استيقظت ملك علي صوت مدام ميري وهي تهز جسدها بقوة ، كان وجهها شاحب وعيناها منتفخة من كثرة فقالت لها ميري :- يالله ...نومك تقيل كتيير .....صار لي ساعة بفيق فيكي ...في عروس تنام لحد هلق
شهقت ملك بخوف عندما سمعت كلمة عروس فاقتربت ميري واحتضنتها وقالت :- اي عروس .... اسمعيني راح قولك نصيحة حبيبتي .....في مواقف اتقابلنا بالحياة بيكون الاستسلام هو الحل ....لهيك ماتزعلي حالك ولا تشيلي هم المكتوب لك راح تشوفيه
ثم رفعت فستان ابيض من الشيفون الناعم ذو أكمام طويلة مزين بلآلئ بيضاء حول رقبته وقالت بفرحة :- شو رأيك ؟! أدهم بيه بعته وبعت أغراض تانية كتييير ....بتاخد العقل ...يلا يا عروستي الصغيرة قدامي ع الحمام ...
نظرت لها ملك بعيناها المتعبة التي تجمعت فيها الدموع .... انها محقة ليس امامها سوي الاستسلام فلن تستطيع المقاومة ....ولا استطاعت الهرب .... فلتترك نفسها للتيار ولتري بأي شاطئ سترسيها رياح قدرها
في شركة أدهم الجارحي
دخل وسام علي أدهم في مكتبه وهو يطالع اوراق في يده وجلس أمامه فقال أدهم بهدوء :- هتيجي معايا القصر
وسام :- ليه ....
أدهم :- لأ هتشهد ع عقد جوازي
ضحك وسام بصوت عالي وقال :- لا بجد ... عاوزني ليه ؟!
نظر له أدهم بتعابير ثابته :- انا بتكلم جد ..... هتشهد علي عقد جوازي النهاردة بالليل .
وسام بصدمة:- أزاااي ؟! ومني وافقت انكم تتجوزو من غير فرح ولا معازيم كده عادي
قال أدهم وعيناه عالورق امامه :- مش هتجوز مني
ازدادت صدمة وسام وقال :- مش هتتجوز مني !!! اومال هتتجوز مين ....أدهم انا مش فاهم حاجة
وضع أدهم الورق من يده وقال بهدوء وهو ينظر لوسام :- هتجوز البنت اللي مش عاوزني أقتلها
طالعه وسام بصدمة وسكت لبرهة يستوعب ماقاله أدهم وقال :- إيه !!!!! .......أنت يا أدهم هتتجوز البنت دي ...... طب ليه ؟!!!
أدهم :- بدل القتل .... كده هتفضل تحت عيني
نظر له بعدم فهم ثم بشك وقال بعد فترة :- لأ يا أدهم ....انت لو عرفت تضحك ع الدنيا كلها مش هتضحك عليا ......انا عارف أنت هتتجوز البنت دي بالذات ليه ....ولو اللي في دماغي صح يبقي أقتلها أحسن وانا مش هعارضك ....
وتابع قائلا :- مفيش بني آدم هيستحمل اللي أنت عاوزه ....تقتلها دلوقت بدل ماهي تقتل نفسها بعدين
أسند أدهم ظهر عل كرسيه ورفع حاجبه وهو يطالع وسام وقال :- بجد ..... وانت شايف اني هتجوزها ليه بقي ؟!
أبتسم وسام وهز رأسه باستنكار وقال :- عشان ده اللي بتدور عليه يا أدهم بنت صغيرة غلبانة اهلها شوية ستات فقرا هيخافو منك ، محدش هيقدر يوصلها ........فهتفضل تحت رحمتك وانت المتحكم فيها .....تتجوزها وتخلف منها وتعمل الاسرة اللي بتحلم بيها .......
أنت تقرأ
أسيرة الوحش
Romantizm"ملك " ملاك صغير ..فتاة فقيرة يوقعها قدرها أسيرة لدي رجل قاسي ، بارد ، يهابه الجميع ، لتقع في حب سجانها ، ليستغلها لتحقيق رغباته وأمنياته ، أعطته قلبها وروحها وحياتها بينما هو سلبها كل شئ .... يقولون أن الحب دائما أقوي منا ، وأننا لن نختار من سيس...
