My Gay Boyfriend Turns Into A Real Man

Chapter 47

CASELINE

Nagising nalang ako umaga na, dali dali akong tumayo at nag unat unat para naman hindi ako ma stroke kakahiga. Kinuha ko ang cellphone ko, at tiningnan ito. Binuksan ko ang aking facebook at sumunod naman ang messenger at...

"What the F is this?" laking gulat ko ng makita kong may convo kami ni Jaden kagabi. Tri-ny kong mag backread,at alalahanin kung naka usap ko ba siya kagabi ngunit wala akong maalala. Iniisip ko pa ang mga ginawa ko bago ako matulog.

"Kumain... nag toothbrush... nag skin care at natulog!" bulalas ko. "Pero bakit kami may convo nito? Hindi ko talaga siya naka usap kagabi."

Sinubukan ko pang mag backread ngunit ilan na lamang ang mga messages na makikita do'n dahil deleted ang iba. Nakakainis naman sino kayang nakialam ng account ko! Ang tanging nakita ko nalang na huling chat ay galing kay Jaden at ang sabi sa chat ay "sige 8pm bukas ah, huwag mo kalimutan."

Abay nakipag kunchaba pa ang kausap ni Barbie boy sa kaniya na makipag kita ng alas otso ng gabi! Hindi ko na alam ang iba pa nilang napag usapan, nakaramdam tuloy ako ng hiya paano kung isipin ni Jaden na ako talaga ang kausap niya? Nakakainis naman! Napatingin ako sa orasan at lalong sinigaan ang pwet ko ng makitang malapit na'kong malate sa klase kaya naman dali dali akong bumaba para kumain at mag ayos.

Bumungad agad sa 'kin ang pinaka mabait kong kapatid sa buong mundo.
"Bakit ka tatawa tawa diyan?"

"Wala lang masaya gising ko e," naka ngising sabi niya.

Tinitigan ko siyang mabuti. "May ginawa kang kababalaghan 'no?"

Bigla siyang natawa ng malakas. "Ako? Wala! Hahaha!"

Umupo na'ko ng upuan at kumain. "Si papa?" tanong ko.

"Maaga pa umalis," sagot ng kapatid ko.

"Ikaw bakit nandito kapa? Diba maaga kadin umaalis?"

Nanlaki ang mga mata niya sa tanong ko. "Ah kasi a-ano, ummm..." halatang hindi niya alam ang isasagot niya.

Hinampas ko ng mahina ang lamesa. "Anong oras ka natulog kagabi?" seryosong tanong ko.

Nakita kong parang namutla siya. "H-ha? Mga 8 ata 'yun bakit?" nauutal na sabi niya.

Lumapit ako sa kaniya at pinakita ang cellphone ko. "May ginawa ka dito 'no?" pag pupumilit kong sabi para umamin siya.

Naka tingin siya sa cellphone. "H-ha? Anong namang gagawin ko diyan?" Nag lunok laway siya.

"Chinat mo si Jaden 'no?" tinititigan ko siya ng isang pamatay na tingin. "Tulog na'ko kagabi bakit kami may convo?" sabi ko.

"Ah eh, hindi ko alam!" depensa niya.

"Christian! Makinig ka sa'kin, hindi kita ibibili ng sapatos na gusto mo pag hindi ka umamin saka---" naputol ang sasabihin ko.

"Saka ano?" kabado niyang tanong.

"Saka sasabihin ko kay papa mga sekreto mo!" pag mamatigas kong sabi.

Nakita ko siyang huminga ng malalim at kinuha ang basong may lamang tubig. "Sige sasabihin ko na, chinat ko lang naman si kuya Jaden kala niya ikaw nag chachat kagabi at---"

"At ano?!"

"At ayun, niyaya ka niya mamayang gabi hindi ko din alam saan kayo pupunta," pag amin niya.

"Ano pa mga sinabi mo?" tanong ko.

"Nakalimutan ko na 'yung ibang usapan e, basta ang naalala ko lang masaya usapan tapos gusto ka niya makita mamayang gabi," sabi niya.