Love Works That Way

Kabanata 13

                     Nazarene

Matapos ang nangyari kahapon ay  ewan ko ba kung bakit nabalita na kaagad  sa buong campus na kami ni Mira.Ang pagkakaalam ko tatlo lang kami duon so masasabi ko na may isang reporter o nagkalat ng balita.

Ang sigurado lang ako ay hindi ako 'yun imposibleng si Mira 'yun kasi ang gusto pa nga niya ay si Enzo.Isa na lang ang natitira at posibleng siya pero bakit naman niya gagawin 'yun.

Posibleng may iba pang tao du'n bukod sa amin.Pero teka  bakit ko ba iniisip ang bagay na 'to bahala  na nga.

Ang aga-aga itong mga pinsan ko  nandito na sa bahay  at sasabay daw sa akin pagpasok.Malakas din talaga trip nila at dito na din  sila nag-umagahan sabi ko nga da't dito na din  sila natulog.

"Tita ang sarap po talaga ng luto niyo,"papuri ni Kyenne  sa luto ni Mama.

Hindi ako sure kung sinasabi niya lang 'to dahil  kaharap niya si Mama o talagang ngayon lang  niya natikman ang luto ni Mama.

"Sus ikaw na bata ka nambola ka pa.Ang alam ko masarap din naman magluto si Katherine  ahh,"sabi din ni Ate kasi natikman na niya ang luto ni Tita Katherine pero sa tuwing pupunta ako  sa bahay nila yung cook nila ang nagluluto kaya di ko pa naatitikman ang luto ni  Tita.

"Alam niyo Tita talagang masarap ang luto ni Mom, parang  pareho kayo magluto.Pero  matagal na din po naming hindi natitikman ang luto niya,"paliwanag ni Kytler.

"Bakit naman?Paano sino ang nagluluto ngayon sa inyo?"tanong ni Mama sa kanilang dalawa.

Uminom si Ky ng tubig at pinunasan ang kanyang labi at saka sinagot ang tanong ni Mama.

"May cook po kami sa bahay,okay lang din po ang luto niya.Pero namiss po talaga namin ang  masarap na luto gaya nito.Sana nga po  sa birthday ko e luto ni Mom ang matikman namin."

Nakita ko kina Kytler at Kyenne  ang pagkamiss nila hindi lang sa luto ni Tita Katherine pati na din kay Tita mismo.Kadalasan kasi wala talaga sa bahay nila si Tita  dahil isa din siyang Engineer.

"Kung gusto niyo pede namang  dito kayo mag breakfast o dinner kahit kailan niyo gusto.Basta sabihin niyo lang kay Nazarene para  madamihan ko ang luto."Napangiti naman ang dalawang mokong.

"Thanks tita.Mauna na  po kami,"

Mga lokong 'to porket tapos na kumain kitang nakain pa ako dito.

Tumayo na ang dalawa at nagmano pa kay Mama.

Marunong din pala ang dalawang 'to magmano.

"Bro,tara na!"napilitan tuloy ako na  tapusin na ang pagkain ko at nagpaalam na din kay Mama.

May sasakyan si Kytler kaya sa kanya kami sumakay.Hindi ata namin mabibigyan ng espasyo ang katahimikan kapag kaming  tatlo ang magkakasama.

Lalo na 'tong si Kytler  nahawa na ata du'n sa bestfriend niyang babae.

"Kyenne, mamaya may practice kami.Kung mahihintay mo ako e di maghintay ka.Kung hindi ay di umuna ka na,"sabi niya dito kay Kyenne na mukhang hindi naman siya pinapakinggan dahil busy sa  phone niya.

"Tol,nakita mo na ba 'to?"napatingin ako kung ako ba o si Kytler ang sinasabihan niya pero ako nga.

Iniabot niya sa akin ang  phone niya.

"Kalat na  kalat ang video na 'to"pero bago 'yun nakita ko ang ekspresyon ni Kytler at mukhang alam na niya 'to.

Pinanuod ko ang video na nagkasagutan kami nung Enzo na 'yun  at nung sinabi kong girlfriend ko siya.