ماذنبي انـا

2

#منقولة
#وما_ذنبي_انا
#قصص_من_عالمي
#حلقة2
خدت فرح العنوان من المكتب وامشت للحوش اللي بتشتغل فيه كان حوش كبير فيلا تقريبا وكان في منطقة زراعية كلها استراحات وفيلات راقية ...وصلت وخبطت الباب...فتحتلها  وحدة ودخلتها للصالون ..

خشت فرح للصالون لاقتها مرة كبيرة في السن بس مش هلبا...أنيقة وباين عليها النعمة..

فرح: السلام عليكم

المدام أروي: وعليكم السلام...انتي فرح؟

فرح: اي أني فرح..

المدام أروي: اوكي..خليني نعطيك نبدة عن وظيفتك اهني...انتي حيكون عملك كله  ترتيب وتنظيم وتجهيز  وتنظيف  وحتساعدك رحاب وحتكونو مسؤولين ع المطبخ...

فرح: اي ان شاء الله..

المدام أروي: وبالنسبة لإقامتك حتكون في ملحق جنب المطبخ..طبعا بروحك لان باقي العاملات يروحو مايباتوش.. واجازتك حتكون يوم الجمعة

فرح: حاضر..ان شاء الله حنكون عند حسن ظنك..

المدام أروي: ان شاء الله اصلا مانحبش التسيب والاهمال ردي بالك..

ومشت فرح للمطبخ وتلاقت هي ورحاب وباقي العاملات كان أغلبهم مش ليبيات بأستثناء رحاب..وكان عمرها 30 وحالتهم المادية تاعبة عشان هكي اضطرت تشتغل عاملة..

رحاب: اهلا وسهلا انتي العاملة الجديدة صح؟

فرح: اي صح...وكانت فرح متحشمة وخاشة في بعضها..

رحاب قربت منها: ماتخافيش انتي هنا بين أهلك وناسك..وقعدت توري فيها في الشغل كيف نظامه...

فرح فهمت كل شي من رحاب وحست روحها مرتاحة هلبا ليها لانها كانت مساعدتها هلبا وتحاول تخليها تاخد ع الجو ..

( نتعرفو ع العيلة اللي حتشتغل عندها فرح...الام أروي والاب فيصل...عندهم بنت وحدة وهي اكرام وزوز اولاد وائل ومنير)
~~~~~~~~~~~~~~~~

زكية: خيرك اوسيفة ياوليدي مش عاجبني هالايام متغشش..

سيف: مافي شي يام. في مواضيع في الشغل مضايقتني بس..

زكية: مواضيع زي شنو.

سيف: يام من امتي تفهمي فيه انتي شغلي...خلاص مشاكل في الشغل وخلاص.

زكية: باهي براحتك..بس علاش ماتاخدش عطلة وتريح فيها وتمشي للمزرعة اكيد حترتاح..

سيف: وانتي جبتيها تو ناخد اجازة من الشغل ونمشي نغير جو غادي..

زكية: حسه صوت سيارة منو زعما؟

شويا وبان عليهم معتصم ومرته وصغاره...

زكية: جي يهز في راسه هو ووياها...وبرمت بوزها

معتصم باس علي ايدها: كيف حالك يام ^_^