في ڤيلا عاصم المرشدي
نزل آدم من غرفته بعد أن أطمئن علي زوجته وابنته ...وجد ابيه يجلس علي السفرة يتناول طعامه فجلس جواره وقال بعتاب :- يعني مفكرتش تطلع تطمن علي أنچي وبنتي .....علي فكرة انا سمتها رحمة علي اسم امي الله يرحمها
عاصم بسخرية :- كمان سمتها رحمة ...طالما انت مبسوط يا آدم أنت حر
آدم بحدة :- بعد ده كله لسه مش متقبل انچي يابابا حتي بعد مابقت ام بنتي
عاصم بسخرية :- طالما انت متقبلها يا آدم وبتحبها خلاص .....زي ما قولتلك انت حر
اعتدل أدم وقال :- بابا احنا أمتي هنعيش في هدوء من غير مشاكل....سواء في بيتنا ولا في الشغل ...ايه حضرتك مصمم اننا نعيش في كره وخناقات وصراعات
عاصم :- عارف ايه مشكلتك يا آدم ؟! إنك ضعيف
نظر له آدم بحدة
فتابع عاصم :- أيوة دي الحقيقه يا آدم انت ضعيف .....عشان كده عاوز تفضل ماشي جنب الحيط عشان تداري ضعفك ....عاوز تمشي جنب الحيط في شغلك ..ورفضت تشتغل مع جدك ...واتجوزت بنت اهلها ناس عادية مش من مستواك ...
.بس احب اقولك حاجة تحطها في دماغك الضعيف في الدنيا دي بتداس بالرجلين وبيموت ....اديك شايف ابن الجارحي عمل ايه عشان يقف علي رجليه ...ياريتك حتي ربعه ...
.الصراعات التي انت بتلومني عشان يدخل فيها دي اللي بتحمينا وخلية لينا اسم في السوق لحد دلوقت ...لولاها كان زمان ابن الجارحي واللي زيه داسو علينا من زمان
آدم بحدة :- ياريتني ابقي ربع ادهم!!!!. ....مش ده ادهم اللي كنتو بتقولو عليه زمان انه قاتل وجدي كان بيخليه يعمله شغله القذر كله ....مش ده أدهم اللي كنتو بتكرهوه كلكو
عاصم :- أيوة ....بس قدر يوقف شركات أبوه علي رجليها ويملك السوق ويخلي الكل يعمله حساب
آدم :- انا مقتنع بنفسي يابابا زي مش لازم ابقي قاتل ومجرم عشان ابقي قوي والناس تعملي حساب ...زي ما قولتلك قبل كده لو عاوز أنافس ادهم هنافسه في الشغل مش في الطريق ده عشان انا عندي عيلتي اللي اخاف عليهم ....وبالنسبه لأنچي مراتي فانا اتجوزتها عشان بحبها ...مش هتجوز واحدة مبحبهاش لمجرد أن اهلها اغنيا ....سلام يا بابا ياريت تفكر في اللي قولتهولك يمكن نقدر نعيش مرتاحين بعد كل اللي شوفناه ....
في المشفي
وصل ادهم ووسام للمشفي وأخذا يبحثان عن غرفة ملك حتي وجدا ميري تقف مع احدي الطبيبات وممرضة خلفها تحمل لفافة بيضاء صغيرة بين ذراعيها ...اقتربا منها وابتسمت ميري حين رأته وقالت:- أدهم بيه وصل
اقتربت منه الطبيبة وقالت :- اهلا يا افندم ...ولو اني متضايقة من حضرتك عشان لو كنت جيت مدام ملك للعيادة اتابعها كنت وفرت علينا اللي حصل ....الولادة مكنتش سهلة الأسف بس الحمد عدت علي خير ...الطفل كويس جدا بالنسبة انه مولود في السابع ومدام ملك كمان بقت كويسة
أنت تقرأ
أسيرة الوحش
Roman d'amour"ملك " ملاك صغير ..فتاة فقيرة يوقعها قدرها أسيرة لدي رجل قاسي ، بارد ، يهابه الجميع ، لتقع في حب سجانها ، ليستغلها لتحقيق رغباته وأمنياته ، أعطته قلبها وروحها وحياتها بينما هو سلبها كل شئ .... يقولون أن الحب دائما أقوي منا ، وأننا لن نختار من سيس...
