الحلقه16
الدكتور: بصراحة يااستاذ سيف انت ماعندك مشكلة كبيرة لدرجة توصل للعقم..انت بس بدك علاج مكثف لفترة معينة وحيمشي الحال..
سيف فرحان: يعني يادكتور في أمل اني نكون أب ^_^
الدكتور: بأذن الله...بس بدك تلتزم بالعلاج وماتفوت مواعيدو ابدا..
فرح: ماتخافش يادكتور أني حنتابع هالموضوع بنفسي^_^
الدكتور: اوكي منيح...الله يوفقكم مع بعض.
سيف: مشكور جدا يادكتور...هيا فرح..
وطلعت فرح هي وسيف والدنيا مش سايعتهم من الفرحة ان في أمل انهم يجيبو صغار...امشي سيف صرف الدواء وطلعو من المستشفي يتمشو وهما شادين في ايدين بعض..
سيف: تعرفي يافروحة خاطري نرفعك قدام الناس ونجري بيك ^_^
فرح: هههههههههه شن الهبال هاذا
سيف: فرحان يافرح فرحان...اني نقدر نكون أب وفي نفس الوقت حتقدري تولي أم..
فرح: يارب اوسيفة يارب قداش خاطري في بيبي منك
سيف: تي انتي اصلا قاعدة بيبي ههههههه
خبطاته فرح علي كتفه: خزي عليك
سيف: هههههههههه تعالي نقعمزو ع البحر وناخدو حاجة ناكلوها...وقعمزو وهدرزو وضحكو وخداهم الوقت مع بعض لعند الساعة 2.
فرح: حييييه شوف قداش الساعة؟
سيف: 2 وباه كان هاذا؟
فرح: واللي خليناها في الفندق بروحها اكيد قالبة الدنيا توا...
سيف: ااااااوف انسيتها بكل...ياريتني سكرت دماغي وماوافقت ع الزواج مش قادر نكون مع وحدة غيرك يافرح تعبت..وشكلي مش حنقدر نقرب منها من اهني وجاي مش طايقها ..
فرح: واني شن نقول امالا ياسيف عايشة في نار والله...
سيف: بعيد السو عليك ياقلبي..
فرح: الله غالب مكتوب وصار...هيا نمشو حبي
سيف: اوكي هيا اقليبي ^_^
~~~~~~~~~~~~~~~~~
منيرة كانت في الفندق ترحي وحالتها حالة..وقريب تنجن( ايوه هما طالعين يدهورو واني زي الكلبة قاعدة اهني...تي والله لما انطيرك يافرح وتو تشوفي)
وصلو سيف وفرح للفندق...سيف: فروحة معليش بنمشي نشوفها انتي امشي ريحي ونتلاقو ع الغدي..
فرح: اوكي اوسيفة...بنستاحشك للغدي ^_*
سيف: ياحليلي وخلاص...خشت فرح لدارها وخش سيف لدار منيرة لقاها مقعمزة ولما شافاته دروحها تبكي..
منيرة: علاش تزوجتني ياسيف كان بدير فيا هكي حرام عليك علاش..
سيف -_-: تي خيرك اللطف
