم قستو في وجه إيلان المهم قستو
إيلان بالعياط"وااش درتي يا رخيسة واش درتي ؟"
و تخزر في روبتها .. ضحكت ضحكة صفراء و كملت شربت الماء الباقي
يوسف خبط الطابلة و ناض بالعياط"جيهان !! احترمي روحك .. كلشي غير بنتي !!"
أنا بنص خزرة "و أنا ثاني كلشي غير كرامتي "
يوسف بتبسيمة "غدوة العرس صي غدوة نقطة وخلاص"
أنا بالعياط "ماكاش عرس يالوكان طيح السماء على الارض و يخرج بوتفليقة يمدلي لاغوسات تاع عمر الطويل و الله ماكان العرس"
After 1 hour
"والله ما مأمنا راني نخير في حوايج العرس اللي نلبسهم في عرس جيهان ! الدنيا ياه " قالت ملاك و هي تخير في الحوايج
واه أنا جيهان تاكيلجاد بكامل قواي العقلية أقبل بالعرس مع شيبوخ ! الفضايح أنا كي تزوجتو على الأقل نتزوجو مزيف و حكاية خفيفة و صاي
بصح نن ؟ عمو يوسف قرر يدير العرس .. و ماتسائلوش كيفاش قبلت ، حطلي شرط و أنا قلبي الصغير ماطاوعنيش نخليه
"و أنا مانيش مأمنة قبلتي تديري العرس بيسك مدلك مصنع تاع شيكولا باسمك ؟"قالت هند تمشي مكرفسة وجهها
أنا بالعياط"بلعي يا كلبة ياك قتلك نديرلك ثما بيرو تولي دايمن تروحي تاكلي بلا دراهم"
ملاك"و منه تلقاي عسل معسل يخدم في مصنع شيكولا ! اوماي سيدي ربي ماقدرتش نحمل"
هذا واش تخمم .. ذوك حنايا رانا في سوڨ تاع الثلاثاء يعني كيما يقولو اللي حب يعمر دارو يجي هنا و هو يدخلولو غير اللي من كوليناك
كنا نشرو حتى جاو واحد ثلاثة من أبو عضلات يمشو بالزوخ ، دايرين نواظر و لابسين كوسيتمة كيفاش تجرأو و دخلو لكوليناك !!!
و في وسطهم .. احم و من غيرها "ناريمان خانم-
تمشي بالزوخ و مشنفة
هند "واش العجوز خايفة على عميرتك ول ؟"
أنت تقرأ
كوليناك - Culinak
Acciónمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
